ജൂണ്‍ നാല് വരെയുള്ള പിജി പ്രവേശന പരീക്ഷ മാറ്റി
ജൂണ്‍ നാല് വരെ നടത്താനിരുന്ന എല്ലാ പിജി പ്രവേശന പരീക്ഷകളും മാറ്റി. പുതിയ തീയതി പിന്നീട് അറിയിക്കും. ഫോണ്‍ : 0494 2407106,
കോളേജ് തുറക്കല്‍
കോഴിക്കോട്, മലപ്പുറം ജില്ലകളിലെ കോളജുകളും പഠനവകുപ്പുകളും സെന്‍ററുകളും മധ്യവേനല്‍ അവധി കഴിഞ്ഞ് ജൂണ്‍ ആറിന് തുറക്കും. വയനാട്, പാലക്കാട്, തൃശൂര്‍ ജില്ലകളിലെ കോളജുകളും പഠനവകുപ്പുകളും സെന്‍ററുകളും ജൂണ്‍ ഒന്നിന് തന്നെ തുറക്കും.
ബിഎഡ് പ്രവേശനത്തിന് അപേക്ഷ ക്ഷണിച്ചു
ബിഎഡ് പ്രവേശനത്തിന് ഓണ്‍ലൈന്‍ അപേക്ഷ ക്ഷണിച്ചു. അപേക്ഷാ ഫീസ് ജനറല്‍ 525 രൂപ, എസ്‌സി/എസ്ടി 160 രൂപ. ജൂണ്‍ 13 വരെ രജിസ്‌ട്രേഷന്‍ ഫീസ് അടയ്ക്കാം. അപേക്ഷ സമര്‍പ്പിക്കേണ്ട അവസാന തിയതി ജൂണ്‍ 14.
ബിഎഡ് മൂല്യനിര്‍ണയ ക്യാമ്പ്: ക്ലാസുകള്‍ ഉണ്ടായിരിക്കുന്നതല്ല
ബിഎഡ് കോളജുകളില്‍ ജൂണ്‍ അഞ്ച് മുതല്‍ എട്ട് വരെ ബിഎഡ് ക്ലാസുകള്‍ ഉണ്ടായിരിക്കുന്നതല്ല. കോഴിക്കോട് ജിസിടിഇ, തൃശൂര്‍ ഐഎഎസ്ഇ, ഫാറൂഖ് ട്രെയിനിംഗ് കോളജ്, ഒറ്റപ്പാലം എന്‍എസ്എസ് എന്നിവിടങ്ങളില്‍ നാലാം സെമസ്റ്റര്‍ ബിഎഡ് മൂല്യനിര്‍ണയ ക്യാമ്പ് നടക്കുന്നതിനാലാണ് ഇത്.
യുജി പുനഃപരീക്ഷ
മാര്‍ച്ച് 22, 23, 26, 27 തിയതികളിലെ ആറാം സെമസ്റ്റര്‍ യുജി (സിയുസിബിസിഎസ്എസ്) റഗുലര്‍ പരീക്ഷ എഴുതാന്‍ സാധിക്കാത്ത കോഴിക്കോട് ഗുരുവായൂരപ്പന്‍ കോളജിലെ പെണ്‍കുട്ടികള്‍ക്കായി നടത്തുന്ന പുനഃപരീക്ഷ യഥാക്രമം ജൂണ്‍ ആറ്, ഏഴ്, എട്ട്, പതിനൊന്ന് തിയതികളില്‍ നടക്കും.
യുജി സ്‌പെഷല്‍ പരീക്ഷ
അന്തര്‍ സര്‍വകലാശാലാ മത്സരങ്ങളിലും/എന്‍സിസി ക്യാമ്പുകളിലും പങ്കെടുത്തത് മൂലം അഞ്ചാം സെമസ്റ്റര്‍ ബികോം/ബിഎ/ബിഎസ്‌സി (സിയുസിബിസിഎസ്എസ്) റഗുലര്‍ പരീക്ഷ എഴുതാന്‍ സാധിക്കാത്ത വിദ്യാര്‍ഥികള്‍ക്ക് സ്‌പെഷല്‍ പരീക്ഷ ജൂണ്‍ 11ന് സര്‍വകലാശാലാ ഫിസിക്കല്‍ എഡ്യുക്കേഷന്‍ പഠനവകുപ്പില്‍ നടത്തും.
ആന്ത്രോത്ത്, കടമത്ത് കേന്ദ്രങ്ങളില്‍ യുജി സ്‌പെഷല്‍ പരീക്ഷ
ആന്ത്രോത്ത്, കടമത്ത് ലക്ഷദ്വീപ് കേന്ദ്രങ്ങളില്‍ അഞ്ചാം സെമസ്റ്റര്‍ ബിഎ/ബിഎസ്‌സി (സിയുസിബിസിഎസ്എസ്) റഗുലര്‍ സ്‌പെഷല്‍ പരീക്ഷ ജൂണ്‍ 11ന് ആരംഭിക്കും.
പുനര്‍മൂല്യനിര്‍ണയ അപേക്ഷ
ഫലം പ്രസിദ്ധീകരിച്ച ആറാം സെമസ്റ്റര്‍ ബിഎസ്‌സി/ബിസിഎ (സിയുസിബിസിഎസ്എസ്) റഗുലര്‍ /സപ്ലിമെന്‍ററി ഏപ്രില്‍ 2018 പരീക്ഷയുടെ പുനര്‍മൂല്യനിര്‍ണയത്തിന് ജൂണ്‍ 13 വരെ ഫീസ് അടച്ച് ഓണ്‍ലൈനായി അപേക്ഷിക്കാം. പ്രിന്‍റൗട്ട്, ചലാന്‍ സഹിതം 19നകം പരീക്ഷാഭവനില്‍ ലഭിക്കണം.
പരീക്ഷാഫലം
2017 ഡിസംബറില്‍ നടത്തിയ ഒന്നാം സെമസ്റ്റര്‍ എംഎ ഇസ്‌ലാമിക് ഫിനാന്‍സ് (സിയുസിഎസ്എസ്) പരീക്ഷാഫലം വെബ്‌സൈറ്റില്‍. പുനര്‍മൂല്യനിര്‍ണയത്തിന് ജൂണ്‍ 11 വരെ അപേക്ഷിക്കാം.
2017 ഡിസംബറില്‍ നടത്തിയ ഒന്ന്, മൂന്ന് സെമസ്റ്റര്‍ എംഎസ്‌സി ഇലക്ട്രോണിക്സ് (സിയുസിഎസ്എസ്) പരീക്ഷാഫലം വെബ്‌സൈറ്റില്‍. പുനര്‍മൂല്യനിര്‍ണയത്തിന് ജൂണ്‍ 11 വരെ അപേക്ഷിക്കാം.
ഡിപ്ലോമ ഇന്‍ മള്‍ട്ടീമീഡിയ ആൻഡ് ആനിമേഷന്‍ (2015 പ്രവേശനം) ഓഗസ്റ്റ് 2016 പരീക്ഷാഫലം വെബ്‌സൈറ്റില്‍. പുനര്‍മൂല്യനിര്‍ണയത്തിന് ജൂണ്‍ മൂന്ന് മുതല്‍ 12 വരെ അപേക്ഷിക്കാം. പ്രിന്‍റൗട്ട് ചലാന്‍ സഹിതം ജൂണ്‍ 17നകം ലഭിക്കണം.
റിഫ്രഷ്‌മെന്‍റ് സെന്‍റര്‍: ക്വട്ടേഷന്‍ ക്ഷണിച്ചു
കാലിക്കട്ട് സര്‍വകലാശാലാ സ്റ്റേഡിയത്തിന് സമീപത്തെ റിഫ്രഷ്‌മെന്‍റ സെന്‍റര്‍ നടത്താന്‍ താത്പര്യമുള്ളവരില്‍ നിന്ന് ക്വട്ടേഷന്‍ ക്ഷണിച്ചു. അപേക്ഷാ ഫോം പ്ലാനിംഗ് ആൻഡ് ഡവലപ്‌മെന്‍റ് വിഭാഗത്തില്‍ നിന്ന് 55 രൂപ ചലാന്‍ ഹാജരാക്കിയാല്‍ ജൂണ്‍ 11ന് ഉച്ചയ്ക്ക് 12 വരെ ലഭിക്കും. അന്ന് ഉച്ചയ്ക്ക് ഒന്നു വരെ ക്വട്ടേഷന്‍ സ്വീകരിക്കും.