ബികോം (ആന്വൽ സ്കീം) പരീക്ഷ
നാളെ ആരംഭിക്കുന്ന ബികോം (ആന്വൽ സ്കീം) പരീക്ഷയ്ക്ക് ലേണർ സപ്പോർട്ട് സെന്ററുകളിലെ വിദ്യാർഥികൾ ചേർത്തല സെന്റ് മൈക്കിൾസ് കോളജിൽ പരീക്ഷ എഴുതണം.
ബിഎ മ്യൂസിക് പ്രാക്ടിക്കൽ
ആറാം സെമസ്റ്റർ ബിഎ മ്യൂസിക് സിബിസിഎസ്എസ് ഫസ്റ്റ് ഡിഗ്രി പ്രോഗ്രാം പരീക്ഷയുടെ പ്രാക്ടിക്കൽ മേയ് രണ്ട് മുതൽ 10 വരെ അതത് കോളജുകളിൽ വച്ച് നടത്തും. വിശദവിവരങ്ങൾ വെബ്സൈറ്റിൽ
ബിബിഎ പരീക്ഷ
ജൂലൈ മൂന്നിന് ആരംഭിക്കുന്ന ഒന്നാം വർഷ ബിബിഎ (ആന്വൽ സ്കീംപ്രൈവറ്റ് രജിസ്ട്രേഷൻ) ഡിഗ്രി പരീക്ഷയ്ക്കും (റഗുലർ, ഇംപ്രൂവ്മെന്റ് ആൻഡ് സപ്ലിമെന്ററി) ജൂണ് 20 ന് ആരംഭിക്കുന്ന രണ്ടാം വർഷ ബിബിഎ (ആന്വൽ സ്കീംപ്രൈവറ്റ് രജിസ്ട്രേഷൻ) ഡിഗ്രി പരീക്ഷയ്ക്കും (റഗുലർ) പിഴ കൂടാതെ മേയ് 14 വരെയും പിഴയോടെ 21 വരെയും ഫീസടച്ച് രജിസ്റ്റർ ചെയ്യാം. ഓരോ പേപ്പറിനും 125 രൂപ വീതവും (ഇംപ്രൂവ്മെന്റ് ആൻഡ് സപ്ലിമെന്ററി 150 രൂപ) 100 രൂപ മാർക്ക്ലിസ്റ്റിനും പുറമെ 200 രൂപ ക്യാന്പ് ഫീ ആയും അടയ്ക്കണം. തിരുവനന്തപുരം, കൊല്ലം, ആലപ്പുഴ ജില്ലകളിൽ ഓരോ പരീക്ഷാകേന്ദ്രം മാത്രമേ ഉണ്ടാവുകയുള്ളൂ. വിശദവിവരം വെബ്സൈറ്റിൽ .
പ്രവേശന പരീക്ഷ
20182019 അധ്യയന വർഷത്തിലെ ലയോള കോളജ് ഓഫ് സോഷ്യൽ സയൻസസ് എംഎസ്ഡബ്ല്യൂ ആൻഡ് എംഎഎച്ച്ആർഎം കോഴ്സുകളുടെ പ്രവേശന പരീക്ഷ ജൂണ് 20ന് നടത്തപ്പെടും. വിശദവിവരങ്ങൾ വെബ്സൈറ്റിൽ.
പ്രോജക്ട് വൈവ, പ്രാക്ടിക്കൽ ടൈംടേബിൾ
ആറാം സെമസ്റ്റർ ബികോം കൊമേഴ്സ് വിത്ത് കംപ്യൂട്ടർ ആപ്ലിക്കേഷൻ (138) 2(ബി) പരീക്ഷയുടെ പ്രോജക്ട് വൈവയുടെയും പ്രാക്ടിക്കൽ ലാബിന്റെയും ടൈംടേബിൾ പ്രസിദ്ധീകരിച്ചു. മേയ് 14 മുതൽ 18 വരെ നടക്കുന്ന പരീക്ഷയുടെ ടൈംടേബിൾ വെബ്സൈറ്റിൽ
ബിഫാം പരീക്ഷ
മേയ് 29 ന് ആരംഭിക്കുന്ന മൂന്നാം വർഷം ബിഫാം സപ്ലിമെന്ററി പരീക്ഷയ്ക്ക് പിഴയില്ലാതെ മേയ് ഒൻപത് വരെയും പിഴയോടെ മേയ് 14 വരെയും ഫീസ് അടയ്ക്കാവുന്നതാണ്.
പരീക്ഷാകേന്ദ്രങ്ങൾ മാറ്റം
മേയ് രണ്ട് മുതൽ ആരംഭിക്കുന്ന ഒന്നും രണ്ടും വർഷ ബിഎ ബിരുദ മെയിൻ ആൻഡ് സബ്സിഡിയറി (ആന്വൽ) പരീക്ഷാകേന്ദ്രങ്ങളുടെ മാറ്റം ചുവടെ ചേർക്കുന്നു. കൊല്ലം എസ്എൻ കോളജ് ഫോർ വിമൻ പരീക്ഷാകേന്ദ്രമായി അപേക്ഷിച്ചിട്ടുള്ളവർ കൊല്ലം എസ്എൻ കോളജിലും, അടൂർ സെന്റ് സിറിൾസ് കോളജ് പരീക്ഷാകേന്ദ്രമായി അപേക്ഷിച്ചിട്ടുള്ളവർ കൊട്ടാരക്കര എസ്ജി കോളജിലും, ചേർത്തല എസ്എൻ കോളജ് പരീക്ഷാകേന്ദ്രമായി അപേക്ഷിച്ച എൽഎസ്സി വിദ്യാർഥികൾ ചേർത്തല എസ്എൻ കോളജിലും, തിരുവനന്തപുരം ഓൾസെയിന്റ്സ് കോളജ് പരീക്ഷാകേന്ദ്രമായി അപേക്ഷിച്ച പെണ്കുട്ടികൾ വഴുതക്കാട് ഗവ. വിമൻസ് കോളജിലും, ആണ്കുട്ടികൾ പാളയം വിദൂരവിദ്യാഭ്യാസ കേന്ദ്രത്തിലും, വഴുതക്കാട് ഗവ. വിമൻസ് കോളജ് പരീക്ഷാകേന്ദ്രമായി അപേക്ഷിച്ച ആണ്കുട്ടികൾ മാത്രം പാളയം വിദൂരവിദ്യാഭ്യാസ കേന്ദ്രത്തിലും, ആലപ്പുഴ സെന്റ് ജോസഫ് കോളജ് ഫോർ വിമൻ പരീക്ഷാകേന്ദ്രമായി അപേക്ഷിച്ച ആണ്കുട്ടികൾ ആലപ്പുഴ എസ്ഡി കോളജിലും, തിരുവനന്തപുരം ഗവ. സംസ്കൃത കോളജ് പരീക്ഷാകേന്ദ്രമായി അപേക്ഷിച്ച ഇംഗ്ലീഷ് മെയിൻ വിദ്യാർഥികൾ തുടർന്നുള്ള പരീക്ഷകൾ തിരുവനന്തപുരം ഗവ.സംസ്കൃത കോളജിലും എഴുതേണ്ടതാണ്.
മാർക്ക് ലിസ്റ്റുകൾ കൈപ്പറ്റണം
വിദൂരവിദ്യാഭ്യാസ കേന്ദ്രം വഴി നവംബർ 2017ൽ ബിസിഎ, ബിഎസ്സി കംപ്യൂട്ടർ സയൻസ് സപ്ലിമെന്ററി ഒന്നും രണ്ടും വർഷങ്ങളിൽ ഓഫ്ലൈനായി തിരുവനന്തപുരം സെന്ററിൽ രജിസ്റ്റർ ചെയ്ത വിദ്യാർഥികൾ പാളയം എസ്ഡിഇ ഓഫീസിൽ നിന്നും കൊല്ലം എഫ്എംഎൻ കോളജ്, ചേർത്തല എസ്എൻ കോളജ് എന്നീ സെന്ററുകളിൽ പരീക്ഷ എഴുതിയ വിദ്യാർഥികൾ അതാത് സെന്ററുകളിൽ നിന്നും ഹാൾടിക്കറ്റുമായി വന്ന് മാർക്ക്ലിസ്റ്റുകൾ കൈപ്പറ്റണം.
ബിഎസ്സി നഴ്സിംഗ് ഫലം
2017 ഡിസംബറിൽ നടത്തിയ ഒന്നാം വർഷ ബിഎസ്സി നഴ്സിംഗ് (മേഴ്സി ചാൻസ്/സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർ മൂല്യനിർണയത്തിനും മേയ് 10 വരെ അപേക്ഷിക്കാം.
എംടെക്, എംആർക്ക് ടൈംടേബിൾ
മേയ് 16ന് ആരംഭിക്കുന്ന രണ്ടാം സെമസ്റ്റർ എംടെക് (FT/PT 2013 സ്കീം), നാലാം സെമസ്റ്റർ (PTþ2013 സ്കീം), രണ്ടാം സെമസ്റ്റർ എംആർക്ക് (2013 സ്കീം) പരീക്ഷകളുടെ ടൈംടേബിൾ വെബ്സൈറ്റിൽ.
ഹോസ്റ്റൽ പ്രവേശനം
സർവകലാശാലയ്ക്ക് കീഴിലുള്ള തൈക്കാടും കാര്യവട്ടം കാന്പസിലും സ്ഥിതി ചെയ്യുന്ന ഹോസ്റ്റലുകളിൽ പ്രവേശനത്തിന് അപേക്ഷ സമർപ്പിക്കാത്ത വിദ്യാർഥികൾക്ക് ഓണ്ലൈൻ അപേക്ഷ സമർപ്പിക്കുവാൻ 10 ദിവസം അനുവദിച്ചിരിക്കുന്നു. . http://hostel.keralauniversity.ac.in എന്ന വെബ്സൈറ്റിലൂടെ അപേക്ഷകൾ ഓണ്ലൈനായി സമർപ്പിക്കാവുന്നതാണ്.