എംജി ബിരുദ ഫലം പ്രഖ്യാപിച്ചു
കോട്ടയം: എംജി യൂണിവേഴ്സിറ്റി ബിരുദ ഫലം റിക്കാർഡ് വേഗത്തിൽ പ്രഖ്യാപിച്ചു. 8774 പേർ ബിഎയും 11438 പേർ ബിഎസ് സിയും 18390 പേർ ബികോമും 6055 പേർ വിവിധ ന്യൂജനറനേഷൻ കോഴ്സുകളും പരീക്ഷയെഴുതിയിരുന്നു. 6916 പേർ ബിഎയ്ക്കും (78.82 ശതമാനം) 9149 പേർ ബിഎസ്സിക്കും (79.98 ശതമാനം) 14790 പേർ ബികോമിനും (80.42 ശതമാനം) 4086 പേർ ന്യൂജനറേഷൻ കോഴ്സുകൾക്കും (0.69 ശതമാനം) വിജയിച്ചു. ചിട്ടയായ പ്രവർത്തനമാണ് ഈ നേട്ടത്തിലേക്ക് നയിച്ചതെന്ന് വൈസ് ചാൻസലർ ഡോ. ബാബു സെബാസ്റ്റ്യൻ പറഞ്ഞു. മാർച്ച് 16ന് ആരംഭിച്ച ആറാം സെമസ്റ്റർ പരീക്ഷ ഏപ്രിൽ 27നാണു പൂർത്തിയായത്. 192 അഫിലിയേറ്റഡ് കോളജുകളിൽ 112 പരീക്ഷകളാണു നടന്നത്.
പത്രസമ്മേളനത്തിൽ പ്രോ വൈസ് ചാൻസലർ ഡോ. സാബു തോമസ്, പരീക്ഷാ കണ്ട്രോളർ ഡോ. തോമസ് ജോണ് മാന്പ്ര, സിൻഡിക്കറ്റ് പരീക്ഷാ ഉപസമിതി കണ്വീനർ ഡോ. ആർ. പ്രഗാഷ്, സമിതിയംഗങ്ങളായ ഡോ. പ്രവീണ്കുമാർ, പ്രഫ. ടോമിച്ചൻ ജോസഫ്, ഡോ. കെ. ഷറഫുദീൻ എന്നിവർ പങ്കെടുത്തു.
ബിരുദ ഏകജാലക പ്രവേശനം: ഓണ്ലൈൻ രജിസ്ട്രേഷൻ 25 മുതൽ
സർക്കാർ, എയ്ഡഡ്, സ്വാശ്രയ ആർട്സ് ആൻഡ് സയൻസ് കോളജുകളിലെ ഏകജാലകം വഴിയുള്ള ഒന്നാം വർഷ ബിരുദ പ്രോഗ്രാമുകളിലേക്കുള്ള പ്രവേശനത്തിനായുള്ള ഓണ്ലൈൻ രജിസ്ട്രേഷൻ 25 മുതൽ ആരംഭിക്കും. ജൂണ് മൂന്നു വരെ ഓണ്ലൈനായി അപേക്ഷ സമർപ്പിക്കാം. പ്രൊവിഷണൽ റാങ്ക് ലിസ്റ്റും ട്രയൽ അലോട്ട്മെന്റും ജൂണ് ഏഴിന് പ്രസിദ്ധീകരിക്കും. ഒന്നാം അലോട്ട്മെന്റ് ജൂണ് 13നും രണ്ടാം അലോട്ട്മെന്റ് 22നും പ്രസിദ്ധീകരിക്കും. മാനേജ്മെന്റ്, കമ്മ്യൂണിറ്റി, സ്പോർട്സ്, കൾച്ചറൽ േക്വാട്ട, വികലാംഗ വിഭാഗത്തിന് സംവരണം ചെയ്ത സീറ്റുകൾ എന്നിവയിലേക്ക് അപേക്ഷിക്കുന്നവർ പ്രവേശനം ആഗ്രഹിക്കുന്ന കോളജുകളിൽ തന്നെ നേരിട്ട് അപേക്ഷ സമർപ്പിക്കണം. ലക്ഷദ്വീപിൽ നിന്നുള്ള അപേക്ഷകർക്കായി ഓരോ കോളജുകളിലും സീറ്റുകൾ സംവരണം ചെയ്തിട്ടുണ്ട്. ലക്ഷദ്വീപ് നിവാസികളായ അപേക്ഷകർ പ്രവേശനം ആഗ്രഹിക്കുന്ന കോളേജുകളിൽ തന്നെ നേരിട്ട് അപേക്ഷ സമർപ്പിക്കണം. ഓരോ കോളജുകളിലെയും അക്കാദമിക് പ്രോഗ്രാം വെബ്സൈറ്റിൽ ലഭ്യമാണ്. കൂടാതെ പ്രോസ്പെക്്ടസിന്റെ സംക്ഷിപ്തരൂപം മലയാളത്തിലും നൽകിയിട്ടുണ്ട്. സ് പോർട്സ്, കൾച്ചറൽ, വികലാംഗ സംവരണ സീറ്റുകളിലേക്കും പ്രവേശനത്തിനായി അപേക്ഷകർക്ക് 31 വരെ കോളജുകളിൽ നേരിട്ട് അപേക്ഷക സമർപ്പിക്കാം. റാങ്ക് ലിസ്റ്റ് ജൂണ് രണ്ടിന് കോളജുകളിൽ പ്രസിദ്ധീകരിക്കുന്നതും പ്രവേശനം ജൂണ് നാലിനകം പൂർത്തീകരിക്കണം. ഓണ്ലൈൻ രജിസ്ട്രേഷനുവേണ്ടി യൂണിവേഴ്സിറ്റി ഇൻഫർമേഷൻ സെന്ററുകളിലും അക്ഷയ സെന്ററുകളിലും സൗകര്യങ്ങൾ ഒരുക്കിയിട്ടുണ്ട്. കൂടാതെ അഫിലിയേറ്റഡ് കോളജുകളിലും ഏകജാലക ഹെൽപ്പ് ഡെസ്കുകൾ ഏർപ്പെടുത്തിയിട്ടുണ്ട്. എസ്സി, എസ്ടി വിഭാഗത്തിന് 330 രൂപയും മറ്റുള്ളവർക്ക് 660 രൂപയുമാണ് രജിസ്ട്രേഷൻ ഫീസ്. ഓണ്ലൈൻ രജിസ്ട്രേഷനും ക്യാന്പ് സംബന്ധമായ എല്ലാ വിശദവിവരങ്ങളു വെബ്സൈറ്റിൽ ലഭ്യമാണ്.
അപേക്ഷാ തീയതി
സ്കൂൾ ഓഫ് ഇന്ത്യൻ ലീഗൽ തോട്ടിൽ നടത്തുന്ന അഞ്ചും ഏഴും ഒന്പതും സെമസ്റ്റർ പഞ്ചവത്സര ബിബിഎ എൽഎൽബി (ഓണേഴ്സ് ന്യൂ സ്കീം, റെഗുലർ, സപ്ലിമെന്ററി) പരീക്ഷകൾ 29ന് ആരംഭിക്കും. അപേക്ഷകൾ 16 വരെയും 50 രൂപ പിഴയോടെ 17 വരെയും 500 രൂപ സൂപ്പർഫൈനോടെ 19 വരെയും സ്വീകരിക്കും. റെഗുലർ വിദ്യാർഥികൾ 100 രൂപയും വീണ്ടുമെഴുതുന്നവർ പേപ്പറൊന്നിന് 20 രൂപ വീതവും (പരമാവധി 100 രൂപ) സിവി ക്യാന്പ് ഫീസായി പരീക്ഷാഫീസിന് പുറമെ അടയ്ക്കണം.
പ്രാക്ടിക്കൽ
2018 മേയ് മാസത്തിൽ തൃപ്പൂണിത്തുറ ആർഎൽവി കേളജിൽ നടത്തിയ അഞ്ചാം സെമസ്റ്റർ ബി.എ. ഭരതനാട്യം (കോർ)(സി.ബിസിഎസ്എസ് സപ്ലിമെന്ററി) പരീക്ഷയുടെ പ്രാക്ടിക്കൽ മെയ് 21നും 2018 ഏപ്രിൽ മാസം നടത്തിയ നാലാം സെമസ്റ്റർ ബി.എ. ഭരതനാട്യം, മോഹിനിയാട്ടം പരീക്ഷകളുടെ (കോർ/കോംപ്ലിമെന്ററി) പ്രാക്ടിക്കൽ മെയ് 22 മുതൽ 24 വരെയും തൃപ്പൂണിത്തുറ ആർഎൽവി. കോളജിൽ നടത്തും. വിശദമായ ടൈംടേബിൾ സർവ്വകലാശാലാ വെബ് സൈറ്റിൽ ലഭ്യമാണ്.
പരീക്ഷാഫലം
2017 ഒാഗസ്റ്റ് മാസത്തിൽ എറണാകുളം സെന്റ് ആൽബർട്സ് കോളേജിൽ നടത്തിയ ആറാം സെമസ്റ്റർ ബിവോക് (റിന്യൂവബിൾ എനർജി) പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും മേയ് 28 വരെ അപേക്ഷിക്കാം.
2017 മേയ് മാസത്തിൽ മുട്ടം എസ്സിഎംഎസ് സ്കൂൾ ഓഫ് ടെക്നോളജി ആൻഡ് മാനേജ്മെന്റിൽ നടത്തിയ രണ്ടാം സെമസ്റ്റർ ബിഎസ്സി ബോട്ടണി ആൻഡ് ബയോടെക്നോളജി മോഡൽ മൂന്ന് ഡബിൾ മെയിൻ (സിബിസിഎസ്എസ് യുജി, 2016 അഡ്മിഷൻ റെഗുലർ, 2015 അഡ്മിഷൻ റീഅപ്പിയറൻസ്) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 28 വരെ അപേക്ഷിക്കാം.