കോഴിക്കോട്: കാലിക്കട്ട് സര്‍വകലാശാലയില്‍ പ്രവേശന പരീക്ഷ വഴി അഡ്മിഷന്‍ നടത്തുന്ന ഡിഗ്രി, പിജി കോഴ്‌സുകള്‍ക്ക് ഓണ്‍ലൈന്‍( www.cuonline.ac.in) അപേക്ഷ ക്ഷണിച്ചു. യോഗ്യതാ പരീക്ഷയുടെ ഫലം കാത്തിരിക്കുന്നവര്‍ക്കും അപേക്ഷിക്കാം.
പഠനവകുപ്പുകളിലെ പിജി കോഴ്‌സുകള്‍: എംഎസ് സി (കംപ്യൂട്ടര്‍ സയന്‍സ്, അപ്ലൈഡ് സൈക്കോളജി, റേഡിയേഷന്‍ ഫിസിക്‌സ്, എന്‍വയേണ്‍മെന്‍റ്ല്‍ സയന്‍സ്, അപ്ലൈഡ് സുവോളജി, അപ്ലൈഡ് കെമിസ്ട്രി, അപ്ലൈഡ് പ്ലാന്‍റ് സയന്‍സ്, അപ്ലൈഡ് ജിയോളജി, മാത്തമാറ്റിക്‌സ്, മൈക്രോബയോളജി, ഫിസിക്‌സ്, ഹ്യൂമണ്‍ ഫിസിയോളജി, സ്റ്റാറ്റിസ്റ്റിക്‌സ്, ബയോകെമിസ്ട്രി), എംഎ (ഇംഗ്ലീഷ്, അറബിക്, മലയാളം, സംസ്‌കൃതം, ഹിന്ദി ലാംഗേജ് ആൻഡ് ലിറ്ററേച്ചര്‍, ഫംഗ്ഷണല്‍ ഹിന്ദി ആൻഡ് ട്രാന്‍സലേഷന്‍, റഷ്യന്‍ ആൻഡ് കമ്പാരറ്റീവ് ലിറ്ററേച്ചര്‍, ഇക്കണോമിക്‌സ്, ഫിനാന്‍ഷ്യല്‍ ഇക്കണോമിക്‌സ്, ഹിസ്റ്ററി, ഫിലോസഫി, പൊളിറ്റിക്കല്‍ സയന്‍സ്, സോഷ്യോളജി, വിമണ്‍സ് സ്റ്റഡീസ്, മ്യൂസിക്, ഫോക്‌ലോര്‍ , ജേണലിസം ആൻഡ് മാസ് കമ്മ്യൂണിക്കേഷന്‍), എംകോം, മാസ്റ്റര്‍ ഓഫ് തിയേറ്റര്‍ ആര്‍ട്‌സ് (എംടിഎ), മാസ്റ്റര്‍ ഓഫ് ഫിസിക്കല്‍ എജ്യുക്കേഷന്‍ (എംപിഎഡ്), മാസ്റ്റര്‍ ഓഫ് ലൈബ്രറി ആൻഡ് ഇന്‍ഫര്‍മേഷന്‍ സയന്‍സ്.
സര്‍വകലാശാലയുടെ സ്വാശ്രയ സെന്‍ററുകള്‍ , അഫിലിയേറ്റഡ് കോളജുകള്‍ എന്നിവയിലെ പിജി കോഴ്‌സുകള്‍ : എംഎസ്ഡബ്ല്യൂ, എംഎസ് സി ( അപ്ലൈഡ് സൈക്കോളജി, ജനറല്‍ ബയോടെക്‌നോളജി, ഹെല്‍ത്ത് ആൻഡ് യോഗാതെറാപ്പി, ക്ലിനിക്കല്‍ സൈക്കോളജി, ഫുഡ് സയന്‍സ് ആൻഡ് ടെക്‌നോളജി, സൈക്കോളജി, കമ്പ്യൂട്ടര്‍ സയന്‍സ്), എംഎ ജേണലിസം ആൻഡ് മാസ് കമ്യൂണിക്കേഷന്‍, എംപിഎഡ്, എംസിഎ
ഡിഗ്രി കോഴ്‌സുകള്‍ : ബാച്ചിലര്‍ ഓഫ് ഹോട്ടല്‍ മാനേജ്‌മെന്‍റ്, ബിപിഎഡ് ഇന്‍റഗ്രേറ്റഡ്, ബിപിഎഡ് (രണ്ട് വര്‍ഷം), ബികോം ഓണേഴ്‌സ്.
പഠനവകുപ്പുകള്‍ക്ക് പുറമെ സര്‍വകലാശാലാ പരിധിക്ക് പുറത്തെ പ്രധാന കേന്ദ്രങ്ങളിലും പ്രവേശന പരീക്ഷ നടത്തും. യോഗ്യതാ പരീക്ഷയുടെ ഫലം കാത്തിരിക്കുന്നവര്‍ക്കും പ്രവേശനപരീക്ഷയില്‍ പങ്കെടുക്കാം. എന്നാല്‍ യോഗ്യതാ പരീക്ഷയിലെ മാര്‍ക്ക്/ഗ്രേഡ് കൂടി പ്രവേശനത്തിന് പരിഗണിക്കപ്പെടുന്ന കോഴ്‌സുകളിലേക്ക് അപേക്ഷിക്കുന്നവര്‍ റാങ്ക് ലിസ്റ്റ് തയ്യാറാക്കുന്നതിലേക്കായി നിര്‍ദേശിക്കുന്ന തിയതികളില്‍ യോഗ്യത തെളിയിക്കുന്ന മാര്‍ക്ക് ലിസ്റ്റ്/ഗ്രേഡ് കാര്‍ഡ് ഹാജരാക്കണം.
28 വരെ ഫീസ് അടച്ച്, 30 വരെ ഓണ്‍ലൈന്‍ രജിസ്‌ട്രേഷന്‍ നടത്താം. മേയ് ഏഴ് മുതല്‍ 26 വരെയാണ് പഠനവകുപ്പുകളിലേക്കുള്ള പ്രവേശന പരീക്ഷ നടത്തുക. എംഎ ജേണലിസം ആൻഡ് മാസ് കമ്യൂണിക്കേഷന്‍ കോഴ്‌സിന് മൂന്ന് മണിക്കൂറും, മറ്റ് കോഴ്‌സുകള്‍ക്ക് രണ്ട് മണിക്കൂറും ആണ് പരീക്ഷാ സമയം. ഒബ്ജക്ടീവ്, ഡിസ്‌ക്രിപ്റ്റീവ് ടൈപ്പ് ചോദ്യങ്ങള്‍ ഉണ്ടാവും. മാര്‍ക്ക് ലിസ്റ്റ്/റാങ്ക് ലിസ്റ്റ് വെബ്‌സൈറ്റില്‍ പ്രസിദ്ധീകരിക്കും. പഠനവകുപ്പുകളില്‍ ജൂണ്‍ 18ന് ക്ലാസ് ആരംഭിക്കും. തുടര്‍ന്ന് 60 ദിവസത്തിനകം പ്രവേശന നടപടികള്‍ അവസാനിപ്പിക്കും.
അപേക്ഷാ ഫീ: ജനറല്‍ 350 രൂപ, എസ് സി/എസ്ടി 150 രൂപ. ഒറ്റതവണ അപേക്ഷാഫീസ് അടക്കുന്നവര്‍ക്ക് യോഗ്യതയുടെ അടിസ്ഥാനത്തില്‍ പത്ത് ഓപ്ഷനുകളിലായി ആറ് കോഴ്‌സുകള്‍ വരെ രജിസ്റ്റര്‍ ചെയ്യാം. വിവരങ്ങള്‍ക്ക്: 0494 2407016, 2407017. വെബ്‌സൈറ്റിലെ നിര്‍ദ്ദേശങ്ങള്‍ വ്യക്തമായി വായിച്ചുമനസിലാക്കിയ ശേഷം മാത്രം അപേക്ഷ സമര്‍പ്പിക്കുക.
അഞ്ചാം സെമസ്റ്റര്‍ എസ്ഡിഇയുജി സപ്ലിമെന്‍ററി/ഇംപ്രൂവ്‌മെന്‍റ്
പരീക്ഷകളില്‍ മാറ്റം
16ന് നടത്തേണ്ടിയിരുന്ന വിദൂരവിദ്യാഭ്യാസം/വിദേശ/കേരളത്തിന് പുറത്തെ കേന്ദ്രങ്ങളിലെ (സിസിഎസ്എസ്, 2011 മുതല്‍ 2013 വരെ പ്രവേശനം) അഞ്ചാം സെമസ്റ്റര്‍ ബിഎ വിദ്യാർഥികളുടെ മലയാളം കോര്‍പേപ്പര്‍ എംഎ5ബി08 മലയാളം കവിതനവോത്ഥാന ഘട്ടം സപ്ലിമെന്‍ററി/ഇംപ്രൂവ്‌മെന്‍റ് പരീക്ഷ 27ന് നടക്കും. 20 ന് നടത്താനിരുന്ന അഞ്ചാം സെമസ്റ്റര്‍ യുജി വിദ്യാർഥികളുടെ ഓപ്പണ്‍ കോഴ്‌സ് പേപ്പര്‍ എംഎ5ഡി01 ചലച്ചിത്ര പഠനം സപ്ലിമെന്‍ററി/ഇംപ്രൂവ്‌മെന്‍റ് പരീക്ഷ 27ലേക്ക് മാറ്റി. സമയം ഉച്ചക്ക് രണ്ട് മുതല്‍ . പരീക്ഷാ കേന്ദ്രങ്ങളില്‍ മാറ്റമില്ല.
പരീക്ഷാ അപേക്ഷ
വിദൂരവിദ്യാഭ്യാസം/പ്രൈവറ്റ് രജിസ്‌ട്രേഷന്‍ രണ്ടാം സെമസ്റ്റര്‍ ബിഎ/ബിഎസ് സി/ബികോം/ബിബിഎ/ബിഎ അഫ്‌സല്‍ഉല്‍ഉലമ (സിയുസിബിസിഎസ്എസ്) റഗുലര്‍ പരീക്ഷക്ക് പിഴകൂടാതെ മേയ് നാല് വരെയും 150 രൂപ പിഴയോടെ മേയ് പത്ത് വരെയും അപേക്ഷിക്കാം. പ്രിന്‍റൗട്ട്, ചലാന്‍ സഹിതം ജോയിന്‍റ് കണ്ട്രോളര് ഓഫ് എക്‌സാമിനേഷന്‍സ്8, സ്‌കൂള്‍ ഓഫ് ഡിസ്റ്റന്‍സ് എഡ്യുക്കേഷന്‍ , യൂണിവേഴ്‌സിറ്റി ഓഫ് കാലിക്കട്ട്, കാലിക്കട്ട് യൂണിവേഴ്‌സിറ്റി പിഒ, 673635 എന്ന വിലാസത്തില്‍ ലഭിക്കണം.
മൂന്നാം സെമസ്റ്റര്‍ എംആര്‍ക് റഗുലര്‍ /സപ്ലിമെന്‍ററി പരീക്ഷയ്ക്ക് പിഴകൂടാതെ 24 വരെയും 150 രൂപ പിഴയോടെ 26 വരെയും അപേക്ഷിക്കാം.
ബിപിഎഡ് സ്‌പെഷല്‍ പരീക്ഷ
അന്തര്‍ സര്‍വകലാശാലാ മത്സരങ്ങളില്‍ പങ്കെടുത്തത് മൂലം പരീക്ഷ എഴുതാന്‍ സാധിക്കാത്ത ബിപിഎഡ് സ്‌പോര്‍ട്‌സ് വിദ്യാർഥികള്‍ക്ക് സ്‌പെഷല്‍ പരീക്ഷ മേയ് മൂന്നിന് ആരംഭിക്കും.
പരീക്ഷാഫലം
അഞ്ചാം സെമസ്റ്റര്‍ ബിഎസ് സി/ബിസിഎ (സിയുസിബിസിഎസ്എസ്) റഗുലര്‍ /സപ്ലിമെന്‍ററി/ഇംപ്രൂവ്‌മെന്‍റ് നവംബര്‍ 2017 പരീക്ഷാഫലം വെബ്‌സൈറ്റില്‍ . പുനര്‍മൂല്യനിര്‍ണയത്തിന് മേയ് അഞ്ച് വരെ അപേക്ഷിക്കാം. പ്രിന്‍റൗട്ട്, ചലാൻ സഹിതം മേയ് എട്ടിനകം ലഭിക്കണം.
സൗജന്യ ചുരിദാര്‍ നിർമാണ പരിശീലനം: സീറ്റ് ഒഴിവ്
ലൈഫ്‌ലോംഗ് ലേണിംഗ് ആൻഡ് എക്‌സറ്റന്‍ഷന്‍ വിഭാഗത്തിന്‍റെ ആഭിമുഖ്യത്തില്‍ വനിതകള്‍ക്കായി സംഘടിപ്പിക്കുന്ന സൗജന്യ ചുരിദാര്‍ നിര്‍മ്മാണ പരിശീലന കോഴ്‌സില്‍ സീറ്റുകള്‍ ഒഴിവുണ്ട്. മെറ്റീരിയലിന്‍റെ തുക പഠിതാക്കള്‍ നല്‍കണം. പത്ത് ദിവസമാണ് കോഴ്‌സിന്‍റെ ദൈര്‍ഘ്യം. പഠനവിഭാഗത്തില്‍ ബന്ധപ്പെടുക: 0494 2407360.
ബിഡിഎസ് പ്രാക്ടിക്കല്‍
ഫൈനല്‍ ബിഡിഎസ് പാര്‍ട്ട് ഒന്ന് പ്രാക്ടിക്കലും മൂല്യനിര്‍ണയ ക്യാമ്പും 20 ന് ആരംഭിക്കും.
എംഎസ് സി കംപ്യൂട്ടര്‍ സയന്‍സ്/ഫിസിക്‌സ് മൂല്യനിര്‍ണയ ക്യാമ്പ്
ഒന്നാം സെമസ്റ്റര്‍ എംഎസ് സി കംപ്യൂട്ടര്‍ സയന്‍സ് (സിയുസിഎസ്എസ്) പരീക്ഷാ മൂല്യനിര്‍ണയ ക്യാമ്പ് 23 മുതല്‍ സര്‍വകലാശാലാ സെമിനാര്‍ കോംപ്ലക്‌സിലും (നോര്‍ത്ത് സോണ്‍ ), അരണാട്ടുകര ഡോ.ജോണ്‍ മത്തായി സെന്‍ററിലും (സൗത്ത് സോണ്‍ ) നടക്കും. ഒന്നാം സെമസ്റ്റര്‍ എംഎസ് സി ഫിസിക്‌സ് (സിയുസിഎസ്എസ്) 26 മുതല്‍ കോഴിക്കോട് പ്രോവിഡന്സ് കോളജിലും (നോര്‍ത്ത് സോണ്‍ ), 27 മുതല്‍ തൃശൂര്‍ സെന്‍റ് തോമസ് കോളജിലും (സൗത്ത് സോണ്‍ ) നടക്കും. പിജി ക്ലാസുകളില്‍ ഒരു വര്‍ഷത്തില്‍ കൂടുതല്‍ അധ്യാപന പരിചയമുള്ളവര്‍ പങ്കെടുക്കണം.