56 തസ്തികകളിൽ പിഎസ്‌സി വിജ്ഞാപനം
മെഡിക്കൽ വിദ്യാഭ്യാസ വകുപ്പിൽ അസിസ്റ്റന്‍റ് പ്രഫസർ ഇൻ റേഡിയോ തെറാപ്പി, ഹയർസെക്കൻഡറി വിദ്യാഭ്യാസ വകുപ്പിൽ എച്ച്എസ്എസ്ടി സോഷ്യോളജി, ജേർണലിസം, പിഎസ്‌സിയിൽ സിസ്റ്റം അനലിസ്റ്റ്/സീനിയർ പ്രോഗ്രാമർ, ഫാർമസ്യൂട്ടിക്കൽസ് കോർപറേഷനിൽ അസിസ്റ്റന്‍റ് മാനേജർ, കേരള സിറാമിക്സ് ലിമിറ്റഡിൽ മൈൻസ് മേറ്റ്, മുനിസിപ്പൽ കോമൺ സർവീസിൽ ഫർണസ് ഓപ്പറേറ്റർ തുടങ്ങി 56 തസ്തികകളിൽ പിഎസ്‌സി അപേക്ഷ ക്ഷണിച്ചു.
ഏഴ് തസ്തികകളിൽ ജനറൽ റിക്രൂട്ട്മെന്‍റ്. വിഎച്ച്എസ്ഇയിൽ വൊക്കേഷണൽ ടീച്ചർലൈവ്സ്റ്റോക്ക് മാനേജ്മെന്‍റ് തസ്തികകയിൽ തസ്തികമാറ്റം വഴിയുള്ള നിയമനം. പൊതുവിദ്യാഭ്യാസ വകുപ്പിൽ ഫുൾടൈം ജൂണിയർ ലാംഗ്വേജ് ടീച്ചർ (ഹിന്ദി) തസ്തികയിൽ പട്ടികജാതി/പട്ടികവർക്കാർക്കുള്ള സ്പെഷൽ റിക്രൂട്ട്മെന്‍റ്. ഫയർ ആൻഡ് റസ്ക്യൂ സർവീസിൽ ഫയർമാൻ ഡ്രൈവർ കം പന്പ് ഓപ്പറേറ്റർ, എച്ച്എസ്‌എ അറബിക്, മുനിസിപ്പൽ കോമൺ സർവീസിൽ ജൂണിയർ പബ്ളിക് ഹെൽത്ത് നഴ്സ്, ആരോഗ്യവകുപ്പിൽ ഫാർമസിസ്റ്റ്, സിവിൽ എക്സൈസ് ഓഫീസർ, എൽഡി ക്ലാർക്ക്, ഡ്രൈവർ, ആയ തുടങ്ങിയ 47 തസ്തികകളിൽ സംവരണ സമുദായങ്ങൾക്കുള്ള എൻസിഎ നിയമനം. 10.05.2018 ലെ അസാധാരണ ഗസറ്റ് കാണുക.
അവസാന തീയതി ജൂൺ 13. വെബ്സൈറ്റ്: www.keralapsc.gov.in.