ആർട്ടിഫിഷ്യൽ ഇന്റലിജൻസിൽ ഡിപ്ലോമ കോഴ്സ്
കൊച്ചി: ആർട്ടിഫിഷ്യൽ ഇന്റലിജൻസ് (നിർമിത ബുദ്ധി) മേഖലയിൽ കൊച്ചി വിദ്യാഭാരതി അഡ്വാൻസ്ഡ് ഡിപ്ലോമ കോഴ്സ് ആരംഭിക്കും. ക്ലാസ് റൂം പരിശീലനത്തിനൊപ്പം സാങ്കേതിക പരിശീലനവും ലൈവ് പ്രോജക്ടുകളും അടങ്ങിയതാണ് കോഴ്സ്.
ആറു മാസമാണ് കാലാവധി. ഇതിൽ നാല് മാസം ക്ലാസ്റൂം പരിശീലനവും തുടർന്ന് റിയൽ ടൈം ലൈവ് പ്രോജക്ടുമാണ്. കോഴ്സിനുശേഷം വിദ്യാർഥികൾക്ക് പ്രവൃത്തിപരിചയ സർട്ടിഫിക്കറ്റും പ്ലേസ്മെന്റ് സഹായവും നൽകും. അമേരിക്കയിലെ ഫോർ ഫ്രണ്ട് സൊല്യൂഷൻസ് ഇന്റർനാഷണലിന്റെ ഭാഗമായ എ ഐ ലാബ്സ് ആണ് സാങ്കേതിക പരിശീലനം നൽകുന്നത്. എൻജിനിയറിംഗ് ബിരുദധാരികൾക്കും ഡിപ്ലോമ, കംപ്യൂട്ടർ യോഗ്യതയുള്ളവർക്കും കോഴ്സിന് അപേക്ഷിക്കാം. ഫോണ്: 0484 2542888, 9446055444.
സംസ്ഥാനത്ത് ആദ്യമായാണ് ആർട്ടിഫിഷ്യൽ ഇന്റലിജൻസിൽ ഡിപ്ലോമ കോഴ്സ് ആരംഭിക്കുന്നതെന്ന് വിദ്യാഭാരതി ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് ചീഫ് പേട്രണ് എൻ.എ മുഹമ്മദ്കുട്ടി പറഞ്ഞു.