യൂണിവേഴ്സിറ്റിയിൽ അഫിലിയേറ്റ് ചെയ്തിട്ടുള്ള ട്രെയിനിംഗ് കോളജുകളിലെ 201819 അധ്യയനവർഷത്തിലേക്കുള്ള എംഎഡ് (ദ്വിവത്സരം) പ്രോഗ്രാമിന് ജൂണ് ഏഴു വരെ അപേക്ഷിക്കാം. അപേക്ഷാഫോറവും വിശദവിവരങ്ങളും www.mgu.ac.in എന്ന വെബ്സൈറ്റിൽ ലഭ്യമാണ്.
ബിഎഡ് പ്രവേശനം
യൂണിവേഴ്സിറ്റിയിൽ അഫിലിയേറ്റ് ചെയ്തിട്ടുള്ള ട്രെയിനിംഗ് കോളജുകളിലെ 201819 അധ്യയനവർഷത്തിലേക്കുള്ള ബിഎഡ്. (ദ്വിവത്സരം) പ്രോഗ്രാമിന് ജൂണ് ഏഴു വരെ അപേക്ഷിക്കാം. അപേക്ഷാഫോറവും വിശദവിവരങ്ങളും www.mgu.ac.in എന്ന വെബ്സൈറ്റിൽ ലഭ്യമാണ്.
ബിരുദ ഏകജാലക പ്രവേശനം: ഓണ്ലൈൻ രജിസ്ട്രേഷൻ ജൂണ് മൂന്നു വരെ
യൂണിവേഴ്സിറ്റിയോട് അഫിലിയേറ്റ് ചെയ്തിട്ടുള്ള സർക്കാർ, എയ്ഡഡ്, സ്വാശ്രയ ആർട്സ് ആൻഡ് സയൻസ് കോളജുകളിലെ 201819 അധ്യയന വർഷത്തെ ഏകജാലകം വഴിയുള്ള ഒന്നാം സെമസ്റ്റർ ബിരുദ പ്രോഗ്രാമുകളിലേക്കുള്ള പ്രവേശനത്തിനായുള്ള ഓണ്ലൈൻ രജിസ്ട്രേഷൻ ആരംഭിച്ചു. ജൂണ് മൂന്നു വരെ ഓണ്ലൈനായി അപേക്ഷ സമർപ്പിക്കാം. പ്രൊവിഷണൽ റാങ്ക് ലിസ്റ്റും ട്രയൽ അലോട്മെന്റും ജൂണ് ഏഴിനു പ്രസിദ്ധീകരിക്കും. ഒന്നാം അലോട്ട്മെന്റ് ജൂണ് 13നും രണ്ടാം അലോട്ട്മെന്റ് 22നും പ്രസിദ്ധീകരിക്കും. മാനേജ്മെന്റ്, കമ്മ്യൂണിറ്റി, സ്പോർട്സ്, കൾച്ചറൽ ക്വാട്ട, വികലാംഗ വിഭാഗത്തിനു സംവരണം ചെയ്ത സീറ്റുകൾ എന്നിവയിലേക്കു അപേക്ഷിക്കുന്നവർ പ്രവേശനം ആഗ്രഹിക്കുന്ന കോളജുകളിൽ തന്നെ നേരിട്ടു അപേക്ഷ സമർപ്പിക്കണം. ലക്ഷദ്വീപിൽ നിന്നുള്ള അപേക്ഷകർക്കായി ഓരോ കോളജുകളിലും സീറ്റുകൾ സംവരണം ചെയ്തിട്ടുണ്ട്. ലക്ഷദ്വീപ് നിവാസികളായ അപേക്ഷകർ പ്രവേശനം ആഗ്രഹിക്കുന്ന കോളജുകളിൽ തന്നെ നേരിട്ടു അപേക്ഷ സമർപ്പിക്കണം. ഓരോ കോളജുകളിലെയും അക്കാദമിക് പ്രോഗ്രാം www.cap.mgu.ac.in എന്ന വെബ്സൈറ്റിൽ ലഭ്യമാണ്. കൂടാതെ പ്രോസ്പെക്്ടസിന്റെ സംക്ഷിപ്തരൂപം മലയാളത്തിലും നൽകിയിട്ടുണ്ട്. സ്പോർട്സ്, കൾച്ചറൽ, വികലാംഗ സംവരണ സീറ്റുകളിലേക്കു പ്രവേശനത്തിനായി അപേക്ഷകർക്ക് 31 വരെ കോളജുകളിൽ നേരിട്ട് അപേക്ഷക സമർപ്പിക്കാം. റാങ്ക് ലിസ്റ്റ് ജൂണ് രണ്ടിന് കോളജുകളിൽ പ്രസിദ്ധീകരിക്കുന്നതും പ്രവേശനം ജൂണ് നാലിനകം പൂർത്തീകരിക്കേണ്ടതുമാണ്. ഓണ്ലൈൻ രജിസ്ട്രേഷനുവേണ്ടി യൂണിവേഴ്സിറ്റി ഇൻഫർമേഷൻ സെന്ററുകളിലും അക്ഷയ സെന്ററുകളിലും സൗകര്യങ്ങൾ ഒരുക്കിയിട്ടുണ്ട്. കൂടാതെ അഫിലിയേറ്റഡ് കോളജുകളിലും ഏകജാലക ഹെൽപ്പ് ഡെസ്കുകൾ ഏർപ്പെടുത്തിയിട്ടുണ്ട്. എസ്സി, എസ്ടി വിഭാഗത്തിന് 330 രൂപയും മറ്റുള്ളവർക്ക് 660 രൂപയുമാണ് രജിസ്ട്രേഷൻ ഫീസ്. ഓണ്ലൈൻ രജിസ്ട്രേഷനും ക്യാപ് സംബന്ധമായ എല്ലാ വിശദവിവരങ്ങളും www.cap.mgu.ac.in എന്ന വെബ്സൈറ്റിൽ ലഭ്യമാണ്. 9188641784, 9188651784, 04812733369.
ജൈവ സ്റ്റുഡന്റ് സ്റ്റാർട്ടപ്പ് 10 അപേക്ഷകൾ തെരഞ്ഞെടുത്തു
ബിസിനസ് ഇന്നൊവേഷൻ ആൻഡ് ഇൻക്യുബേഷൻ സെന്ററിന്റെയും അന്തർസർവകലാശാലാ സുസ്ഥിര ജൈവകൃഷി കേന്ദ്രത്തിന്റെയും ആഭിമുഖ്യത്തിൽ സർവകലാശാലയുടെ കീഴിലുള്ള പഠനവകുപ്പുകളിലെയും അഫിലിയേറ്റഡ് കോളജുകളിലെയും നിലവിലുള്ള വിദ്യാർഥികളിൽ നിന്നും കഴിഞ്ഞ മൂന്നു വർഷത്തിനകം പഠനം പൂർത്തിയാക്കിയ പൂർവ വിദ്യാർഥികളിൽ നിന്നും സമർപ്പിക്കപ്പെട്ട ജൈവ സ്റ്റുഡന്റ് സ്റ്റാർട്ടപ്പ് അപേക്ഷകളിൽ നിന്നും ജൈവ കൃഷിയിൽ രണ്ട്, ജലസംരക്ഷണത്തിൽ മൂന്ന്, മാലിന്യനിർമാർജനത്തിൽ അഞ്ച് എന്നിങ്ങനെ 10 അപേക്ഷകൾ സ്റ്റാർട്ടപ്പ് ഗ്രാന്റ് നൽകുവാൻ തെരഞ്ഞെടുത്തു. സംസ്ഥാന സർക്കാരിന്റെ ഹരിതകേരളം പദ്ധതിയുടെ ചുവടുപിടിച്ചു ജൈവ സാക്ഷരതയുള്ള സമൂഹം എന്ന ലക്ഷ്യപൂർത്തീകരണത്തിനായി യൂണിവേഴ്സിറ്റി ആവിഷ്ക്കരിച്ച സംരംഭകത്വ പദ്ധതിയാണ് ബിഐഐസിഐയുകോഫ്സ സ്റ്റാർട്ടപ്പ്. ഹരിത കേരളം മിഷന്റെ കീഴിൽ വരുന്ന ജൈവ കൃഷി, മാലിന്യനിർമാർജനം, ജലസംരക്ഷണം, ശുചിത്വം എന്നീ മേഖലകളിൽ നിന്നുള്ള സംരംഭകത്വ ആശയങ്ങൾ പരിപോഷിപ്പിക്കുകയെന്നതാണ് പദ്ധതിയുടെ ലക്ഷ്യം. തെരഞ്ഞെടുക്കപ്പെട്ടവർക്ക് 10000 രൂപ വീതം സ്റ്റാർട്ടപ്പ് ഗ്രാന്റായി ലഭിക്കും. സ്റ്റാർട്ടപ്പ് ഗ്രാന്റിന് അർഹത നേടിയവർ: ഡോ. ആശ സജി (എസ്ബി കോളജ്, ചങ്ങനാശേരി), മരിസ മർക്കോസും സംഘവും (ബിസിഎം കോളജ്, കോട്ടയം), ജോയ്സ് കെ. ജോസഫ്, അനി തോമസ് ഇടിക്കുള (സ്കൂൾ ഓഫ് എൻവയോണ്മെന്റ് സയൻസസ്, എംജി യൂണിവേഴ്സിറ്റി), എച്ച്. അഭിഷേക് , ബിബെറ്റോ ജി. നായർ (എസ്ബി. കോളജ് ചങ്ങനാശേരി), ജെമി ജെയിംസ് (ഐഐയുസിഎൻഎൻ, എംജി യൂണിവേഴ്സിറ്റി), പ്രിൻസണ് ബേബി (വിശ്വജ്യോതി കോളജ് ഓഫ് എൻജിനീയറിംഗ് ആൻഡ്് ടെക്നോളജി, മൂവാറ്റുപുഴ), അഞ്ജു ജസ്റ്റിനും സംഘവും (ബിസിഎം കോളജ്, കോട്ടയം), സജിത്കുമാർ (സ്കൂൾ ഓഫ് എൻവയോണ്മെന്റ് സയൻസസ്, എംജി യൂണിവേഴ്സിറ്റി), ആൻ മരിയ ആന്റണിയും സംഘവും (ബിസിഎം കോളജ്, കോട്ടയം), അമൃത കൃഷ്ണൻ, കീർത്തി എസ്. നായർ (കഐൻ രാജ് സെന്റർ, എംജി യൂണിവേഴ്സിറ്റി)