ബിഎസ്സി മാത്തമാറ്റിക്സ് (ഓണേഴ്സ്) ഹാൾടിക്കറ്റ്
കണ്ണൂർ സർവകലാശാലയുടെ ആറാം സെമസ്റ്റർ ബിഎസ്സി മാത്തമാറ്റിക്സ് (ഓണേഴ്സ്) ഡിഗ്രി (റഗുലർ/സപ്ലിമെന്ററി/ഇംപ്രൂവ്മെന്റ് മേയ് 2018) പരീക്ഷയുടെ ഹാൾടിക്കറ്റ്/നോമിനൽ റോൾ സർവകലാശാല വെബ്സൈറ്റിൽ ലഭ്യമാണ്.
നാലും രണ്ടും സെമസ്റ്റർ ബിഎഡ് ഹാൾടിക്കറ്റുകൾ
23, 24 തീയതികളിൽ ആരംഭിക്കുന്ന നാലും രണ്ടും സെമസ്റ്റർ ബിഎഡ് (റഗുലർ/സപ്ലിമെന്ററി/ഇംപ്രൂവ്മെന്റ്ഏപ്രിൽ 2018) ഡിഗ്രി പരീക്ഷകളുടെ ഹാൾടിക്കറ്റുകൾ സർവകലാശാല വെബ്സറ്റിൽ ലഭ്യമാണ്.
വാക്ക് ഇൻ ഇന്റർവ്യൂ
കണ്ണൂർ സർവകലാശാലയിൽ അസിസ്റ്റന്റ് എക്സിക്യൂട്ടീവ് എൻജിനിയർ തസ്തികയിൽ കരാറടിസ്ഥാനത്തിൽ നിയമനം നടത്തുന്നതിനുള്ള വാക്ക് ഇൻ ഇന്റർവ്യൂ മേയ് 11ന് രാവിലെ 11 ന് താവക്കരയിലെ സർവകലാശാല ആസ്ഥാനത്ത് നടക്കും. താത്പര്യമുള്ള ഉദ്യോഗാർഥികൾ വിദ്യാഭ്യാസ യോഗ്യത, പ്രവൃത്തിപരിചയം എന്നിവ തെളിയിക്കുന്നതിനുള്ള രേഖകളുടെ അസലും പകർപ്പും സഹിതം അന്നേദിവസം ഇന്റർവ്യൂവിന് ഹാജരാകണം. വിശദവിവരങ്ങൾ സർവകലാശാല വെബ്സൈറ്റിൽ ലഭ്യമാണ്.
പിജി, എൽഎൽബി, ബിപിഎഡ് കോഴ്സുകൾ
കണ്ണൂർ സർവകലാശാലയുടെ മാങ്ങാട്ട്പറന്പ്, പാലയാട്, പയ്യന്നൂർ കാന്പസുകളിലെ വിവിധ ഡിപ്പാർട്ട്മെന്റുകൾ നടത്തുന്ന പിജി, ബിഎഎൽഎൽബി, ബിപിഎഡ് കോഴ്സുകളിലേക്കുള്ള പ്രവേശനത്തിന് അപേക്ഷ ക്ഷണിച്ചു.
ബിഎഎൽഎൽബി കോഴ്സ് യൂണിവേഴ്സിറ്റിയുടെ പാലയാട് കാന്പസിലും ബിപിഎഡ് എംപിഎഡ് എന്നീ കോഴ്സുകൾ മാങ്ങാട്ട്പറന്പ് കാന്പസിലും എംഎ മ്യൂസിക് കോഴ്സ് പയ്യന്നൂർ കാന്പസിലുമാണ് നടത്തുന്നത്. അപേക്ഷാഫോറം, പ്രോസ്പക്ടസ് തുടങ്ങിയവ യൂണിവേഴ്സിറ്റിയുടെ വെബ്സൈറ്റിൽ ലഭിക്കും.ഡൗണ്ലോഡ് ചെയ്ത അപേക്ഷകൾ പൂരിപ്പിച്ച് സർട്ടിഫിക്കറ്റുകളുടെ പകർപ്പ്, ഫീസടച്ച് ചലാൻ എന്നിവ സഹിതം ബന്ധപ്പെട്ട വകുപ്പ് മേധാവികൾക്ക് സമർപ്പിക്കണം.അപേക്ഷകൾ മേയ് അഞ്ചു വരെ സ്വീകരിക്കും. യൂണിവേഴ്സിറ്റി നടത്തുന്ന പ്രവേശനപരീക്ഷയുടെ അടിസ്ഥാനത്തിലായിരിക്കും പ്രവേശനം. വിശദാംശങ്ങൾ യൂണിവേഴ്സിറ്റി വെബ്സൈറ്റിൽ ലഭ്യമാണ്.