സൂക്ഷ്മപരിശോധനയ്ക്ക് ഹാജരാകണം
2017 മേയിൽ നടന്ന മൂന്നാം സെമസ്റ്റർ ബിഎ/ബികോം/ബിബിഎ എൽഎൽബി ഇന്റഗ്രേറ്റഡ് പഞ്ചവത്സര പരീക്ഷയുടെ സൂക്ഷ്മപരിശോധനയ്ക്കായി അപേക്ഷിച്ചവർ 24 മുതൽ 31 വരെയുള്ള പ്രവർത്തിദിവസങ്ങളിൽ ഹാൾടിക്കറ്റുമായി പുന:പരിശോധനാ വിഭാഗത്തിൽ(ഇ.ജെ.1സെക്ഷൻ)ഹാജരാകണം.
ഒന്നാം വർഷ ബിരുദ പ്രവേശനം:പ്ലസ് ടു പരീക്ഷ സംബന്ധിച്ച വിവരത്തിലെ തിരുത്തലുകൾക്ക് അവസരം നൽകും
ഒന്നാം വർഷ ബിരുദ പ്രോഗ്രാമുകളിലേയ്ക്കുള്ള 201819 അധ്യയന വർഷത്തെ പ്രവേശനത്തിനുള്ള ഓണ്ലൈൻ രജിസ്ട്രേഷൻ ചെയ്യുന്പോൾ 2018ലെ കേരള ഹയർസെക്കൻഡറി/വൊക്കേഷണൽ ഹയർ സെക്കൻഡറി പരീക്ഷകൾ പാസായ വിദ്യാർഥികൾ അവരുടെ പേരും രജിസ്റ്റർ നന്പരും ഓണ്ലൈൻ അപേക്ഷയിൽ ടൈപ്പ് ചെയ്യുന്പോൾ സ്വമേധയാ തന്നെ രേഖപ്പെടുത്തപ്പെടുന്ന മാർക്കുകൾ, പാസായ വർഷം, പാസാകാൻ എടുത്ത അവസരങ്ങളുടെ എണ്ണം തുടങ്ങിയവയിലെ തിരുത്തലുകൾക്ക് ട്രയൽ അലോട്ട്മെന്റിന് മുൻപ് സർവകലാശാല അവസരം നൽകും. ഇത് സംബന്ധിച്ച് സർവകലാശാല ഔദ്യോഗിക അറിയിപ്പ് നൽകിയ ശേഷം തിരുത്തലുകൾ വരുത്താവുന്നതാണ്.
വൈവ പരീക്ഷ
നാലാം സെമസ്റ്റർ എംഎ അറബിക് (സിഎസ്എസ്) (20162018 ബാച്ച്)
വിദ്യാർഥികളുടെ വൈവ പരീക്ഷ കാര്യവട്ടം അറബിക് പഠനവകുപ്പിൽ 28ന് 10ന് നടക്കും. എല്ലാ വിദ്യാർഥികളും ഹാൾടിക്കറ്റുമായി രാവിലെ 9.30 ന് പഠനവകുപ്പിൽ എത്തിച്ചേരണം.
എംഎ, എംഎസ്സി ഫലം
2017 ഓഗസ്റ്റിൽ നടത്തിയ രണ്ടാം സെമസ്റ്റർ എംഎ സംസ്കൃതം ജനറൽ, തമിഴ്, ഹിന്ദി, ഇസ്ലാമിക് ഹിസ്റ്ററി, എംഎസ്സി സ്റ്റാറ്റിസ്റ്റിക്സ്, കെമിസ്ട്രി, മെഡിസിനൽ കെമിസ്ട്രി, അനലിറ്റിക്കൽ കെമിസ്ട്രി, അപ്ലൈഡ് കെമിസ്ട്രി എന്നീ പരീക്ഷകളുടെ ഫലം വെബ്സൈറ്റിൽ ലഭിക്കും.
ബിഎ ഫലം
2017 ഒക്ടോബറിൽ നടത്തിയ രണ്ടാം സെമസ്റ്റർ ബിഎ പരീക്ഷാഫലം (എഫ്ഡിപി സിബിസിഎസ്) (2010 അഡ്മിഷൻ മേഴ്സി ചാൻസ്/2011,2012 അഡ്മിഷൻ സപ്ലിമെന്ററി) വെബ്സൈറ്റിൽ ലഭിക്കും.സൂക്ഷ്മ പരിശോധനയ്ക്കും പുനർമൂല്യനിർണയത്തിനും ഓണ്ലൈനായി ജൂണ് 11 വരെ അപേക്ഷിക്കാം.