എംലിബ്ഐഎസ് സി പ്രവേശനം
കാന്പസ് ലൈബ്രറി ആൻഡ് ഇൻഫർമേഷൻ സയൻസ് പഠനവകുപ്പിലെ എംലിബ്ഐഎസ്‌സി കോഴ്സ് പ്രവേശനത്തിന് ഓണ്‍ലൈൻ അപേക്ഷ ക്ഷണിച്ചു. വിവരങ്ങൾ വെബ്സൈറ്റിൽ. ഫലം കാത്തിരിക്കുന്ന അവസാന വർഷ ബിരുദ വിദ്യാർഥികൾക്കും അപേക്ഷിക്കാം. അവസാന തിയതി 30. ഫോണ്: 2407286.
എംബിഎ പ്രവേശനം: അഭിമുഖം
കോമേഴ്സ് ആന്‍ഡ് മാനേജ്മെന്‍റ് സ്റ്റഡീസ്, വടകര, കോഴിക്കോട്, കുറ്റിപ്പുറം, തിരൂർ (തൃശൂർ), തൃശൂർ ജോണ് മത്തായി സെന്‍റർ, പാലക്കാട് എന്നീ കേന്ദ്രങ്ങളിലും അഫിലിയേറ്റഡ് മാനേജ്മെന്‍റ് ഇൻസ്റ്റിറ്റ്യൂട്ടുകളിലും (മെറിറ്റ് സീറ്റ്) നടത്തുന്ന എംബിഎ പ്രവേശനത്തിന് അപേക്ഷിച്ചവരുടെ ഗ്രൂപ്പ് ഡിസ്കഷൻ, പേഴ്സണൽ ഇന്‍റർവ്യൂ എന്നിവ സർവകലാശാലാ കാന്പസിലെ കോമേഴ്സ് പഠനവകുപ്പിൽ 23 മുതൽ 27 വരെ നടക്കും. ഷെഡ്യൂൾ വെബ്സൈറ്റിൽ.
യുജി ഒന്നാം സെമസ്റ്ററിൽ പഠനം നിർത്തിയവർക്ക് തുടർപഠനം
വിദൂരവിദ്യാഭ്യാസം 2014, 2015 വർഷങ്ങളിൽ ബിഎ/ ബികോം/ ബിഎസ് സി മാത‌്സ്/ ബിബിഎ (സിയുസിബിസിഎസ്എസ്) പ്രോഗ്രാമുകൾക്ക് പ്രവേശനം നേടി ഒന്നാം സെമസ്റ്റർ പരീക്ഷയ്ക്ക് അപേക്ഷിച്ച ശേഷം തുടർ പഠനം നടത്താനാവാത്തവർക്കും 2016ൽ പ്രൈവറ്റ് രജിസ്ട്രേഷൻ വഴി പ്രവേശനം നേടി ഒന്നാം സെമസ്റ്റർ പരീക്ഷയ്ക്ക് അപേക്ഷിച്ച ശേഷം തുടർ പഠനം നടത്താനാവാത്തവർക്കും രണ്ടാം സെമസ്റ്ററിൽ പുനഃപ്രവേശനത്തിന് ഓണ്‍ലൈനായി 26 വരെ അപേക്ഷിക്കാം. സിസിഎസ്എസ് പ്രോഗ്രാമിൽ പ്രവേശനം നേടിയവർ രണ്ടാം സെമസ്റ്ററിൽ പുനഃപ്രവേശനത്തിന് അർഹരല്ല.
ഗസറ്റഡ് ഓഫീസർ സാക്ഷ്യപ്പെടുത്തിയ അപേക്ഷയുടെ പ്രിന്‍റൗട്ട്, ചലാൻ, ഒന്നാം സെമസ്റ്റർ പരീക്ഷയുടെ ഹാൾടിക്കറ്റിന്‍റെ പകർപ്പ്, എസ്ഡിഇ ഐഡി എന്നിവ സഹിതം വിദൂരവിദ്യാഭ്യാസ വിഭാഗത്തിൽ 28നകം ലഭിക്കണം. വെബ്സൈറ്റിലെ വിജ്ഞാപനം പരിശോധിച്ച് മാത്രം അപേക്ഷിക്കുക. ഫോണ്: 0494 2407494.
സ്പെഷൽ സപ്ലിമെന്‍ററി പരീക്ഷാ അപേക്ഷ
എല്ലാ അവസരങ്ങളും കഴിഞ്ഞ നാലാം സെമസ്റ്റർ എംഎ/ എംഎസ് സി/എംകോം/എംഎസ്ഡബ്ല്യൂ/എംസിജെ/എംടിടിഎം (സിയുസിഎസ്എസ്) വിദ്യാർഥികൾക്ക് സ്പെഷൽ സപ്ലിമെന്‍ററി പരീക്ഷയ്ക്ക് മേയ് അഞ്ച് വരെ ഓണ്‍ലൈനായി അപേക്ഷിക്കാം. പരീക്ഷാ ഫീ: പേപ്പറൊന്നിന് 2500 രൂപ. പരീക്ഷാ കേന്ദ്രം: കാലിക്കട്ട് സർവകലാശാലാ കാന്പസ്. അപേക്ഷ, ചലാൻ സഹിതം കണ്ട്രോളർ ഓഫ് എക്സാമിനേഷൻസ്, സ്പെഷൽ സപ്ലിമെന്‍ററി എക്സാം യൂണിറ്റ്, പരീക്ഷാഭവൻ, കാലിക്കട്ട് യൂണിവേഴ്സിറ്റി പി‌ഒ, 673 635 എന്ന വിലാസത്തിൽ മേയ് ഒന്പതിനകം ലഭിക്കണം. ഫോണ്: 0494 2407367.
സ്പെഷൽ പരീക്ഷാ അപേക്ഷ
എല്ലാ അവസരങ്ങളും കഴിഞ്ഞ ഒന്ന് മുതൽ നാല് വരെ സെമസ്റ്റർ എംഎസ് സി കെമിസ്ട്രി (നോണ് സിയുസിഎസ്എസ്, 2001 മുതൽ 2004 വരെ സെമസ്റ്റർ2001 സ്കീം, 2005 മുതൽ 2009 വരെ സെമസ്റ്റർ2005 സ്കീം) വിദ്യാർഥിക്ക് സ്പെഷൽ സപ്ലിമെന്‍ററി പരീക്ഷയ്ക്ക് സാധാരണ ഫോമിൽ 30 വരെ അപേക്ഷിക്കാം. പരീക്ഷാ ഫീ: പേപ്പറൊന്നിന് 2500 രൂപ. പരീക്ഷാ കേന്ദ്രം: കാലിക്കട്ട് സർവകലാശാലാ കാന്പസ്. അപേക്ഷ, ചലാൻ, എല്ലാ മാർക്ക് ലിസ്റ്റിന്‍റെയും പകർപ്പുകളും സഹിതം കണ്ട്രോളർ ഓഫ് എക്സാമിനേഷൻസ്, സ്പെഷൽ സപ്ലിമെന്‍ററി എക്സാം യൂണിറ്റ്, പരീക്ഷാഭവൻ, കാലിക്കട്ട് പി.ഒ, 673 635 എന്ന വിലാസത്തിൽ ലഭിക്കണം. ഫോണ്: 0494 2407367.
മാറ്റിയ പരീക്ഷ 23 ന്
2017 ഓഗസ്റ്റ് 17ന് പാലക്കാട് ഗവണ്‍മെന്‍റ് വിക്ടോറിയ കോളജ് കേന്ദ്രമായി നടത്തേണ്ടിയിരുന്ന വിദൂരവിദ്യാഭ്യാസം (സിയുസിബിസിഎസ്എസ്) രണ്ടാം സെമസ്റ്റർ ബികോം സപ്ലിമെന്‍ററി ഏപ്രിൽ 2017 പരീക്ഷയുടെ ഫിനാൻഷ്യൽ അക്കൗണ്ടിംഗ്‌ (2014, 2015) പരീക്ഷ 23ന് ഉച്ചയ്ക്ക് 1.30 മുതൽ 4.45 വരെ നടത്തും. വിദ്യാർഥികൾ അതേ ഹാൾടിക്കറ്റുമായി (രണ്ടാം സെമസ്റ്റർ 2017) വിക്ടോറിയ കോളജിൽ ഹാജരാകണം. ഹാൾടിക്കറ്റ് നഷ്ടപ്പെട്ടവർക്ക് വെബ്സൈറ്റിൽ നിന്ന് ഡൗണ്ലോഡ് ചെയ്യാം.
പരീക്ഷ
ഒന്ന്, രണ്ട് സെമസ്റ്റർ ബിഎഡ് (ഒരു വർഷം) 2013, 2014 പ്രവേശനം സപ്ലിമെന്‍ററി പരീക്ഷ യഥാക്രമം മേയ് 14, 21 തിയതികളിൽ ആരംഭിക്കും.
പരീക്ഷാഫലം
2017 മേയിൽ നടത്തിയ വിദൂരവിദ്യാഭ്യാസം എംഎ അറബിക് പ്രീവിയസ് റഗുലർ/ സപ്ലിമെന്‍ററി/ ഇംപ്രൂവ്മെന്‍റ് പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് മേയ് മൂന്ന് വരെ അപേക്ഷിക്കാം.
ഒന്നാം സെമസ്റ്റർ എൽഎൽബി, മൂന്നാം സെമസ്റ്റർ ബിബിഎഎൽഎൽബി (ഓണേഴ്സ്) ഏപ്രിൽ 2017 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് മേയ് എട്ട് വരെ അപേക്ഷിക്കാം.
വ്യക്തിത്വ വികസന കോഴ്സ് സമാപിച്ചു
തേഞ്ഞിപ്പലം: ഹൈസ്കൂൾ, ഹയർ സെക്കൻഡറി വിദ്യാർഥികൾക്കായി കാലിക്കട്ട് സർവകലാശാലാ ഗാന്ധിയൻ പഠനഗവേഷണ കേന്ദ്രം സംഘടിപ്പിച്ച പത്ത് ദിവസത്തെ വ്യക്തിത്വവികസന കോഴ്സ് സമാപിച്ചു. സമാപനം പ്രോവൈസ് ചാൻസലർ ഡോ. പി. മോഹൻ ഉദ്ഘാടനം ചെയ്തു. ഡോ. ആർ. സുരേന്ദ്രൻ, ഡോ. എം.സി.കെ. ബീരാൻ, ആർ.എസ്. പണിക്കർ, പി.എൽ. ശ്രീധരൻ, എം. നാരായണൻ നായർ, കെ. പ്രവീണ്‍കുമാർ തുടങ്ങിയവർ സംബന്ധിച്ചു.