പിഎച്ച്ഡി പ്രവേശന പരീക്ഷ മേയ് ആറ് രാവിലെ 10 മുതൽ ഉച്ചയ്ക്ക് ഒരു മണി വരെ തിരുവനന്തപുരം കോട്ടണ്ഹിൽ ഗേൾസ് ഹയർ സെക്കൻഡറി സ്കൂളിൽ നടക്കും. അപേക്ഷകർക്ക് ഹാൾടിക്കറ്റുകൾ അവരവരുടെ യൂസർ ഐഡിയും പാസ്വേർഡും ഉപയോഗിച്ച് വെബ്സൈറ്റിൽ നിന്ന് ഡൗണ്ലോഡ് ചെയ്യാം. പരീക്ഷയ്ക്ക് രജിസ്റ്റർ ചെയ്തിട്ടുള്ള ഭിന്നശേഷിക്കാരായ അപേക്ഷകർ കൂടുതൽ സഹായങ്ങൾക്കായി 30ന് മുൻപ് AcB1sസെക്ഷനിൽ (ഇമെയിൽ
[email protected]) ബന്ധപ്പെടണം.
എംബിഎ ടൈംടേബിൾ വിദൂരവിദ്യാഭ്യാസ വിഭാഗം ജൂണ് നാല് മുതൽ നടത്തുന്ന രണ്ടാം സെമസ്റ്റർ എംബിഎ സപ്ലിമെന്ററി ഡിഗ്രി പരീക്ഷയുടെ ടൈംടേബിൾ വെബ്സൈറ്റിൽ ലഭിക്കും.
വൈവാവോസി പരീക്ഷ ഏപ്രിലിൽ നടത്തിയ ആറാം സെമസ്റ്റർ ബിഎസ്സി കംപ്യൂട്ടർ സയൻസ്, ബിഎസ്ഡബ്ല്യൂ പരീക്ഷകളുടെ വൈവാവോസി മേയ് ആദ്യവാരം നടത്തും. വിശദമായ ടൈംടേബിൾ വെബ്സൈറ്റിൽ ലഭിക്കും.
സൂക്ഷ്മപരിശോധനയ്ക്ക് ഹാജരാകണം 2017 ജൂലൈയിൽ നടത്തിയ നാലാം സെമസ്റ്റർ ബിടെക് (2013 സ്കീം) പരീക്ഷയുടെ സൂക്ഷ്മപരിശോധനയ്ക്ക് അപേക്ഷ സമർപ്പിച്ചിട്ടുള്ള വിദ്യാർഥികൾ ഫോട്ടോ പതിച്ച ഐഡി കാർഡും ഹാൾടിക്കറ്റുമായി 27 മുതൽ മേയ് അഞ്ച് വരെയുള്ള പ്രവർത്തി ദിനങ്ങളിൽ ബിടെക് റീവാല്യുവേഷൻ സെക്ഷനിൽ ഹാജരാകണം.
അപേക്ഷ ക്ഷണിച്ചു 20172018 അധ്യയന വർഷത്തെ സർക്കാർ എയ്ഡഡ് സ്വാശ്രയ കോളജുകളിലെ പി.ജി റഗുലർ വിദ്യാർഥികളുടെ കോളജ് മാറ്റത്തിന് അപേക്ഷ ക്ഷണിച്ചു. അപേക്ഷ സമർപ്പിക്കേണ്ട അവസാന തീയതി മേയ് 14. വിശദവിവരങ്ങൾ വെബ്സൈറ്റിൽ ന്യൂസ് എന്ന ലിങ്കിൽ ലഭിക്കും.
ഓണ്ലൈൻ രജിസ്ട്രേഷൻ മേയ് 21ന് ആരംഭിക്കുന്ന ഒന്നാം സെമസ്റ്റർ എംഎ/എംഎസ്സി/എംകോം/എംഎസ്ഡബ്ല്യൂ/എംപിഎ പരീക്ഷകൾക്കുള്ള ഓണ്ലൈൻ രജിസ്ട്രേഷൻ 27ന് തുടങ്ങും. പിഴകൂടാതെ മേയ് ഏഴ്, 50 രൂപ പിഴയോടെ മേയ് ഒൻപത്, 125 രൂപ പിഴയോടെ മേയ് 11 വരെ ഫീസടച്ച് അപേക്ഷിക്കാം. വിശദവിവരം വെബ്സൈറ്റിൽ ലഭിക്കും.