നഴ്സിംഗ് കോഴ്സ്: അപേക്ഷ ക്ഷണിച്ചു
കൊച്ചി: കേരളത്തിലെ സ്വാശ്രയ നഴ്സിംഗ് കോളജുകളിൽ നടത്തപ്പെടുന്ന വിവിധ കോഴ്സുകളിലേക്ക് (ബിഎസ്സി, എംഎസ്സി, പോസ്റ്റ് ബേസിക് ബിഎസ്സി, നഴ്സിംഗ്) പ്രവേശനം ആരംഭിച്ചു. ക്രൈസ്തവ സ്വാശ്രയ നഴ്സിംഗ് കോളജുകളുടെ സംഘടനയായ അസോസിയേഷൻ ഓഫ് ദി മാനേജ്മെന്റ് ഓഫ് ക്രിസ്ത്യൻ സെൽഫ് ഫിനാൻസിംഗ് നഴ്സിംഗ് കോളജ് കേരളയുടെ കീഴിലുള്ള 32 കോളജുകളിലേക്കാണ് അപേക്ഷ ക്ഷണിച്ചത്. ഏകജാലക രീതിയിൽ നടത്തുന്ന പ്രവേശനത്തിന് ഓണ്ലൈനായി www.amcsfnck വഴി അപേക്ഷകൾ സമർപ്പിക്കാം. നിലവിൽ എഎംസിഎസ്എഫ്എൻസികെയുടെ കീഴിൽ ബിഎസ്സി നഴ്സിംഗിന് 1,580 സീറ്റുകളും, എംഎസ്സി നഴ്സിംഗിന് 174 സീറ്റും, പോസ്റ്റ് ബേസിക് ബിഎസ്സി നഴ്സിംഗിന് 270 സീറ്റുകളുമാണുള്ളത്. 32 നഴ്സിംഗ് കോളജുകളിലും ഹെൽപ്പ് ഡെസ്ക് ഒരുക്കിയിട്ടുണ്ട്. ഓണ്ലൈൻ അപേക്ഷയുടെ പ്രിന്റിനൊപ്പം സ്വയം സാക്ഷ്യപ്പെടുത്തിയ സർട്ടിഫിക്കറ്റുകളുടെ പകർപ്പ് സഹിതം ജൂണ് 16ന് മുന്പായി എഎംസിഎസ്എഫ്എൻസികെയുടെ ഓഫീസിൽ എത്തിക്കണം.ഫോണ്: 04842400444, 9048122033.