മാറ്റിവച്ച എൽഎൽബി പരീക്ഷ ഇന്ന്
ഏപ്രിൽ ഒന്പതിനു നടത്താൻ നിശ്ചയിച്ചിരുന്ന നാലാം സെമസ്റ്റർ ബിഎ എൽഎൽബി (ക്രിമിനോളജി), ബിബിഎ എൽഎൽബി, ബികോം എൽഎൽബി 2015ന് മുന്പുള്ള അഡ്മിഷൻ പരീക്ഷ ഇന്നാരംഭിക്കും. പരീക്ഷാകേന്ദ്രത്തിനും സമയത്തിനും മാറ്റമില്ല.
എൽഎൽബി പരീക്ഷ മാറ്റി
നാളെ മുതൽ നടത്താനിരുന്ന ഒന്നാം സെമസ്റ്റർ ത്രിവത്സര എൽഎൽബി, അഞ്ചാം സെമസ്റ്റർ പഞ്ചവത്സര എൽഎൽബി (റെഗുലർ, സപ്ലിമെന്ററി, മേഴ്സി ചാൻസ്) പരീക്ഷ മാറ്റിവച്ചു. പുതുക്കിയ തീയതി പിന്നീട് അറിയിക്കും.
പിഎച്ച്ഡി അഭിരുചി നിർണയ പരീക്ഷ
2018 അക്കാദമിക് വർഷത്തിൽ വിവിധ വിഷയങ്ങളിലെ പിഎച്ച്ഡി രജിസ്ട്രേഷനുള്ള അഭിരുചി പരീക്ഷയ്ക്കു മേയ് 15 വരെ ഓണ് ലൈനായി അപേക്ഷിക്കാം. എസ്സി, എസ്ടി വിഭാഗക്കാർ 500 രൂപയും മറ്റുള്ളവർ 1,000 രൂപയും അപേക്ഷാഫീസ് ഓണ്ലൈനായി അടയ്ക്കണം. വിശദവിവരങ്ങൾക്ക് 0481273 2947.
പ്രാക്ടിക്കൽ
2018 ഫെബ്രുവരിയിലെ ഒന്നാം സെമസ്റ്റർ എംഎസ്സി പ്ലാന്റ് ബയോടെക്നോളജി പരീക്ഷയുടെ പ്രാക്ടിക്കൽ 26ന് തിരുവല്ല മാക്ഫാസ്റ്റിൽ നടത്തും. ടൈംടേബിൾ വെബ്സൈറ്റിൽ.
മൂല്യ നിർണയ ക്യാന്പ്
ഒന്നും നാലും ആറും സെമസ്റ്റർ സിബിസിഎസ്എസ് യുജി പരീക്ഷയുടെ മൂല്യനിർണയം എട്ട് സോണൽ ക്യാന്പുകളിലായി ഇന്നു മുതൽ ആരംഭിക്കും. വിഷയങ്ങളും മൂല്യനിർണയ കേന്ദ്രങ്ങളും താഴെ കൊടുക്കുന്നു. ഹിസ്റ്ററി (മൂവാറ്റുപുഴ, കോഴഞ്ചേരി), പൊളിറ്റിക്സ് (കോട്ടയം), സ്റ്റാറ്റിസ്റ്റിക്സ് (ആലുവ), ഹിസ്റ്ററി മോഡൽരണ്ട് (മൂവാറ്റുപുഴ, പാല), ഇംഗ്ലീഷ് മോഡൽ മൂന്ന് (ചങ്ങനാശേരി, കട്ടപ്പന, പാല), ബിഎസ്ഡബ്ല്യു (കട്ടപ്പന), ബിടിഎസ് (മൂവാറ്റുപുഴ, പാല), സോഷ്യോളജി (ആലുവ), ബിസിഎ (മൂവാറ്റുപുഴ, പാല, ആലുവ, ചങ്ങനാശേരി, കോട്ടയം, കട്ടപ്പന), കംപ്യൂട്ടർ അപ്ലിക്കേഷൻ ത്രീ മെയിൻ (കോട്ടയം), ബയോടെക്നോളജി (ആലുവ), ഇലക്ട്രോണിക്സ് (മൂവറ്റുപുഴ, പാല), കംപ്യൂട്ടർ സയൻസ് (മൂവാറ്റുപുഴ, ആലുവ, ചങ്ങനാശേരി). മറ്റു വിഷയങ്ങൾ നിലവിലുള്ള രീതിയിൽത്തന്നെ ആയിരിക്കും.
പരീക്ഷാഫലം
ഡോ.കെ.എൻ. രാജ് സ്റ്റഡി സെന്റർ ഫോർ പ്ലാനിംഗ് ആൻഡ് സെന്റർസ്റ്റേറ്റ് ഫിനാൻഷൽ റിലേഷൻസ് 2017 നവംബറിൽ നടത്തിയ മൂന്നാം സെമസ്റ്റർ എംഎ ഇക്കണോമിക്സ് (സിഎസ്എസ്) പരീക്ഷയുടെ ഫലം പ്രസിദ്ധീകരിച്ചു.
2017 ജൂണിൽ നടത്തിയ രണ്ടാം സെമസ്റ്റർ എംഎസ്സി ഇലക്ട്രോണിക്സ് പിജിസിഎസ്എസ് (റെഗുലർ, സപ്ലിമെന്ററി) പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മ പരിശോധനയ്ക്കും മേയ് എഴു വരെ അപേക്ഷിക്കാം.
2017 ഏപ്രിൽ നടത്തിയ ഒന്നാം സെമസ്റ്റർ ബിഎൽഐഎസ്സി (2016 അഡ്മിഷൻ ഡിപ്പാർട്മെന്റ് മാത്രം, 2009 അഡ്മിഷൻ റെഗുലർ, സപ്ലിമെന്ററി) പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മ പരിശോധനയ്ക്കും മേയ് നാലു വരെ അപേക്ഷിക്കാം.