ഒന്നാം വർഷ ബിരുദപ്രവേശനം 2018-അക്ഷയകേന്ദ്രങ്ങളിലെ ജീവനക്കാർക്ക് പരിശീലനം നാളെ
2018 വർഷത്തെ ഒന്നാം വർഷ ബിരുദപ്രവേശനവുമായി ബന്ധപ്പെട്ട് വിവിധ അക്ഷയകേന്ദ്രങ്ങളിലെ ജീവനക്കാർക്ക് പരിശീലനം നൽകും. നാളെ രാവിലെ 11ന് സർവകലാശാല ആസ്ഥാനത്തുള്ള കംപ്യൂട്ടർ സെന്ററിലാണ് പരിശീലനം. ഒരു അക്ഷയകേന്ദ്രത്തിൽ നിന്ന് ഒരാൾക്ക് ഈ സൗജന്യ പരിശീലനത്തിൽ പങ്കെടുക്കാം. പങ്കെടുക്കാനാഗ്രഹിക്കുന്നവർ ഇന്ന് 04712386296 എന്ന നന്പറിൽ ബന്ധപ്പെട്ട് രജിസ്റ്റർ ചെയ്യണം. സോഫ്റ്റ് വെയറിലും, രജിസ്ട്രേഷൻ രീതിയിലും വരുത്തിയിട്ടുള്ള മാറ്റങ്ങൾ പരിശീലനത്തിൽ വിശദീകരിക്കും. പരാതിരഹിതമായ ഓണ്ലൈൻ രജിസ്ട്രേഷൻ ലക്ഷ്യമിട്ടാണ് സർവകലാശാല ഇത്തരത്തിൽ പരിശീലനം സംഘടിപ്പിക്കുന്നത്. ഈ അവസരം പരമാവധി പ്രയോജനപ്പെടുത്തണം. പങ്കെടുക്കുന്നവർ സ്വന്തം ചെലവിൽ ഹാജരാകണം.
എൽഎൽഎം, എംബിഎൽ ഫലം
2017 ഒക്ടോബറിൽ നടത്തിയ നാലാം സെമസ്റ്റർ എൽഎൽഎം, മൂന്നാം സെമസ്റ്റർ എംബിഎൽ പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കുള്ള അപേക്ഷകൾ മേയ് 21 വരെ സ്വീകരിക്കും. കേരള ലാ അക്കാദമി ലോ കോളജിലെ സി.എസ്. ആര്യദാസ് എൽഎൽഎം പരീക്ഷയിൽ(1267/1800) ഒന്നാം റാങ്ക് നേടി.
അപേക്ഷ ക്ഷണിച്ചു
ഇൻസ്റ്റിറ്റ്യൂട്ട് ഓഫ് മാനേജ്മെന്റിൽ കരാറടിസ്ഥാനത്തിൽ ലക്ച്ചറർ (എംബിഎ ടൂറിസം) തസ്തികയിലേക്ക് അപേക്ഷ ക്ഷണിച്ചു. അപേക്ഷ സമർപ്പിക്കാനുള്ള അവസാന തീയതി മേയ് 21. വിശദവിവരങ്ങൾ വെബ്സൈറ്റിൽ ലഭിക്കും.