ലക്ഷദ്വീപ് കേന്ദ്രങ്ങളിലെ ഇംഗ്ലീഷ് ലക്ചറര് അഭിമുഖം
ആന്ത്രോത്ത്, കടമത്ത് ലക്ഷദ്വീപ് കേന്ദ്രങ്ങളില് ഇംഗ്ലീഷ് ലക്ചറര് കരാര് നിയമനത്തിന് ഓണ്ലൈനായി അപേക്ഷിച്ച യോഗ്യരായവര്ക്കുള്ള അഭിമുഖം 24ന് രാവിലെ പത്തിന് സര്വകലാശാലാ ഭരണവിഭാഗത്തില് നടക്കും. വിവരങ്ങള് വെബ്സൈറ്റില് . ഫോണ്: 0494 2407106.
പരീക്ഷാ കേന്ദ്രങ്ങളില് മാറ്റം
22ന് ആരംഭിക്കുന്ന വിദൂരവിദ്യാഭ്യാസം നാലാം സെമസ്റ്റര് (സിയുസിബിസിഎസ്എസ്) റഗുലര്/സപ്ലിമെന്ററി/ഇംപ്രൂവ്മെന്റ് പരീക്ഷയ്ക്ക് കോഴിക്കോട്, നല്ലളം പികെ ആര്ട്സ് ആൻഡ് സയന്സ് കോളജ് കേന്ദ്രമായി ഹാള്ടിക്കറ്റ് ലഭിച്ച ബിഎസ് സി മാത്തമാറ്റിക്സ് വിദ്യാർഥികള് പന്തീരാങ്കാവ് പിവിഎസ് ആര്ട്സ് ആൻഡ് സയന്സ് കോളജിലും, ബിഎംഎംസി വിദ്യാർഥികള് എരഞ്ഞിപ്പാലം സെന്റ് സേവ്യേഴ്സ് ആര്ട്സ് ആൻഡ് സയന്സ് കോളജിലും പരീക്ഷയ്ക്ക് ഹാജരാകണം.
മഞ്ചേരി, കാലിക്കട്ട് യൂണിവേഴ്സിറ്റി ടീച്ചര് എഡ്യൂക്കേഷന് സെന്റര് പരീക്ഷാ കേന്ദ്രമായി ലഭിച്ച സോഷ്യോളജി സപ്ലിമെന്ററി വിദ്യാർഥികള് മഞ്ചേരി എന്എസ്എസ് കോളജിലും, കൊടുവായൂര് , കാലിക്കട്ട് യൂണിവേഴ്സിറ്റി ടീച്ചര് എഡ്യൂക്കേഷന് സെന്റര് പരീക്ഷാകേന്ദ്രമായി ലഭിച്ചവര് ചിറ്റൂര് ഗവണ്മെനന്റ് കോളജിലും പരീക്ഷയ്ക്ക് ഹാജരാകണം. പുതുക്കിയ ഹാള്ടിക്കറ്റ് വെബ്സൈറ്റില് ലഭ്യമാണ്.
പട്ടിക വര്ഗ വിദ്യാർഥികള്ക്കായി ബിഎ സോഷ്യോളജി റസിഡന്ഷ്യല് കോഴ്സിന് അപേക്ഷ ക്ഷണിച്ചു
വയനാട് ചെതലയത്തെ ട്രൈബല് സ്റ്റഡീസ് ആൻഡ് റിസര്ച്ച് ഇന്സ്റ്റിറ്റ്യൂട്ടില് ബിഎ സോഷ്യോളജി റസിഡന്ഷല് കോഴ്സിന് പ്ലസ്ടു പാസായ പട്ടിക വര്ഗ വിദ്യാർഥികളില് നിന്ന് അപേക്ഷ ക്ഷണിച്ചു. അപേക്ഷാഫോം ചെതലയത്തെ ഓഫീസില് നിന്നും സര്വകലാശാലാ വെബ്സൈറ്റില് നിന്നും ലഭിക്കും. പൂരിപ്പിച്ച അപേക്ഷ അനുബന്ധ രേഖകള് സഹിതം ഡയറക്ടര് , ഐടിഎസ്ആര്, ചെതലയം പിഒ, സുല്ത്താന് ബത്തേരി, വയനാട്, 673 592 എന്ന വിലാസത്തില് ജൂണ് എട്ടിനകം ലഭിക്കണം. വിവരങ്ങള് സര്വകലാശാലാ വെബ്സൈറ്റില് . ഫോണ്: 9447637542, 9605884635, 04936 238500.
അഫ്സല് ഉല്ഉലമ പ്രിലിമിനറി പ്രവേശനം
2018 അധ്യയന വര്ഷത്തെ അഫ്സല്ഉല് ഉലമ പ്രിലിമിനറി കോഴ്സ് പ്രവേശനത്തിന് അപേക്ഷ ക്ഷണിച്ചു. 30 വരെ രജിസ്ട്രേഷന് ഫീസ് അടക്കാം. ജനറല് 210 രൂപ, എസ് സി/എസ്ടി 105 രൂപ. അപേക്ഷ ഓണ്ലൈനായി സമര്പ്പിക്കേണ്ട അവസാന തിയതി 31. ഓണ്ലൈന് രജിസ്ട്രേഷനും പ്രോസ്പെക്ടസിനും www.cuonline.ac.in വെബ്സൈറ്റ് സന്ദര്ശിക്കുക. ഫോണ് : 0494 2407016, 2407017.
ഏഴാം സെമസ്റ്റര് ബിടെക് സപ്ലിമെന്ററി പരീക്ഷാ കേന്ദ്രം
21ന് ആരംഭിക്കുന്ന ഏഴാം സെമസ്റ്റര് ബിടെക് (2004 സ്കീം) സപ്ലിമെന്ററി പരീക്ഷക്ക് താഴെ കൊടുത്ത ജില്ലകളിലെ കോളജുകള് കേന്ദ്രമായി അപേക്ഷിച്ചവര് ബ്രാക്കറ്റില് കാണുന്ന കേന്ദ്രത്തില് പരീക്ഷയ്ക്ക് ഹാജരാകണം. പ്രാക്ടിക്കല് പരീക്ഷയ്ക്ക് അപേക്ഷിച്ചവര് രജിസ്റ്റര് ചെയ്ത കേന്ദ്രത്തില് പരീക്ഷയ്ക്ക് ഹാജരാകണം.
പാലക്കാട് ജില്ല (പാലക്കാട് എന്എസ്എസ് എൻജിനിയറിംഗ് കോളജ്), തൃശൂര് ജില്ല (തൃശൂര് ഗവണ്മെന്റ് എൻജിനിയറിംഗ് കോളജ്), മലപ്പുറം ജില്ല (കോഹിനൂര് , കാലിക്കട്ട് യൂണിവേഴ്സിറ്റി ഇന്സ്റ്റിറ്റ്യൂട്ട് ഓഫ് എൻജിനിയറിംഗ് ആൻഡ് ടെക്നോളജി), കോഴിക്കോട് ജില്ല (കോഴിക്കോട് ഗവണ്മെന്റ് എൻജിനിയറിംഗ് കോളജ്).
അവസാന സെമസ്റ്റര് വിദ്യാർഥികള്ക്ക് ഗ്രേസ് മാര്ക്കിന് 18 വരെ അപേക്ഷിക്കാം
മാര്ച്ചിലെ അവസാന സെമസ്റ്റര് ബികോം/ബിബിഎ/ബിടിഎച്ച്എം/ബിഎച്ച്എ (സിയുസിബിസിഎസ്എസ്)/ബികോം ഓണേഴ്സ് വിദ്യാർഥികളില് എന്സിസി, കല/കായിക/മറ്റ് ഇതര ഇനങ്ങളില് ഗ്രേസ് മാര്ക്കിന് അര്ഹതയുള്ളവര് മാര്ക്കുകള് ചേര്ക്കുന്നതിന് അപേക്ഷ ബന്ധപ്പെട്ട എല്ലാ സര്ട്ടിഫിക്കറ്റുകളും സഹിതം ബികോം വിഭാഗത്തില് 18നകം സമര്പ്പിക്കണം. ഫോം വെബ്സൈറ്റില് .
സര്വകലാശാലാ ഹിന്ദി പഠനവകുപ്പിലെ എംഎ ഹിന്ദി പുനഃപരീക്ഷ
ഹിന്ദി പഠനവകുപ്പിലെ ഫെബ്രുവരി 21ലെ റദ്ദാക്കിയ ഒന്നാം സെമസ്റ്റര് എംഎ ഹിന്ദി (സിസിഎസ്എസ്) എച്ച്ഐഎന്1 സി 03 ജനറല് ലിംഗ്വിസ്റ്റിക്സ് പുനഃപരീക്ഷ ജൂണ് ഏഴിന് ഉച്ചയ്ക്ക് 1.30ന് നടക്കും.
പരീക്ഷാഫലം
2017 ഡിസംബറില് നടത്തിയ മൂന്നാം സെമസ്റ്റര് എംഎസ് സി കംപ്യൂട്ടര് സയന്സ്, ഒന്നാം സെമസ്റ്റര് എംഎ ഫിലോസഫി (സിയുസിഎസ്എസ്) പരീക്ഷാഫലം വെബ്സൈറ്റില് .
പുനര്മൂല്യനിര്ണയത്തിന് 28 വരെ അപേക്ഷിക്കാം.
2017 നവംബറില് നടത്തിയ ഒന്നാം സെമസ്റ്റര് എംഎ പൊളിറ്റിക്കല് സയന്സ് (സിസിഎസ്എസ്) പരീക്ഷാഫലം വെബ്സൈറ്റില്.
കാലിക്കട്ട് സര്വകലാശാല ബിപിഎഡ് ഒന്നാം സെമസ്റ്റര് (നവംബര് 2016), രണ്ടാം സെമസ്റ്റര് (ഏപ്രില് 2017) പരീക്ഷാഫലം വെബ്സൈറ്റില് . പുനര്മൂല്യനിര്ണയത്തിന് 30 വരെ അപേക്ഷിക്കാം.
എംസിഎ പുനര്മൂല്യനിര്ണയ ഫലം
അഞ്ചാം സെമസ്റ്റര് എംസിഎ ഡിസംബര് 2017 പരീക്ഷയുടെ പുനര്മൂല്യനിര്ണയ ഫലം വെബ്സൈറ്റില് . ഉത്തരക്കടലാസ് തിരിച്ചറിയാനാഗ്രഹിക്കുന്നവര് 15 ദിവസത്തിനകം പരീക്ഷാഭവനുമായി ബന്ധപ്പെടുക.