ബികോം/ബിബിഎ പ്രത്യേക മൂല്യനിര്ണയ ക്യാമ്പ്
രണ്ടാം സെമസ്റ്റര് ബികോം/ബിബിഎ ഏപ്രില് 2017 പരീക്ഷയുടെ മൂല്യനിര്ണയം പൂര്ത്തീകരിക്കുന്നതിനു കോര് ആൻഡ് കോംപ്ലിമെന്ററി പേപ്പറുകള്ക്ക് വേണ്ടി പ്രത്യേക മൂല്യനിര്ണയ ക്യാമ്പ് 22 മുതല് കോഴിക്കോട് ഗവ. ആര്ട്സ് ആൻഡ് സയന്സ് കോളജില് നടത്തും. എല്ലാ കൊമേഴ്സ് ആൻഡ് മാനേജ്മെന്റ് സ്റ്റഡീസ് അധ്യാപകരും പങ്കെടുക്കണമെന്ന് പരീക്ഷാ കണ്ട്രോളര് അറിയിച്ചു.
എംഎസ്ഡബ്ല്യൂ ഗ്രൂപ്പ് ഡിസ്കഷന്, അഭിമുഖം
പതിമൂന്നിനു നടത്തിയ എംഎസ്ഡബ്ല്യൂ പ്രവേശന പരീക്ഷയുടെ ഭാഗമായ ഗ്രൂപ്പ് ഡിസ്കഷനും അഭിമുഖവും 20ന് രാവിലെ 9.30ന് സര്വകലാശാലാ ടാഗോര് നികേതനില് നടത്തും. ലിസ്റ്റ് വെബ്സൈറ്റില്. ഫോണ്: 04936 226258.
ആറാം സെമസ്റ്റര് ബിടെക്/ബിആര്ക് പരീക്ഷ
ആറാം സെമസ്റ്റര് ബിടെക് (2014 സ്കീം) റഗുലര് (സര്വകലാശാലാ കാമ്പസ് ഐഇടി വിദ്യാർഥികള്ക്ക് മാത്രം)/സപ്ലിമെന്ററി/ഇംപ്രൂവ്മെന്റ്, ആറാം സെമസ്റ്റര് ബിടെക്/പാര്ട്ട്ടൈം ബിടെക് (2009 സ്കീം2009 മുതല് 2013 വരെ പ്രവേശനം) സപ്ലിമെന്ററി, ആറാം സെമസ്റ്റര് ബിആര്ക് (2004 സ്കീം2009 മുതല് 2011 വരെ പ്രവേശനം, 2012 സ്കീം) റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷ ജൂണ് ആറിന് ആരംഭിക്കും.
ബികോം പുനഃപരീക്ഷ
പതിനൊന്നിന് നടത്താനിരുന്ന വിദൂരവിദ്യാഭ്യാസം ആറാം സെമസ്റ്റര് ബികോം (സിസിഎസ്എസ്) കോര് കോഴ്സ് ബിസി6ബി13 ഓഡിറ്റിംഗ്, അഞ്ച് വിദ്യാർഥികള്ക്കുള്ള പുനഃപരീക്ഷ 23ന് രാവിലെ 9.30ന് നടക്കും.
പരീക്ഷാഫലം
2017 മെയില് നടത്തിയ ഏഴ്, എട്ട് സെമസ്റ്റര് ബിആര്ക് (2012 സ്കീം) റഗുലര് പരീക്ഷാഫലം വെബ്സൈറ്റിൽ. അഞ്ചാം സെമസ്റ്റര് ബിഎംഎംസി (സിയുസിബിസിഎസ്എസ്) നവംബര് 2017 റഗുലര് പരീക്ഷാഫലം വെബ്സൈറ്റിൽ. പുനര്മൂല്യനിര്ണയത്തിന് 28 വരെ അപേക്ഷിക്കാം. 2017 ജൂണില് നടത്തിയ രണ്ടാം സെമസ്റ്റര് എംഎസ് സി ക്ലിനിക്കല് സൈക്കോളജി (സിയുസിഎസ്എസ്) പരീക്ഷാഫലം വെബ്സൈറ്റില്. പുനര്മൂല്യനിര്ണയത്തിന് 30 വരെ അപേക്ഷിക്കാം.