കൽപ്പിത സർവകലാശാലാ പദവിയുള്ള അമൃത വിശ്വവിദ്യാ പീഠത്തിനു കീഴിലുള്ള കാമ്പസുകളിൽ ബിരുദ കോഴ്സുകൾക്കും ഇന്റഗ്രേറ്റഡ് ബിരുദാനന്തര ബിരുദ കോഴ്സുകൾക്കും അപേക്ഷിക്കാം.
ബിരുദ കോഴ്സുകൾ: ബിഎ ഇംഗ്ലീഷ്, മാസ് കമ്യൂണിക്കേഷൻ. ഇന്റഗ്രേറ്റഡ് ബിരുദാനന്തര ബിരുദ കോഴ്സുകൾ: എംഎസ്സി ഫിസിക്സ്, കെമിസ്ട്രി, മാത്തമാറ്റിക്സ്. ബിരുദാനന്തര ബിരുദ കോഴ്സുകൾ: എംഎഇംഗ്ലീഷ്, കമ്യൂണിക്കേഷൻ. എംഎസ്സിഫിസിക്സ്, കെമിസ്ട്രി, മാത്തമാറ്റിക്സ്, അപ്ലൈഡ് മാത്തമാറ്റിക്സ് ആൻഡ് ഡാറ്റാ അനലിറ്റിക്സ്.
ബിരുദ കോഴ്സുകൾക്കും ഇന്റഗ്രേറ്റഡ് കോഴ്സുകൾക്കും മേയ് 31നകവും ബിരുദാനന്തര ബിരുദ കോഴ്സുകൾക്ക് ജൂണ് 15നകവും അപേക്ഷിക്കണം. കമ്യൂണിക്കേഷൻ, ജേർണലിസം കോഴ്സുകൾക്ക് അപേക്ഷിക്കേണ്ട അവസാന തീയതി മേയ് ഒന്ന്. ഈ കോഴ്സുകൾക്ക് മേയ് അഞ്ചിന് പ്രവേശന പരീക്ഷയുണ്ടായിരിക്കും. കൊല്ലം, കൊച്ചി, കോഴിക്കോട്, തിരുവനന്തപുരം എന്നിവടങ്ങളിൽ പരീക്ഷാ കേന്ദ്രങ്ങളുണ്ട്. മറ്റു കോഴ്സുകൾക്ക് യോഗ്യതാ പരീക്ഷയുടെ മാർക്കിന്റെ അടിസ്ഥാനത്തിലാണ് അഡ്മിഷൻ. അപേക്ഷാ ഫീസ് 500 രൂപ.
നഴ്സിംഗ്, മെഡിക്കൽ അനുബന്ധ കോഴ്സുകൾ
കൽപ്പിത സർവകലാശാലാ പദവിയുള്ള അമൃത വിശ്വ വിദ്യാപീഠത്തിന്റെ കൊച്ചി കാമ്പസിൽ നഴ്സിംഗ്, മെഡിക്കൽ അനുബന്ധ കോഴ്സുകളിലേക്ക് അപേക്ഷിക്കാം. ബിരുദ, ബിരുദാനന്തര ബിരുദ കോഴ്സുകളിലേക്ക് അപേക്ഷ ക്ഷണിച്ചിട്ടുണ്ട്.
ബിഎസ്സി അലൈഡ് ഹെൽത്ത് സയൻസസ് കോഴ്സുകൾ: അനസ്തേഷ്യ ടെക്നോളജി, ബിഎഎസ്എൽപി, കാർഡിയാക് പെർഫ്യൂഷൻ ടെക്നോളജി, കാർഡിയോ വാസ്കുലർ ടെക്നോളജി, ഡയബറ്റിസ് സയൻസസ്, ഡയാലിസിസ് തെറാപ്പി, ഇക്കോ കാർഡിയോഗ്രഫി ടെക്നോളജി, എമർജൻസി മെഡിക്കൽ ടെക്നോളജി, ഒപ്ട്രോമെട്രി, ഫിസിഷൻ അസിസ്റ്റന്റ്, റെസ്പിറേറ്ററി തെറാപ്പി, മെഡിക്കൽ ലബോറട്ടറി ടെക്നോളജി, മെഡിക്കൽ റേഡിയോ ലോജിക് ടെക്നോളജി.
എംഎസ്സി അലൈഡ് ഹെൽത്ത് സയൻസസ് കോഴ്സുകൾ: മെഡിക്കൽ ലബോറട്ടറി ടെക്നോളജി, സ്വാലോയിംഗ് ഡിസോർഡേഴ്സ്, ബയോ സ്റ്റാറ്റിസ്റ്റിക്സ്, ക്ലിനിക്കൽ ന്യുട്രീഷൻ ആൻഡ് ഫുഡ് സയൻസ്.മെഡിക്കൽ റേഡിയോളജിക്കൽ സയൻസസിൽ പിജി ഡിപ്ലോമ, ഡെന്റൽ മെക്കാനിക്സിൽ ഡിപ്ലോമ, മാസ്റ്റർ ഓഫ് പബ്ലിക് ഹെൽത്ത്, മാസ്റ്റർ ഓഫ് ഹോസ്പിറ്റൽ അഡ്മിനിസ്ട്രേഷൻ കോഴ്സുകൾക്കും അപേക്ഷ ക്ഷണിച്ചിട്ടുണ്ട്. ബിഎസ്സി നഴ്സിംഗ് കോഴ്സിന് മേയ് 27നകം അപേക്ഷിക്കണം. ജൂണ് മൂന്നിനാണു പ്രവേശന പരീക്ഷ. എംഎസ്സി നഴ്സിംഗ് കോഴ്സിന് അപേക്ഷിക്കേണ്ട അവസാന തീയതി മേയ് 25. പ്രവേശന പരീക്ഷ ജൂണ് 30ന്. മറ്റു കോഴ്സുകൾക്ക് യോഗ്യതാ പരീക്ഷയുടെ മാർക്കിന്റെയും ഇന്റർവ്യൂവിന്റെയും അടിസ്ഥാനത്തിൽ അഡ്മിഷൻ നൽകും.
മറ്റു കോഴ്സുകൾക്ക് യോഗ്യതാ പരീക്ഷയുടെ മാർക്കിന്റെയും ഇന്റർവ്യുവിന്റെയും അടിസ്ഥാനത്തിൽ അഡ്മിഷൻ നൽകും. ജൂൺ 17നകം അപേക്ഷിക്കണം.
അമൃതയിൽ നാനോ സയൻസിൽ എംടെക്
അമൃത വിശ്വവിദ്യാപീഠത്തിനു കീഴിലുള്ള അമൃതാ സെന്റർ ഫോർ നാനോ സയൻസ് ആൻഡ് മോളിക്യുളാർ മെഡിസിൻ നടത്തുന്ന നാനോ മെഡിസിൻ, നാനോ ടെക്നോളജി, മോളിക്യുളാർ മെഡിസിൻ എന്നിവയിൽ എംടെക് കോഴ്സിന് അപേക്ഷ ക്ഷണിച്ചു.
എംഎസ്സി (ഫിസിക്സ്, കെമിസ്ട്രി, മെറ്റീരിയൽ സയൻസ്, ബയോടെക്നോളജി, ബയോ കെമിസ്ട്രി,ബയോ ഇൻഫർമാറ്റിക്സ്, സുവോളജി), ബിടെക് (ബയോടെക്നോളജി, കെമിക്കൽ, ബയോമെഡിക്കൽ) കോഴ്സുകൾ 60 ശതമാനം മാർക്കോടെ പാസായവർക്ക് നാനോ മെഡിസിൻ കോഴ്സിനും എംഎസ്സി (ഫിസിക്സ്, കെമിസ്ട്രി, മെറ്റീരിയൽ സയൻസ്), ബിടെക് (മെക്കാനിക്കൽ, ഇലക്ട്രിക്കൽ, ഇലക്ട്രോണിക്സ്, മെറ്റീരിയൽ സയൻസ്, കെമിക്കൽ) കോഴ്സുകൾ 60 ശതമാനം മാർക്കോടെ പാസായവർക്ക് നാനോ ടെക്നോളജി ആൻഡ് റിന്യുവബിൾ എനർജി കോഴ്സിനും ലൈഫ് സയൻസിൽ എംഎസ്സി, ബയോടെക്നോളജി, ബയോ ഇൻഫർമാറ്റിക്സ് എന്നിവയിൽ ബിടെക് അല്ലെങ്കിൽ എംബിബിഎസ്, ബിഡിഎസ്, ബിഫാം എന്നിവയിൽ 60 ശതമാനം മാർക്കു നേടിയവർക്ക് മോളിക്യുളാർ മെഡിസിൻ കോഴ്സിന് അപേക്ഷിക്കാം.
അപേക്ഷിക്കേണ്ട അവസാന തീയതി മേയ് 21.കൂടുതൽ വിവരങ്ങൾക്ക്:
വെബ്സൈറ്റ്: www.amrita.edu.
ഫോണ്: 0484 2858750,8755.