അലിയാവർ യുംഗ് ഇൻസ്റ്റിറ്റ്യൂട്ടിൽ ബിഎഎസ്എൽപി
കേന്ദ്ര സാമൂഹ്യക്ഷേമ മന്ത്രാലയത്തിനു കീഴിൽ മുംബൈ ആസ്ഥാനമായി പ്രവർത്തിക്കുന്ന അലിയാവർ യുംഗ് നാഷണൽ ഇൻസ്റ്റിറ്റ്യൂട്ട് ഫോർ ദി ഹിയറിംഗ് ഹാൻഡിക്യാപ്ഡ് ബാച്ചിലർ ഓഫ് ഓഡിയോളജി ആൻഡ് സ്പീച്ച് ലാംഗ്വേജ് പത്തോളജി (ബിഎഎസ്എൽപി) ഉൾപ്പടെ ബിരുദാനന്തര ബിരുദ, ബിരുദ, ഡിപ്ലോമാ കോഴ്സുകളിലേക്ക് അപേക്ഷ ക്ഷണിച്ചു.
മുംബൈ ആസ്ഥാന കേന്ദ്രത്തിലും സെക്കന്തരാബാദ്, കോൽക്കത്ത, ന്യൂഡൽഹി, ജൻല (ഒഡീഷ), ഭോപ്പാൽ, അലഹബാദ് മേഖലാ കേന്ദ്രങ്ങളിലുമാണു കോഴ്സുകൾ നടത്തുന്നത്.
മേയ് 31നകം അപേക്ഷിക്കണം.
ബിഎഎസ്എൽപി: മുംബൈ കേന്ദ്രം 38, കോൽക്കത്ത 31, സെക്കന്തരാബാദ് 31 സീറ്റുകൾ. നാലു വർഷത്തെ കോഴ്സിന് ഫിസിക്സ്, കെമിസ്ട്രി കൂടാതെ ബയോളജി/ മാത്തമാറ്റിക്സ്/ കംപ്യൂട്ടർ സയൻസ്/ സ്റ്റാറ്റിസ്റ്റിക്സ്/ സൈക്കോളജി എന്നിവ പഠിച്ച് 50 ശതമാനം മാർക്കോടെ പ്ലസ്ടു. അവസാന വർഷ വിദ്യാർഥികൾക്കും അപേക്ഷിക്കാം. ജൂണ് 16ന് നടത്തുന്ന പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ. തിരുവനന്തപുരം പ്രവേശന പരീക്ഷാ കേന്ദ്രമാണ്.
ബിഎഡ് (ഹിയറിംഗ് ഇംപയേർഡ്): മുംബൈ 39, കോൽക്കത്ത 23, സെക്കന്തരാബാദ് 31 സീറ്റുകൾ. രണ്ടു വർഷത്തെ കോഴ്സിന് 50 ശതമാനം മാർക്കോടെ ബിരുദമാണു യോഗ്യത. ജൂണ് ഒന്പതിനാണു പ്രവേശന പരീക്ഷ. തിരുവനന്തപുരത്തു പരീക്ഷാ കേന്ദ്രമുണ്ട്.
എംഎഎസ്എൽപി: മാസ്റ്റർ ഓഫ് ഓഡിയോളജി ആൻഡ് സ്പീച്ച് ലാംഗ്വേജ് പത്തോളജി കോഴ്സിന് മുംബൈ 19, കോൽക്കത്ത 15, സെക്കന്തരാബാദ് 15 സീറ്റുകളാണുള്ളത്. രണ്ടു വർഷമാണു കോഴ്സിന്റെ കാലാവധി. 50 ശതമാനം മാർക്കോടെ ബിഎസ്എൽപിയാണ് യോഗ്യത. പ്രവേശന പരീക്ഷ ജൂണ് 23ന്. മുംബൈ, കോൽക്കത്ത, സെക്കന്തരാബാദ്, നോയിഡ, ജൽന എന്നിവിടങ്ങളിൽ മാത്രമാണു പരീക്ഷാ കേന്ദ്രങ്ങൾ.
എംഎഡ് സ്പെഷൽ എഡ്യൂക്കേഷൻ: മുംബൈയിൽ 23 സീറ്റുകളാണുള്ളത്. സ്പെഷൽ എഡ്യൂക്കേഷനിൽ (ശ്രവണ വൈകല്യം) 50 ശതമാനം മാർക്കോടെ ബിരുദം നേടിയവർക്ക് അപേക്ഷിക്കാം. തിരുവനന്തപുരം ഉൾപ്പടെയുള്ള കേന്ദ്രങ്ങളിൽ ജൂണ് ഒന്പതിനു പ്രവേശന പരീക്ഷ നടത്തും.
ഡിപ്ലോമ കോഴ്സുകൾ: ഡിപ്ലോമ ഇൻ ഹിയറിംഗ്, ലാംഗ്വേജ് സ്പീച്ച് കോഴ്സ് നോയിഡ, ജൽന, ഭോപ്പാൽ കേന്ദ്രങ്ങളിലാണു നടത്തുന്നത്. ഒരു വർഷത്തെ കോഴ്സിന് ഫിസിക്സ്, കെമിസ്ട്രി, മാത്തമാറ്റിക്സ്/ ബയോളജി പഠിച്ച് 50 ശതമാനം മാർക്കോടെ പ്ലസ്ടുവാണ് യോഗ്യത.
ഡിപ്ലോമ ഇൻ എഡ്യൂക്കേഷൻ സ്പെഷൽ എഡ്യൂക്കേഷൻ കോൽക്കത്ത, നോയിഡ, സെക്കന്തരാബാദ്, ജൽന കേന്ദ്രങ്ങളിൽ നടത്തുന്നു. രണ്ടു വർഷത്തെ കോഴ്സിന് 50 ശതമാനം മാർക്കോടെ പ്ലസ്ടു പാസായവർക്ക് അപേക്ഷിക്കാം.
ഡിപ്ലോമ ഇൻ ഇന്ത്യൻ സൈൻ ലാംഗ്വേജ് ഇന്റർസെപ്റ്റർ കോഴ്സിന് പ്രതിമാസം 2000 രൂപ സ്റ്റൈപൻഡ് ലഭിക്കും. ഒരു വർഷം ദൈർഘ്യമുള്ളതാണു കോഴ്സ്. മുംബൈ, നോയിഡ, കോൽക്കത്ത കേന്ദ്രങ്ങളിൽ നടത്തുന്ന കോഴ്സിന് 50 ശതമാനം മാർക്കോടെ പ്ലസ്ടു പാസായവർക്ക് അപേക്ഷിക്കാം.
ഡിപ്ലോമ ഇൻ എഡ്യൂക്കേഷൻ സ്പെഷൽ എഡ്യൂക്കേഷൻ (ഓട്ടിസം സ്പെക്ട്രം ഡിസോഡർ) കോഴ്സ് ഭോപ്പാലിൽ മാത്രമാണു നടത്തുന്നത്. രണ്ടു വർഷത്തെ കോഴ്സിന് 50 ശതമാനം മാർക്കോടെ പ്ലസ്ടുവാണു യോഗ്യത.
പ്രോസ്തെറ്റിക് ആൻഡ് ഓർത്തോട്ടിക് സർട്ടിഫിക്കറ്റ് കോഴ്സും ഭോപ്പാൽ കേന്ദ്രത്തിൽ നടത്തുന്നുണ്ട്. രണ്ടു വർഷത്തെ കോഴ്സിന് 50 ശതമാനം മാർക്കോടെ പ്ലസ്ടുവാണു യോഗ്യത.
ഡിപ്ലോമ, സർട്ടിഫിക്കറ്റ് കോഴ്സുകൾക്ക് പ്രവേശന പരീക്ഷ ഇല്ല. യോഗ്യതാ പരീക്ഷയുടെ മാർക്കിന്റെ അടിസ്ഥാനത്തിലാണ് അഡ്മിഷൻ.
കൂടുതൽ വിവരങ്ങൾക്ക്: ഡയറക്ടർ, അലിയാവർ യുംഗ് നാഷണൽ ഇൻസ്റ്റിറ്റ്യൂട്ട് ഫോർ ദി ഹിയറിംഗ് ഹാൻഡിക്യാപ്ഡ്, ബാന്ദ്ര വെസ്റ്റ്, മുംബൈ400 050.ഫോണ്: 02226409094 / 26401529. വെബ്സൈറ്റ്: www.ayjnihh.nic.in, aliyavarjung.epra vesh.com
ഡയറക്ടർ, അലിയാവർ
യുംഗ് നാഷണൽ ഇൻസ്റ്റിറ്റ്യൂട്ട്
ഫോർ ദി ഹിയറിംഗ്
ഹാൻഡിക്യാപ്ഡ്,
ബാന്ദ്ര വെസ്റ്റ്, മുംബൈ400 050.
ഫോണ്:022264 09094 / 26401529
www.ayjnihh.nic.in,
aliyavarjung.epra vesh.com
മേയ് 31നകം അപേക്ഷിക്കണം