കോണ്ടാക്ട് ക്ലാസും പഠനസാമഗ്രികളും
വിദൂരവിദ്യാഭ്യാസത്തിനു കീഴിൽ യുജി (സിയുസിബിസിഎസ്എസ്) 2017 വർഷത്തിൽ എസ്ഡിഇ മോഡിൽ പ്രവേശനം നേടി ട്യൂഷൻ ഫീ അടച്ച വിദ്യാർഥികൾക്കും രണ്ടാം സെമസ്റ്ററിലേക്ക് ട്യൂഷൻ ഫീ അടച്ച് എസ്ഡിഇ മോഡിൽ പുനഃപ്രവേശനം എടുത്തവർക്കും മാത്രമേ കോണ്ടാക്ട് ക്ലാസും പഠനസാമഗ്രികളും കേന്ദ്രങ്ങളിൽ നിന്ന് ലഭിക്കൂ. ഇപ്പോൾ പ്രൈവറ്റ് മോഡിൽ നിന്നും എസ്ഡിഇ മോഡിലേക്ക് മാറിയ വിദ്യാർഥികൾക്ക് കോണ്ടാക്ട് ക്ലാസും പഠനസാമഗ്രികളും ലഭിക്കില്ല. വിവരങ്ങൾ വെബ്സൈറ്റിൽ. ഫോൺ: 0494 2407494.
പരീക്ഷാ അപേക്ഷ
വിദൂരവിദ്യാഭ്യാസം പ്രീവിയസ്/ ഒന്ന്, രണ്ട് സെമസ്റ്റർ എംഎ/എംഎസ് സി (2013 മുതൽ പ്രവേശനം) സപ്ലിമെന്ററി/ ഇംപ്രൂവ്മെന്റ് പരീക്ഷയ്ക്ക് പിഴകൂടാതെ മേയ് ഏഴുവരെയും 150 രൂപ പിഴയോടെ മേയ് പത്തുവരെയും അപേക്ഷിക്കാം.
എംബിഎ (ഇൻർനാഷണൽ ഫിനാൻസ്, ഹെൽത്ത് കെയർ മാനേജ്മെന്റ്) രണ്ട്, നാല് സെമസ്റ്റർ റഗുലർ/ സപ്ലിമെന്ററി പരീക്ഷയ്ക്ക് പിഴകൂടാതെ മേയ് ഏഴു വരെയും 150 രൂപ പിഴയോടെ മേയ് പത്തുവരെയും അപേക്ഷിക്കാം.
മാസ്റ്റർ ഓഫ് ഹോസ്പിറ്റൽ അഡ്മിനിസ്ട്രേഷൻ നാലാം സെമസ്റ്റർ റഗുലർ/ സപ്ലിമെന്ററി, രണ്ടാം സെമസ്റ്റർ സപ്ലിമെന്ററി പരീക്ഷയ്ക്ക് 30 മുതൽ പിഴകൂടാതെ മേയ് ഏഴുവരെയും 150 രൂപ പിഴയോടെ മേയ് പത്തുവരെയും അപേക്ഷിക്കാം.
ഫലം പ്രസിദ്ധീകരിച്ച ബിവോക് വിദ്യാർഥികൾക്ക് നാലാം സെമസ്റ്റർ സപ്ലിമെന്ററി/ ഇംപ്രൂവ്മെന്റ് പരീക്ഷയ്ക്ക് പിഴകൂടാതെ മേയ് രണ്ടു വരെയും 150 രൂപ പിഴയോടെ മേയ് മൂന്നു വരെയും അപേക്ഷിക്കാം.
പരീക്ഷ
ഒന്നാം സെമസ്റ്റർ എംഎസ് സി ഹെൽത്ത് ആൻഡ് യോഗ തെറാപ്പി (2013 മുതൽ പ്രവേശനം) റഗുലർ/ സപ്ലിമെന്ററി പരീക്ഷ മേയ് ഒന്പതിന് ആരംഭിക്കും.
എംബിബിഎസ് പ്രാക്ടിക്കൽ
ഫൈനൽ എംബിബിഎസ് പാർട്ട് രണ്ട് പ്രാക്ടിക്കൽ പരീക്ഷ മേയ് രണ്ടിനു രാവിലെ എട്ടിനു തൃശൂർ ഗവണ്മെന്റ് മെഡിക്കൽ കോളജിൽ ആരംഭിക്കും.
പരീക്ഷാഫലം
നാലാം സെമസ്റ്റർ ബിവോക് (സിയുസിബിസിഎസ്എസ്) ഏപ്രിൽ 2017 റഗുലർ/ സപ്ലിമെന്ററി/ ഇംപ്രൂവ്മെന്റ് പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് മേയ് പത്തുവരെ അപേക്ഷിക്കാം.
അഞ്ചാം സെമസ്റ്റർ ബിടിഎച്ച്എം/ ബിഎച്ച്എ (സിയുസിബിസിഎസ്എസ്) റഗുലർ/ സപ്ലിമെന്ററി/ ഇംപ്രൂവ്മെന്റ് നവംബർ 2017 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് മേയ് ആറുവരെ അപേക്ഷിക്കാം.
അറബിക്ഇംഗ്ലീഷ് ട്രാൻസ്ലേഷൻ പരിശീലനം
ഇസ്ലാമിക് ചെയർ നടത്തുന്ന അറബിക്ഇംഗ്ളീഷ് ട്രാൻസ്ലേഷൻ കോഴ്സ് മേയ് അഞ്ചിന് ആരംഭിക്കും. മൂന്നു മാസത്തെ സർട്ടിഫിക്കറ്റ് പ്രോഗ്രാമിന് രജിസ്റ്റർ ചെയ്യാൻ 9847729601/9746904678 നന്പറുകളിൽ ബന്ധപ്പെടണം..
ബിഎസ് സി ഇലക്ട്രോണിക്സ് മൂല്യനിർണയ ക്യാന്പ്
രണ്ടും ആറും സെമസ്റ്റർ ബിഎസ് സി ഇലക്ട്രോണിക്സ് (സിയുസിബിസിഎസ്എസ്) ഏപ്രിൽ 2017/2018 പരീക്ഷകളുടെ മൂല്യനിർണയ ക്യാന്പുകൾ കോഴിക്കോട്, വയനാട് ജില്ലകളിൽ മേയ് രണ്ടിന് ആരംഭിക്കും. അഫിലിയേറ്റഡ് കോളജുകളിലെ ഇലക്ട്രോണിക്സ് അധ്യാപകർ പങ്കെടുക്കണം.വിട്ടുനിൽക്കുന്നത് ഗുരുതര കൃത്യവിലോപമായി കണക്കാക്കി നടപടി സ്വീകരിക്കുമെന്ന് പരീക്ഷാ കണ്ട്രോളർ അറിയിച്ചു. വിവരങ്ങൾ വെബ്സൈറ്റിൽ.