സർവകലാശാലയിൽ മൂല്യനിർണയ പ്രതിഫലം ഇ-ട്രാൻസ്ഫർ സംവിധാനത്തിലൂടെ
കാലിക്കട്ട് സർവകലാശാല മൂല്യനിർണയത്തിനുള്ള പ്രതിഫലം ഇട്രാൻസ്ഫർ സംവിധാനം വഴി വിതരണം ചെയ്യാൻ നടപടികൾ ആരംഭിച്ചു. സ്റ്റേറ്റ് ബാങ്ക് ഓഫ് ഇന്ത്യ വഴിയാണ് ഓണ്ലൈൻ പേമെന്റ് നടത്തുക. നിലവിൽ സ്റ്റേറ്റ് ബാങ്ക് ഓഫ് ഇന്ത്യയിൽ അക്കൗണ്ട് ഇല്ലാത്ത അധ്യാപകർ ഏതെങ്കിലും എസ്ബിഐ ശാഖയിൽ ഉടൻ അക്കൗണ്ട് തുടങ്ങണം. ഇനി മുതൽ എസ്ബിഐ അക്കൗണ്ട് നന്പർ നിർബന്ധമായും ബില്ലിൽ ചേർക്കേണ്ടതാണെന്ന് ഫിനാൻസ് ഓഫീസർ അറിയിച്ചു.
പരീക്ഷ
എംസിഎ അഞ്ചാം സെമസ്റ്റർ (2012 മുതൽ പ്രവേശനം) റഗുലർ/ സപ്ലിമെന്ററി പരീക്ഷ ജൂണ് ആറിന് ആരംഭിക്കും.
പരീക്ഷാഫലം
2017 നവംബറിൽ നടത്തിയ ഒന്നാം സെമസ്റ്റർ എംഎ സംസ്കൃതം, എംഎ വിമണ് സ്റ്റഡീസ് (സിസിഎസ്എസ്), ഒന്ന്, മൂന്ന് സെമസ്റ്റർ എംഎ കന്പാരറ്റീവ് ലിറ്ററേച്ചർ പരീക്ഷാഫലം തുടങ്ങിയവ വെബ്സൈറ്റിൽ.
2017 ഡിസംബറിൽ നടത്തിയ ഒന്നാം സെമസ്റ്റർ എംഎ മലയാളം, എംഎ മലയാളം വിത്ത് ജേർണലിസം (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ജൂണ് രണ്ട് വരെ അപേക്ഷിക്കാം.
തേർഡ് പ്രൊഫഷണൽ ബിഎഎംഎസ് സപ്ലിമെന്ററി ജൂണ് 2017 പരീക്ഷാഫലം പ്രസിദ്ധീകരിച്ചു. മാർക്ക് ലിസ്റ്റ് 29 മുതൽ അതത് കോളജുകളിൽ വിതരണം ചെയ്യും. പുനർമൂല്യനിർണയത്തിന് ജൂണ് നാല് വരെ അപേക്ഷിക്കാം.