പ്രൈവറ്റ് വിദ്യാർഥികൾക്ക് വിദൂരവിദ്യാഭ്യാസ മോഡിലേക്ക് 28 വരെ മാറാം
201718 അധ്യയന വർഷത്തിൽ പ്രൈവറ്റ് രജിസ്ട്രേഷൻ വഴി ബിരുദ പ്രോഗ്രാമുകൾക്ക് രജിസ്റ്റർ ചെയ്തവർക്ക് വിദൂരവിദ്യാഭ്യാസ മോഡിലേക്ക് മാറുന്നതിന് 100 രൂപ പിഴയോടെ 28 വരെ അപേക്ഷിക്കാം. പ്രിന്റൗട്ട് മേയ് രണ്ട് വരെ എസ്ഡിഇയിൽ സ്വീകരിക്കും. വിവരങ്ങൾ www.sdeuoc.ac.in വെബ്സൈറ്റിൽ. ഫോണ് : 0494 2400288.
ബോട്ടണി പഠനവകുപ്പിൽ റീഡർ സ്ഥിരനിയമനം: എപിഐ സ്കോർ വെരിഫിക്കേഷൻ
2010 ഡിസംബർ 27ലെ വിജ്ഞാപന പ്രകാരം കാലിക്കട്ട് സർവകലാശാലാ ബോട്ടണി പഠനവകുപ്പിലെ റീഡർ തസ്തികയിൽ സ്ഥിരനിയമനത്തിന് അപേക്ഷിച്ച ഉദ്യോഗാർത്ഥികളുടെ എപിഐ സ്കോർ വെരിഫിക്കേഷൻ 26, 27 തിയതികളിൽ സർവകലാശാലാ ഭരണവിഭാഗത്തിൽ നടക്കും. വിവരങ്ങൾക്ക്: 0494 2407106.
ആറാം സെമസ്റ്റർ എസ്ഡിഇയുജി പരീക്ഷ മാറ്റി
മേയ് നാലിന് ആരംഭിക്കാനിരുന്ന വിദൂരവിദ്യാഭ്യാസം ആറാം സെമസ്റ്റർ ബിഎ/ബിഎസ് സി/ബികോം/ബിബിഎ/ബിഎംഎംസി/ബിഎ അഫ്സൽഉൽഉലമ (സിസിഎസ്എസ്2012, 2013 പ്രവേശനം) സപ്ലിമെന്ററി/ ഇംപ്രൂവ്മെന്റ് പരീക്ഷ മേയ് 10 മുതൽ നടക്കും. സമയം ഉച്ചക്ക് മുന്പ്.
പരീക്ഷ
നാലാം സെമസ്റ്റർ ബിവോക് (2014 മുതൽ പ്രവേശനം) റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷ മേയ് പത്തിന് ആരംഭിക്കും.
നാലാം സെമസ്റ്റർ ബിവോക് ഇൻ മെഡിക്കൽ ലബോറട്ടറി ടെക്നോളജി (2014 പ്രവേശനം) റഗുലർ പരീക്ഷ 24ന് ആരംഭിക്കും.
പരീക്ഷാഫലം
എട്ടാം സെമസ്റ്റർ ബിടെക് സപ്ലിമെന്ററി (04 സ്കീം) ജൂണ് 2016 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 30 വരെ അപേക്ഷിക്കാം. പ്രിന്റൗട്ട് മേയ് അഞ്ച് വരെ സ്വീകരിക്കും.
2017 ജൂണിൽ നടത്തിയ രണ്ടാം സെമസ്റ്റർ എംഎസ് സി ജനറൽ ബയോടെക്നോളജി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 28 വരെ അപേക്ഷിക്കാം.
2017 മേയിൽ നടത്തിയ പ്രീവിയസ് എംഎ ഫിലോസഫി റഗുലർ/സപ്ലിമെന്ററി/ഇംപ്രൂവ്മെന്റ്, 2017 ഡിസംബറിൽ നടത്തിയ മൂന്നാം സെമസ്റ്റർ എംഎ ഫിലോസഫി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 26 വരെ അപേക്ഷിക്കാം.
മൂല്യനിർണയ ക്യാന്പ്
മൂന്നാം സെമസ്റ്റർ എംകോം (സിയുസിഎസ്എസ്) പരീക്ഷയുടെ മൂല്യനിർണയ ക്യാന്പ് 24 മുതൽ കോഴിക്കോട് ഗവണ്മെന്റ് ആർട്സ് ആൻഡ് സയൻസ് കോളജിലും (നോർത്ത് സോണ് ), തൃശൂർ സെന്റ് തോമസ് കോളജിലും (സൗത്ത് സോണ് ) നടക്കും. പിജി ക്ലാസുകളിൽ ഒരു വർഷത്തിൽ കൂടുതൽ അധ്യാപന പരിചയമുള്ളവർ പങ്കെടുക്കണം.