കേന്ദ്ര സാമൂഹിക നീതി മന്ത്രാലയത്തിനു കീഴിൽ കോൽക്കത്തയിലുള്ള നാഷണൽ ഇൻസ്റ്റിറ്റ്യൂട്ട് ഫോർ ലോക്കോമോട്ടോർ ഡിസെബിലിറ്റീസ്, കട്ടക്കിലെ സ്വാമി വിവേകാനന്ദ നാഷണൽ ഇൻസ്റ്റിറ്റ്യൂട്ട് ഓഫ് റിഹാബിലിറ്റേഷൻ, ട്രെയിനിംഗ് ആൻഡ് റിസർച്ച്, ചെന്നൈയിലെ നാഷണൽ ഇൻസ്റ്റിറ്റ്യൂട്ട് ഫോർ എംപവർമെന്‍റ് ഓഫ് പേഴ്സണ്‍ വിത്ത് മൾട്ടിപ്പിൾ ഡിസ്എബിലിറ്റീസ് എന്നിവിടങ്ങളിൽ നടത്തുന്ന വിവിധ കോഴ്സുകളിലേക്ക് അപേക്ഷ ക്ഷണിച്ചു.
ബാച്ചിലർ ഓഫ് ഫിസിയോ തെറാപ്പി, ബാച്ചിലർ ഓഫ് ഒക്കുപ്പേഷണൽ തെറാപ്പി, ബാച്ചിലർ ഓഫ് പ്രോസ്തെറ്റിക്സ് ആൻഡ് ഓർത്തോട്ടിക്സ് കോഴ്സുകളിലേക്കാണ് അഡ്മിഷൻ. നാലു വർഷം ദൈർഘ്യമുള്ളതാണു മൂന്നു കോഴ്സുകളും. കൂടാതെ ഇന്‍റേണ്‍ഷിപ്പും ഉണ്ടാകും. ചെന്നൈയിലെ നാഷണൽ ഇൻസ്റ്റിറ്റ്യൂട്ട് ഫോർ എംപവർമെന്‍റ് ഓഫ് പേഴ്സണ്‍ വിത്ത് മൾട്ടിപ്പിൾ ഡിസ്എബിലിറ്റീസിൽ ഫിസിയോതെറാപ്പി,ഒക്കുപ്പേഷണൽ കോഴ്സുകൾ മാത്രമാണുള്ളത്.
ജൂൺ 17നു നടത്തുന്ന പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ. മേയ് 25നകം അപേക്ഷിക്കണം.
ഫിസിയോ തെറാപ്പി, ഒക്കുപ്പേഷണൽ തെറാപ്പി കോഴ്സുകൾക്കു ഫിസിക്സ്, കെമിസ്ട്രി, ബയോളജി പഠിച്ച് 50 ശതമാനം മാർക്കോടെ പ്ലസ്ടുവാണു യോഗ്യത. പ്രോസ്തെറ്റിക്സ് ആൻഡ് ഓർത്തോപീഡിക്സ് കോഴ്സിനു ഫിസിക്സ്, കെമിസ്ട്രി, ബയോളജി അല്ലങ്കിൽ മാത്തമാറ്റിക്സ് പഠിച്ച് 45 ശതമാനം മാർക്കോടെ പ്ലസ്ടുവാണു യോഗ്യത. അവസാന വർശ വിദ്യാർഥികൾക്കും അപേക്ഷിക്കാം. 1998 ജനുവരി ഒന്നിനും 2001 ഡിസംബർ 31നും മധ്യേ ജനിച്ചവരാകണം അപേക്ഷകർ. ഏകദേശം 34700 രൂപയോളമാണു ആദ്യ വർഷത്തെ ഫീസ്.
ഫിസിക്സ്, കെമിസ്ട്രി, ബയോളജി അല്ലങ്കിൽ മാത്തമാറ്റിക്സ്, ജനറൽ എബിലിറ്റി ആൻഡ് ജനറൽ നോളജ് വിഭാഗങ്ങളിൽനിന്നായി രണ്ടു മണിക്കൂർ ദൈർഘ്യമുള്ളതായിരിക്കും പ്രവേശന പരീക്ഷ. ഒബ്ജക്ടീവ് മാതൃകയിലുള്ള പരീക്ഷയ്ക്കു പ്ലസ്ടു നിലവാരത്തിലുള്ളതായിരിക്കും ചോദ്യങ്ങൾ. മാതൃകാ ചോദ്യപേപ്പർ വെബ്സൈറ്റിലുണ്ട്.
ഓണ്‍ലൈനായി അപേക്ഷ സമർപ്പിച്ച ശേഷം പ്രിന്‍റൗട്ട് എടുത്ത് ചെയർമാൻ, സിഇടി2018 നാഷണൽ ഇൻസ്റ്റിറ്റ്യൂട്ട് ഫോർ ലോക്കോമോട്ടോർ ഡിസബിലിറ്റീസ്, കോൽക്കത്ത700 090. എന്ന വിലാസത്തിൽ അയച്ചു കൊടുക്കണം. 750 രൂപയാണ് അപേക്ഷാ ഫീസ്. പട്ടിക ജാതിവർഗക്കാർക്കും വികലാംഗർക്കും 600 രൂപ.
പരീക്ഷാ കേന്ദ്രങ്ങൾ: തിരുവനന്തപുരം, കോൽക്കത്ത, ഭുവനേശ്വർ, പാറ്റ്ന, ഗോഹട്ടി, ഐസ്വാൾ, ന്യൂഡൽഹി, ലക്നോ, ചെന്നൈ, റാഞ്ചി, ശ്രീനഗർ, ഭോപ്പാൽ, ഇംഫാൽ, സിലിഗുരി, സെക്കന്തരാബാദ്, ജയ്പൂർ, റായ്പൂർ, ഡെറാഡൂണ്‍, അഗർത്തല.
വെബ്സൈറ്റ്: www.niohkol.nic. ഫോണ്: +919432772725.
പിജി കോഴ്സുകൾ
കട്ടക്കിലെ സ്വാമി വിവേകാനന്ദ നാഷണൽ ഇൻസ്റ്റിറ്റ്യൂട്ട് ഓഫ് റിഹാബിലിറ്റേഷൻ, ട്രെയിനിംഗ് ആൻഡ് റിസർച്ചിൽ നടത്തുന്ന ബിരുദാനന്തര ബിരുദ കോഴ്സുകളിലേക്കും അപേക്ഷ ക്ഷണിച്ചിട്ടുണ്ട്. മാസ്റ്റർ ഓഫ് ഫിസിയോ തെറാപ്പി. മാസ്റ്റർ ഓഫ് ഒക്കുപ്പേഷണൽ തെറാപ്പി, മാസ്റ്റർ ഓഫ് പ്രോസ്തെറ്റിക് ആൻഡ് ഓർത്തോട്ടിക്സ് കോഴ്സുകളിലേക്കാണ് അപേക്ഷ ക്ഷണിച്ചിരിക്കുന്നത്. പൊതു പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ. അപേക്ഷാ ഫീസ് 1000 രൂപ. സംവരണ വിഭാഗങ്ങൾക്ക് 900 രൂപ. മേയ് 25 നകം അപേക്ഷിക്കണം. ജൂലൈ ഒന്നിനാണ് പ്രവേശന പരീക്ഷ. ഭുവനേശ്വർ, ചെന്നൈ, ന്യൂഡൽഹി, ഗോഹട്ടി, കോൽക്കത്ത, മുംബൈ,ഭോപ്പാൽ, സെക്കന്തരാബാദ് എന്നിവിടങ്ങളിലാണു പരീക്ഷാ കേന്ദ്രങ്ങൾ.
രണ്ടു വർഷമാണു കോഴ്സിന്റെ കാലാവധി. ബന്ധപ്പെട്ട വിഷയത്തിൽ ബിരുദമാണ് യോഗ്യത. അവസാന വർഷ വിദ്യാർഥികൾക്കും അപേക്ഷിക്കാം. ഒരു വർഷം 24200 രൂപയാണ് ട്യൂഷൻ ഫീസ്. കേരളത്തിൽ തിരൂവനന്തപുരത്തു മാത്രമാണു പരീക്ഷാ കേന്ദ്രം. അപേക്ഷ അയച്ചു കൊടുക്കേണ്ട വിലാസം: ചെയർമാൻ, പിജിഇടി2017, സ്വാമി വിവേകാനന്ദ നാഷണൽ ഇൻസ്റ്റിറ്റ്യൂട്ട് ഓഫ് റിഹാബിലിറ്റേഷൻ, ട്രെയിനിംഗ് ആൻഡ് റിസർച്ച്, ഒലത്പൂർ, ബൈറോയ് പോസ്റ്റ്, കട്ടക്ക്, ഒറീസ754010.