സ്പോർട്സ് എഡ്യൂക്കേഷനിൽ ബിരുദ/ബിരുദാനന്തര, പിഎച്ച്ഡി, ഡിപ്ലോമ കോഴ്സുകൾ
കേന്ദ്ര സ്പോർട്സ് മന്ത്രാലയത്തിനു കീഴിൽ കൽപ്പിത സർവകലാശാലാ പദവിയുള്ള ഗ്വാളിയറിലെ ലക്ഷ്മിഭായി നാഷണൽ ഇൻസ്റ്റിറ്റ്യൂട്ട് ഓഫ് ഫിസിക്കൽ എഡ്യൂക്കേഷനിൽ ബാച്ചിലർ ഓഫ് ഫിസിക്കൽ എഡ്യൂക്കേഷൻ (ബിപിഎഡ്), ബിഎ സ്പോർട്സ്, മാസ്റ്റർ ഓഫ് ഫിസിക്കൽ എഡ്യൂക്കേഷൻ (എംപിഎഡ്), പോസ്റ്റ്ഗ്രാജ്വേറ്റ് ഡിപ്ലോമ, പിഎച്ച്ഡി കോഴ്സുകൾക്ക് അപേക്ഷ ക്ഷണിച്ചു. ബിപിഎഡുകാർക്ക് എംപിഎഡിനു തുടർ പഠനം നടത്താനും അവസരം ഉണ്ടായിരിക്കും. ഗ്വാളിയറിലും ഇൻസ്റ്റിറ്റ്യൂട്ടിന്റെ ഗോഹട്ടിയിലുള്ള നോർത്ത് ഈസ്റ്റ് റീജണൽ സെന്ററിലുമാണു കോഴ്സുകൾ നടത്തുന്നത്.
ബിപിഎഡ്: 200 സീറ്റുകളാണുള്ളത്. കോയന്പത്തൂർ, ഡെറാഡൂണ്, ഗോഹട്ടി, ഗ്വാളിയർ, ജയ്പൂർ, കോൽക്കത്ത, പട്യാല, പൂന, റാഞ്ചി എന്നിവിടങ്ങളിൽ നടത്തുന്ന അഡ്മിഷൻ ടെസ്റ്റിന്റെ അടിസ്ഥാനത്തിലാണു പ്രവേശനം. പ്രാഥമിക ടെസ്റ്റ് ജൂണ് 1416 തീയതികളിലും ഫൈനൽ ടെസ്റ്റ് ജൂണ് 2430 തീയതികളിലുമായി ഗ്വാളിയറിലും ഗോഹട്ടിയിലുമായാണു നിശ്ചയിച്ചിട്ടുള്ളത്. ജൂണ് അഞ്ചിനികം അപേക്ഷിക്കണം. കാലാവധി എട്ടു സെമസ്റ്ററുള്ള നാലു വർഷം. 50 ശതമാനം മാർക്കോടെ പ്ലസ് ടു പാസായവർക്ക് അപേക്ഷിക്കാം. പ്രായം 2018 ജൂലൈ ഒന്നിന് 21 വയസ് കവിയരുത്. സംവരണ വിഭാഗങ്ങൾക്ക് ഇളവുണ്ട്.
എംപിഎഡ്: ആകെ 120 സീറ്റുകളുമാണുള്ളത്.80 സീറ്റ് ഗ്വാളിയറിലും 40 സീറ്റ് ഗോഹട്ടിയിലും. ഓണ്ലൈനായി ജൂണ് എട്ടിനകം അപേക്ഷിക്കണം. സ്പോർട്സ് ബയോമെക്കാനിക്സ്, എക്സർസൈസ് ഫിസിയോളജി, ഹെൽത്ത് എഡ്യൂക്കേഷൻ, സ്പോർട്സ് സൈക്കോളജി, ഫിസിക്കൽ എഡ്യൂക്കേഷൻ പെഡഗോഗി, സ്പോർട്സ് മാനേജ്മെന്റ് എന്നിവയാണു സ്പെഷലൈസേഷനുകൾ. കാലാവധി നാലു സെമസ്റ്ററുമാണ്. ജൂണ് 19 മുതൽ 23 വരെ തീയതികളിൽ ഗ്വാളിയറിലും ഗോഹട്ടിയിലുമായാണ് അഡ്മിഷൻ ടെസ്റ്റ് ക്രമീകരിച്ചിരിക്കുന്നത്. 50 ശതമാനം മാർക്കോടെ ബിപിഎഡ് പാസായവർക്ക് അപേക്ഷിക്കാം.
എംഎ യോഗ: നാലു സെമസ്റ്ററുള്ള എംഎ യോഗ കോഴ്സിന് ആകെ 20 സീറ്റ്. ജൂണ് 24നകം അപേക്ഷിക്കണം.ജൂലൈ നാലു മുതൽ അഞ്ചു വരെ ഗ്വാളിയറിൽ വച്ചായിരിക്കും ടെസ്റ്റ്.ഏതെങ്കിലും വിഷയത്തിൽ 45 ശതമാനം മാർക്കോടെ ബിരുദം നേടിയവർക്ക് അപേക്ഷിക്കാം.
ബിഎ സ്പോർട്സ് ആൻഡ് പെർഫോമൻസ്: ആകെ 20 സീറ്റ്. ജൂലൈ 10 നകം അപേക്ഷിക്കണം. ജൂലൈ 1114 തീയതികളിലായി ഗ്വാളിയറിലാണു പ്രവേശന പരീക്ഷ. പ്ലസ്ടു പാസായവർക്ക് അപേക്ഷിക്കാം. കുറഞ്ഞ പ്രായ പരിധി 17 വയസ്.
ഒളിന്പിക്സ് ഇനങ്ങളിൽ സ്കൂൾ ഗെയിംസ് ഫെഡറേഷൻ ഓഫ് ഇന്ത്യ നടത്തുന്ന മത്സരങ്ങളിൽ പങ്കെടുത്തിട്ടുണ്ടായിരിക്കണം.എംഎസ്സി (സ്പോർട്സ് ബയോമെക്കാനിക്സ്, എക്സർസൈസ് ഫിസിയോളജി, സ്പോർട്സ് സൈക്കോളജി): ഓരോ സ്പെഷലൈസേഷനിലും 15 സീറ്റുകൾ വീതം. ജൂണ് 30നകം അപേക്ഷിക്കണം. അഡ്മിഷൻ ടെസ്റ്റ് ജൂലൈ 10,11 തീയതികളിൽ. ബിപിഎഡുകാർക്കും ബന്ധപ്പെട്ട വിഷയത്തിൽ ബിരുദം നേടിയവർക്കും അപേക്ഷിക്കാം.
രണ്ടു സെമസ്റ്റർ വീതമുള്ള ഫിറ്റ്നെസ് മാനേജ്മെന്റ്, സ്പോർട്സ് മാനേജ്മെന്റ്, സ്പോർട്സ് ജേർണലിസം, സ്പോർട്സ് കോച്ചിംഗ്, യോഗ് എഡ്യൂക്കേഷൻ ബിരുദാനന്തര ബിരുദ ഡിപ്ലോമ കോഴ്സുകൾക്കും സ്പോർട്സ് കോച്ചിംഗിൽ ഡിപ്ലോമ കോഴ്സിനും അപേക്ഷ ക്ഷണിച്ചിട്ടുണ്ട്.
ശാരീരികക്ഷമതയാണു പ്രാഥമിക ഘട്ടത്തിൽ പരിശോധിക്കുക. ഫൈനൽ അഡ്മിഷൻ ടെസ്റ്റിൽ ജനറൽ അവയർനെസ്, സ്പോർട്സ് അവയർനെസ്, സ്പോർട്സ് ജനറൽ നോളജ്, റീസണിംഗ് ആൻഡ് കോംപ്രിഹെൻസീവ് സ്കിൽസ്, സ്കിൽ ആൻഡ് പെർഫോമൻസ് ടെസ്റ്റ് എന്നിവയാണു പരീക്ഷിക്കപ്പെടുക. വിവരങ്ങൾക്ക്: www.lnipe.gov.in, www.ln ipe.edu.in,www.mponline.gov.in.