സി.എച്ച് മുഹമ്മദ് കോയ ലൈബ്രറിയും തിരുവനന്തപുരത്തെ ചക്ഷുമതി എന്ന സന്നദ്ധ സംഘടനയും ചേര്‍ന്ന് കാഴ്ചവൈകല്യമുള്ളവര്‍ക്ക് സഹായകമായ എന്‍വിഡിഎ, ഡെയ്‌സി പ്ലെയേര്‍സ്, സ്മാര്‍ട്ട് ഫോണ്‍ , സ്മാര്‍ട്ട് കെയിന്‍ തുടങ്ങിയ ടെക്‌നോളജിയില്‍ ദ്വിദിന ശില്‍പശാലയും ബുക് ഷയര്‍ ഓണ്‍ലൈന്‍ ലൈബ്രറിയുടെ സൗജന്യ അംഗത്വ വിതരണവും സംഘടിപ്പിക്കുന്നു. 27, 28 തീയതികളില്‍ സര്‍വകലാശാലാ ക്യാമ്പസിലെ സി.എച്ച് മുഹമ്മദ് കോയ ലൈബ്രറിയിലാണ് ശില്‍പശാല. ആദ്യം രജിസ്റ്റര്‍ ചെയ്യുന്ന 25 പേര്‍ക്കാണ് അവസരം.
രണ്ടാം സെമസ്റ്റര്‍ യുജി കോണ്‍ടാക്ട് ക്ലാസ്
മാറ്റിവച്ച വിദൂരവിദ്യാഭ്യാസം രണ്ടാം സെമസ്റ്റര്‍ യുജി കോണ്‍ടാക്ട് ക്ലാസുകള്‍ ഇന്ന് മുതല്‍ ആരംഭിക്കും. വിവരങ്ങള്‍ വെബ്‌സൈറ്റില്‍. ഫോണ്‍: 0494 2400288
പുനര്‍മൂല്യനിര്‍ണയ അപേക്ഷ
മേയ് 23ന് ഫലം പ്രസിദ്ധീകരിച്ച മൂന്നാം വര്‍ഷ ബിഎ/ബിഎ അഫ്‌സല്‍ഉല്‍ ഉലമ ഏപ്രില്‍ 2016 പരീക്ഷയുടെ പുനര്‍മൂല്യനിര്‍ണയത്തിന് ഏഴ് വരെ നിര്‍ദ്ദിഷ്ട ഫോമില്‍ അപേക്ഷിക്കാം.
ബിരുദ ഫലം
വിദൂരവിദ്യാഭ്യാസം, കേരളത്തിന് പുറത്തെ കേന്ദ്രങ്ങളിലെ ആറാം സെമസ്റ്റര്‍ (സിയുസിബിസിഎസ്എസ്) ബിരുദ ഫലം വെബ്‌സൈറ്റില്‍ പ്രസിദ്ധീകരിച്ചു. ബിഎ സോഷ്യോളജി, ബിഎസ്‌സി കൗണ്‍സലിംഗ് സൈക്കോളജി, ബിഎംഎംസി എന്നിവ ഒഴികെയുള്ള ഫലമാണ് പ്രസിദ്ധീകരിച്ചത്.
വളാഞ്ചേരി എംഇഎസ് കെവിഎം കോളജും തിരൂരങ്ങാടി പിഎസ്എംഒ കോളജും മുഖ്യപരീക്ഷാ കേന്ദ്രങ്ങളായ ബിഎ ഹിസ്റ്ററി വിദ്യാര്‍ഥികളുടെ ഫലം പിന്നീട് പ്രസിദ്ധീകരിക്കും.
അപേക്ഷ ക്ഷണിച്ചു
ബിഎഡ് സ്‌പെഷല്‍ എഡ്യുക്കേഷന്‍ (ഹിയറിംഗ് ഇംപയേര്‍ഡ്) പ്രോഗ്രാം പ്രവേശനത്തിന് ഓണ്‍ലൈനായി അപേക്ഷിക്കാം. അപേക്ഷാ ഫീ ജനറല്‍ 525 രൂപ, എസ്‌സി/എസ്ടി 160 രൂപ. ഫീസടയ്ക്കാനുള്ള അവസാന തിയതി 13. 14നകം അപേക്ഷ സമര്‍പ്പിക്കണം. വിജ്ഞാപനം വെബ്‌സൈറ്റില്‍ .
2017 ഡിസംബറില്‍ നടത്തിയ ഒന്ന്, മൂന്ന് സെമസ്റ്റര്‍ എംഎസ്‌സി ക്ലിനിക്കല്‍ സൈക്കോളജി (സിയുസിഎസ്എസ്) പരീക്ഷാഫലം വെബ്‌സൈറ്റില്‍. പുനര്‍മൂല്യനിര്‍ണയത്തിന് 14 വരെ അപേക്ഷിക്കാം.
2017 നവംബറില്‍ നടത്തിയ മൂന്നാം സെമസ്റ്റര്‍ എംഎ ഇംഗ്ലീഷ് (സിസിഎസ്എസ്) പരീക്ഷാഫലം വെബ്‌സൈറ്റില്‍ .
എംബിഎ പരീക്ഷാ അപേക്ഷ
20ന് ആരംഭിക്കാനിരുന്ന എംബിഎ നാലാം സെമസ്റ്റര്‍ (ഫുള്‍ടൈം, പാര്‍ട്ട്‌ടൈം), ആറാം സെമസ്റ്റര്‍ (പാര്‍ട്ട്‌ടൈം) റഗുലര്‍/സപ്ലിമെന്‍ററി (സിയുസിഎസ്എസ്) പരീക്ഷ 26ന് ആരംഭിക്കും.
വിദൂരവിദ്യാഭ്യാസ ഡിഗ്രി ഫലപ്രഖ്യാപനവും റിക്കാര്‍ഡ് വേഗത്തില്‍
തേഞ്ഞിപ്പലം: കാലിക്കട്ട് സര്‍വകലാശാല വിദൂരവിദ്യാഭ്യാസം ആറാം സെമസ്റ്റര്‍ ഡിഗ്രി പരീക്ഷാഫലവും റിക്കാര്‍ഡ് വേഗത്തില്‍ പ്രസിദ്ധീകരിച്ചു.
ബിഎ 55.84%, ബി.എസ്‌സി 29.24%, ബികോം 48.19%, ബിബിഎ 58.76% എന്നിങ്ങനെയാണ് വിജയശതമാനം.
കോളജ് വിദ്യാര്‍ഥികളുടെ ആറാം സെമസ്റ്റര്‍ ബിരുദ ഫലം മേയ് 26ന് പ്രസിദ്ധീകരിച്ച് ചരിത്ര നേട്ടം കൈവരിച്ചിരുന്നു. വിദൂരവിദ്യാഭ്യാസ ഫലവും സമയബന്ധിതമായി പ്രസിദ്ധീകരിക്കാനായത് കേരളത്തിനകത്തും പുറത്തുമുള്ള സര്‍വകലാശാലകളിലും കോളേജുകളിലും തുടര്‍പഠനത്തിന് വിദ്യാര്‍ഥികള്‍ക്ക് കൂടുതല്‍ അവസരം ഒരുക്കും.
വെബ്‌സൈറ്റില്‍ പരീക്ഷാഫല പ്രസിദ്ധീകരണ സ്വിച്ച്ഓണ്‍ കര്‍മ്മം വൈസ് ചാന്‍സലര്‍ ഡോ.കെ.മുഹമ്മദ് ബഷീര്‍ നിര്‍വഹിച്ചു. ജീവനക്കാരുടെയും അധ്യാപകരുടെയും കഠിനപ്രയത്‌നവും ഉന്നത ഉദ്യോഗസ്ഥരുടെ ഏകോപന മികവും കൊണ്ടാണ് വേഗത്തില്‍ ഫലപ്രഖ്യാപനം നടത്താന്‍ സാധിച്ചതെന്ന് അദ്ദേഹം പറഞ്ഞു. അടുത്ത വര്‍ഷം കോളജുകളിലെയും വിദൂരവിദ്യാഭ്യാസ വിഭാഗത്തിലെയും വിദ്യാര്‍ഥികളുടെ പരീക്ഷാഫലം ഒരുമിച്ച് പ്രസിദ്ധീകരിക്കുമെന്നും വൈസ് ചാന്‍സലര്‍ പറഞ്ഞു. ഫലപ്രഖ്യാപനം നേരത്തെയാക്കാന്‍ പ്രയത്‌നിച്ച ജീവനക്കാരെയും അധ്യാപകരെയും വൈസ് ചാന്‍സലര്‍ അഭിനന്ദിച്ചു.
പ്രോവൈസ് ചാന്‍സലര്‍ ഡോ.പി.മോഹന്‍ , രജിസ്ട്രാര്‍ ഡോ.ടി.എ.അബ്ദുല്‍ മജീദ്, പരീക്ഷാ കണ്ട്രോളര് ഡോ.വി.വി.ജോര്‍ജ്കുട്ടി, സിൻഡിക്കറ്റ് അംഗങ്ങളായ ഡോ.സി.എല്‍ .ജോഷി, കെ.കെ.ഹനീഫ, വിവിധ ബ്രാഞ്ചുകള്‍ക്ക് നേതൃത്വം നല്‍കുന്ന പി.വി.ശോഭ, എം.കെ.പ്രമോദ്, അബ്ദുല്‍ അഹദ് പതിയില്‍, ഒ.അബ്ദുറസാഖ്, കെ.വേലായുധന്‍ തുടങ്ങിയവര്‍ പങ്കെടുത്തു.