നാലാം സെമസ്റ്റർ ഡിഡി എംസിഎ പരീക്ഷകൾ മേയ് 23ന് ആരംഭിക്കും
നാലാം സെമസ്റ്റർ ഡിഡി എംസിഎ (2016 അഡ്മിഷൻ റെഗുലർ, 2014 ആൻഡ് 2015 അഡ്മിഷൻ സപ്ലിമെന്ററി) പരീക്ഷകൾ മേയ് 23ന് ആരംഭിക്കും. അപേക്ഷകൾ മേയ് രണ്ടു വരെയും 50 രൂപ പിഴയോടെ മൂന്നു വരെയും 500 രൂപ സൂപ്പർഫൈനോടെ ഏഴു വരെയും സ്വീകരിക്കും.
ഓഫ് കാന്പസ് പരീക്ഷ
ഓഫ് കാന്പസ് പരീക്ഷകൾ മേയ് മൂന്നിന് ആരംഭിക്കും. വിദ്യാർഥികൾ പരീക്ഷാകേന്ദ്രത്തിലെ ചീഫ് സൂപ്രണ്ടിന്റെ പക്കൽ നിന്നും ഹാൾ ടിക്കറ്റുകൾ കൈപ്പറ്റേണ്ടതാണ്. പരീക്ഷാഹാളിൽ ഹാൾടിക്കറ്റിനൊപ്പം ഫോട്ടോ പതിച്ച തിരിച്ചറിയൽ രേഖയും ഹാജരാക്കണം. പരീക്ഷാകേന്ദ്രങ്ങളെ സംബന്ധിച്ച വിശദവിവരങ്ങൾ വെബ്സൈറ്റിൽ ലഭ്യമാണ്. 0481 2733624.
പിഎച്ച്ഡി നൽകി
സ്പെഷൽ എഡ്യൂക്കേഷനിൽ ടി.എസ്. നിഷയ്ക്കും എസ്. ശ്രീജയ്ക്കും സൈക്കോളജിയിൽ ദിവ്യ റോസ് പീറ്ററിനും ബോബൻ ഇറാനിമോസിനും കെമിസ്ട്രിയിൽ മേരിമോൾ മൂത്തേടനും ആര്യ അനിലിനും മാത്തമാറ്റിക്സിൽ വിനോയ് ജോർജിനും മാനേജ്മെന്റ് സ്റ്റഡീസിൽ ജോഷി ജോണിനും ഇലക്ട്രോണിക്സിൽ ജേക്കബ് ഏബ്രഹാമിനും സുവോളജിയിൽ എസ്. സുമേഷിനും സ്റ്റാറ്റിസ്റ്റിക്സിൽ കാതറിൻ തോമസിനും ഫാർമസിയിൽ ആർ. അരുണ് രാജിനും ബയോകെമിസ്ട്രിയിൽ സൂര്യ പി. രാജേന്ദ്രനും ബയോ സയൻസസിൽ സൗമ്യ സോമനും ഫിസിക്സിൽ എൻ.എച്ച്. ഷീബയ്ക്കും സിജോ സെബാസ്റ്റ്യനും എജ്യൂക്കേഷനിൽ എം. സന്ധ്യ രാജിനും കെ. തോമസിനും പി. പ്രേമചന്ദ്രനും ജിജി പോളിനും എൻവയണ്മെന്റൽ സയൻസസിൽ വി. അരുണ് ബാബുവിനും ഇംഗ്ലീഷിൽ ബിനോയ് കുര്യനും മിനി എം. ഏബ്രഹാമിനും മരിയ തെരേസ ചാക്കുണ്ണിയ്ക്കും കൊമേഴ്സിൽ വി.ജെ. റോസിനും ഇക്കണോമിക്സിൽ കെ. മുരളിയ്ക്കും ഹിന്ദിയിൽ ജിൻസി മാത്യുവിനും മലയാളത്തിൽ പി.എസ്. അനുവിനും ഇന്റർനാഷണൽ റിലേഷൻസിൽ എം. രാജേഷിനും പിഎച്ച്ഡി. ബിരുദം നൽകുവാൻ തീരുമാനിച്ചു.
പരീക്ഷാഫലം
സ്കൂൾ ഓഫ് ബിഹേവിയറൽ സയൻസസ് ഡിപ്പാർട്ട്മെന്റ് ഓഫ് ഇന്ത്യൻ സൈൻ ലാംഗ്വേജിൽ 2017 ഓഗസ്റ്റ് മാസത്തിൽ നടത്തിയ രണ്ടാം സെമസ്റ്റർ പോസ്റ്റ് ഗ്രാജുവേറ്റ് ഡിപ്ലോമ ഇൻ ഇന്ത്യൻ സൈൻ ലാംഗ്വേജ് (സിഎസ്എസ്) പരീക്ഷയുടെ ഫലം പ്രസിദ്ധപ്പെടുത്തി.
2017 ജൂണിൽ നടന്ന രണ്ടാം സെമസ്റ്റർ എംഎസ്സി ബയോ സ്റ്റാറ്റിസ്റ്റിക്സ് (റെഗുലർ) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും മേയ് എട്ടു വരെ അപേക്ഷിക്കാം.
2017 ഒക്ടോബറിൽ നടത്തിയ മൂന്നാം സെമസ്റ്റർ എംഎഡ് സ്പെഷൽ എഡ്യൂക്കേഷൻ (ഇന്റലക്ച്വൽ ഡിസെബിലിറ്റി റെഗുലർ) പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും മേയ് ഒന്പതു വരെ അപേക്ഷിക്കാം.
റിസർച്ച് അസോസിയേറ്റ് ഒഴിവ്
ഇന്റർനാഷണൽ ആൻഡ് ഇന്റർ യൂണിവേഴ്സിറ്റി സെന്റർ ഫോർ നാനോ സയൻസ് ആൻഡ് നാനോ ടെക്നോളജിയും സംയുക്തമായി നടത്തുന്ന ജൈവ പ്രോജക്ടിലേക്ക് രണ്ട് റിസർച്ച് അസോസിയേറ്റുകളെ ആവശ്യമുണ്ട്. പിഎച്ച്ഡി ഇൻ കെമിസ്ട്രി അല്ലെങ്കിൽ ലൈഫ് സയൻസാണ് വിദ്യാഭ്യാസ യോഗ്യത. ബയോമെറ്റീരിയൽസ് സിന്തസിസ് ആൻഡ് കാരക്്ടറൈസേഷൻ, ഡ്രഗ് ഡെലിവറി, നാനോ മെറ്റീരിയൽസ് തുടങ്ങിയ മേഖലയിൽ മൂന്നു വർഷത്തെ ഗവേഷണ പരിചയവും ഉണ്ടായിരിക്കണം. താത്പര്യമുള്ളവർ അസൽ സർട്ടിഫിക്കറ്റുകൾ സഹിതം 30നു രാവിലെ 10നു നാനോ സെന്ററിൽ ഹാജരാകണം. വിശദവിവരങ്ങൾ വെബ്സൈറ്റിൽ ലഭ്യമാണ്.
...