പിജി ഡിപ്പാർട്ട്മെന്റുകളിൽ ഏകജാലക പ്രവേശനം
കണ്ണൂർ സർവകലാശാലയുടെ കീഴിലുള്ള വിവിധ ഡിപ്പാർട്ട്മെന്റുകളിലും സെന്ററുകളിലും 201819 അധ്യയനവർഷത്തെ പിജി കോഴ്സുകളിലേക്കുള്ള (എംഎഡ്, എംഎ മ്യൂസിക്, എംപിഎഡ് എന്നിവ ഒഴികെ) പ്രവേശനത്തിന് അപേക്ഷ ക്ഷണിച്ചു. ഓൺലൈനായാണ് അപേക്ഷ സമർപ്പിക്കേണ്ടത്. ഓൺലൈൻ രജിസ്ട്രേഷൻ ഇന്നു വൈകുന്നേരം അഞ്ചിന് ആരംഭിച്ച് മേയ് അഞ്ചിന് അവസാനിക്കും. അവസാന സെമസ്റ്റർ പരീക്ഷ എഴുതി ഫലം കാത്തിരിക്കുന്നവർക്കും അപേക്ഷിക്കാം. പ്രവേശനം നേടാൻ ആഗ്രഹിക്കുന്നവർ www.cap.kannuruniversity.ac.in എന്ന വെബ്സൈറ്റിൽ ഓൺലൈനായി രജിസ്റ്റർ ചെയ്യണം. വിവിധ പഠന വകുപ്പുകളെക്കുറിച്ചുള്ള കൂടുതൽ വിവരങ്ങൾ അതത് പ്രോസ്പെക്ടസിൽ ലഭിക്കും. മാങ്ങാട്ടുപറന്പ്, നീലേശ്വരം സെന്ററുകളിലെ എംബിഎ കോഴ്സുകളും നീലേശ്വരം, പാലയാട് സെന്ററുകളിലെ എംസിഎ കോഴ്സുകളും കോസ്റ്റ് ഷെയറിംഗ് വിഭാഗത്തിൽപ്പെട്ടതാണ്. ഐസിഎം പറശിനിക്കടവിലെ എംബിഎ കോഴ്സ് ധാരണാപത്രത്തിന്റെ അടിസ്ഥാനത്തിൽ നടത്തുന്നതാണ്. എസ്സി/എസ്ടി/ ഒഇസി വിദ്യാർഥികൾക്കു ഫീസ് ആനുകൂല്യം ലഭിക്കും.
ഓൺലൈൻ രജിസ്ട്രേഷൻ ഫീസ് ജനറൽ വിഭാഗത്തിന് 400 രൂപയും പട്ടികജാതി/പട്ടികവർഗ വിഭാഗങ്ങൾക്ക് 100 രൂപയുമാണ്. എസ്ബിഐ കളക്ട് മുഖേന ഓൺലൈനായാണ് രജിസ്ട്രേഷൻ ഫീസ് അടയ്ക്കേണ്ടത്. ഡിഡി, ചെക്ക്, ചലാൻ തുടങ്ങിയവ സ്വീകരിക്കുന്നതല്ല. ഓൺലൈനായി രജിസ്റ്റർ ചെയ്തു കഴിഞ്ഞാൽ അപേക്ഷയുടെ പ്രിന്റൗട്ടും ഓൺലൈൻ പേയ്മെന്റിന്റെ പ്രിന്റൗട്ടും എടുത്ത് സൂക്ഷ്മമായി പരിശോധിച്ച് പിഴവുകൾ ഒന്നുമില്ലെന്ന് ഉറപ്പുവരുത്തുകയും ഈ പ്രിന്റൗട്ടുകൾ അതത് പഠന വകുപ്പിലേക്ക് മേയ് അഞ്ചിനകം സമർപ്പിക്കേണ്ടതുമാണ്. സർവകലാശാലയിലേക്ക് ഈ പ്രിന്റൗട്ടുകൾ അയയ്ക്കേണ്ടതില്ല.
ഡിപ്പാർട്ട്മെന്റുകളിലേക്കുള്ള പ്രവേശനം പ്രവേശന പരീക്ഷ മുഖേനയാണ് നടത്തുന്നത്. പ്രവേശന പരീക്ഷയ്ക്ക് ലഭിക്കുന്ന മാർക്കിന്റെ അടിസ്ഥാനത്തിലാണ് പ്രവേശനം നടത്തുക. പരീക്ഷാതീയതി പിന്നീട് അറിയിക്കും. (എംബിഎ കോഴ്സിലേക്കുള്ള പ്രവേശനം കെമാറ്റ്, സിമാറ്റ്, കാറ്റ് എന്നിവയുടെ സ്കോറിന്റെ അടിസ്ഥാനത്തിലാണ് നടത്തുന്നത്). ഹെൽപ്പ് ലൈൻ നന്പർ: 0497 2715261, 2715284. ഇമെയിൽ:
[email protected]