ഏപ്രിൽ 30ന് സർവകലാശാല നടത്താനിരുന്ന വിവിധ പരീക്ഷകളുടെ പുനഃക്രമീകരിച്ച തീയതികളുടെ വിശദവിവരം വെബ്സൈറ്റിൽ.
ബിഎ പരീക്ഷാകേന്ദ്രം
മാർ ഈവാനിയോസ് കോളജ് പരീക്ഷാ കേന്ദ്രമായി അപേക്ഷിച്ച് എംജി കോളജിൽ ഫൈനൽ ഇയർ ബിഎ പരീക്ഷ എഴുതിയ വിദ്യാർഥികൾ നാളെ തുടങ്ങുന്ന മെയിൻ പേപ്പർ രണ്ട്, തുടർന്നുള്ള മെയിൻ പേപ്പർ ഒന്ന്, സബ്സിഡിയറി പരീക്ഷകൾ അവർ അപേക്ഷിച്ച പരീക്ഷാകേന്ദ്രമായ മാർ ഈവാനിയോസ് കോളജിൽ തന്നെ എഴുതേണ്ടതാണ്.
പരിശീലനം നാലിന്
ഒന്നാം വർഷ ബിരുദ പ്രവേശനവുമായി ബന്ധപ്പെട്ട് വിവിധ അക്ഷയകേന്ദ്രങ്ങളിലെ ജീവനക്കാർക്ക് പരിശീലനം നൽകും. നാലിന് രാവിലെ 11 ന് സർവകലാശാല ആസ്ഥാനത്തുള്ള കംപ്യൂട്ടർ സെന്ററിൽ വച്ചാണ് പരിശീലനം.
ഒരു അക്ഷയകേന്ദ്രത്തിൽ നിന്ന് ഒരാൾക്ക് ഈ സൗജന്യ പരിശീലനത്തിൽ പങ്കെടുക്കാം. പങ്കെടുക്കാനാഗ്രഹിക്കുന്നവർ നാളെയ്ക്കു മുൻപ് 04712386296 എന്ന നന്പറിൽ ബന്ധപ്പെട്ട് രജിസ്റ്റർ ചെയ്യണം. സോറ്റ്വേറിലും, രജിസ്ട്രേഷൻ രീതിയിലും വരുത്തിയിട്ടുള്ള മാറ്റങ്ങൾ പരിശീലനത്തിൽ വിശദീകരിക്കും.
പരാതിരഹിതമായ ഓണ്ലൈൻ രജിസ്ട്രേഷൻ ലക്ഷ്യമിട്ടാണ് സർവകലാശാല ഇത്തരത്തിൽ പരിശീലനം സംഘടിപ്പിക്കുന്നത്. ഈ അവസരം പരമാവധി പ്രയോജനപ്പെടുത്തണം.
പങ്കെടുക്കുന്നവർ സ്വന്തം ചെലവിൽ ഹാജരാകണം.
സർട്ടിഫിക്കറ്റ് കോഴ്സ്
തുടർവിദ്യാഭ്യാസ വ്യാപനകേന്ദ്രം നടത്തുന്ന സർട്ടിഫിക്കറ്റ് ഇൻ നഴ്സിംഗ് അഡ്മിനിസ്ട്രേഷൻ കോഴ്സിന് അപേക്ഷ ക്ഷണിയ്ക്കുന്നു. യോഗ്യത: പ്ലസ്ടു/പ്രീഡിഗ്രി ജയിച്ചിരിക്കണം. ജിഎൻഎം/ബിഎസ്സി; നഴ്സിംഗ് കൂടാതെ കേരള രജിസ്ട്രേഷൻ ചെയ്തിരിക്കണം. ഫീസ്: 7500 രൂപ. ക്ലാസുകൾ: ശനി, ഞായർ ദിവസങ്ങളിൽ. കോഴ്സ് കാലാവധി: ആറ് മാസം. അവസാന തീയതി: 10. വിവരങ്ങൾക്ക്: 04712302523.
തീയതി നീട്ടി
തുടർ വിദ്യാഭ്യാസ വ്യാപന കേന്ദ്രം നടത്തുന്ന പിജി സർട്ടിഫിക്കറ്റ് ഇൻ ടിവി ന്യൂസ് ജേർണലിസം കോഴ്സിന് അപേക്ഷ സമർപ്പിക്കാനുളള തീയതി നീട്ടി. അവസാന തീയതി 10. യോഗ്യത: കേരള സർവകലാശാല അംഗീകരിച്ച ബിരുദം. കോഴ്സ് കാലാവധി: ആറ് മാസം. ഫീസ് : 10,500 രൂപ. അപേക്ഷ ഫീസ്: 150 രൂപ. അപേക്ഷ ഫോറം പിഎംജി ജംഗ്ഷനിലെ CACEE ഓഫീസിൽ ലഭിയ്ക്കും. വിവരങ്ങൾക്ക്: 0471 2302523.
പരീക്ഷാകേന്ദ്രങ്ങൾ
ബി.കോം ആന്വൽ സ്കീം പാർട്ട് മൂന്ന് പരീക്ഷകൾക്ക് കണ്ണൂർ, പാലക്കാട്, തൃശൂർ, മലപ്പുറം, കാസർഗോഡ് ലേണർ സപ്പോർട്ട് സെന്ററുകളിലെ വിദ്യാർഥികൾ ചേർത്തല സെന്റ് മൈക്കിൾസ് കോളജിൽ പരീക്ഷ എഴുതണം.
കെ മാറ്റ് പ്രവേശന പരീക്ഷ
കേരള സർവകലാശാലയുടെ ആഭിമുഖ്യത്തിലും മേൽനോട്ട സമിതിയുടെ നിയന്ത്രണത്തിലും നടത്തുന്ന എംബിഎ പ്രവേശന പരീക്ഷയ്ക്ക് വെബ്സൈറ്റ് വഴി ഓണ്ലൈനായി അപേക്ഷിക്കാവുന്ന അവസാന തീയതി ജൂണ് ഏഴ്. കെ മാറ്റ് കേരള, സി മാറ്റ്, ക്യാറ്റ് എന്നീ പ്രവേശന പരീക്ഷകളിൽ നിന്ന് മാത്രമേ കേരളത്തിൽ എംബിഎ പ്രവേശനം ലഭിക്കുകയുള്ളൂ. ഇതുവരെയും അപേക്ഷ സമർപ്പിക്കാത്തവർ എത്രയും പെട്ടെന്ന് ഓണ്ലൈനായി അപേക്ഷ സമർപ്പിക്കണം. അവസാന വർഷ ബിരുദ വിദ്യാർഥികൾക്കും പരീക്ഷാഫലം പ്രതീക്ഷിക്കുന്നവർക്കും കെ മാറ്റ് കേരള പ്രവേശന പരീക്ഷയ്ക്ക് അപേക്ഷിക്കാം. സംശയനിവാരണങ്ങൾക്കും കൂടുതൽ വിവരങ്ങൾക്ക് ഫോണ്: 8547255133.