വിദൂരവിദ്യാഭ്യാസം സപ്ലിമെന്‍ററി പരീക്ഷ
കണ്ണൂർ സർവകലാശാലയുടെ, വിദൂരവിദ്യാഭ്യാസം ബിരുദാനന്തരബിരുദം, ജൂണ്‍ 2018, സപ്ലിമെന്‍ററി പരീക്ഷയ്ക്ക് അപേക്ഷിക്കുന്ന വിദ്യാർഥികൾ അപേക്ഷയിൽ മുൻവർഷങ്ങളിലെ പരീക്ഷാ വിശദാംശങ്ങൾരേഖപ്പെടുത്തണം. കൂടാതെ അപേക്ഷയുടെ കൂടെ മാർക്ക് ലിസ്റ്റിന്‍റെ ഫോട്ടോകോപ്പിയും സമർപ്പിക്കണം. അല്ലാത്തപക്ഷം അപേക്ഷ നിരസിക്കും
ഒന്നാം സെമസ്റ്റർ ബിഎസ്‌സി,ബിസിഎ പരീക്ഷാഫലം
2017 നവംബറിൽ നടന്ന ഒന്നാം സെമസ്റ്റർ ബിഎസ്‌സി, ബിസിഎ (റഗുലർ, സപ്ലിമെന്‍ററി, ഇംപ്രൂവ്മെന്‍റ്) പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. സൂക്ഷ്മപരിശോധന, പുനഃപരിശോധന, ഉത്തരകടലാസിന്‍റെ പകർപ്പ് എന്നിവയ്ക്കുള്ള അപേക്ഷകൾ ഓണ്‍ലൈനായി 14 വരെ സ്വീകരിക്കും.
ബിടെക് പരീക്ഷാഫലം
2017 നവംബറിൽ നടത്തിയ ഏഴാം സെമസ്റ്റർ ബിടെക് (റഗുലർ, സപ്ലിമെന്‍ററി) പരീക്ഷാഫലം പ്രസിദ്ധീകരിച്ചു. ഫലം സർവകലാശാലവെബ്സൈറ്റിൽ ലഭ്യമാണ്. പുനഃപരിശോധന, സ്ക്രൂട്ടിനി, ഫോട്ടോകോപ്പി എന്നിവയ്ക്ക് 16 വരെ അപേക്ഷ സ്വീകരിക്കും.
നാലാം സെമസ്റ്റർ എംകോം ഡിഗ്രി പ്രോജക്ട് മൂല്യനിർണയം, വാചാ പരീക്ഷ
നാലാം സെമസ്റ്റർ എംകോം ഡിഗ്രി (റഗുലർ, സപ്ലിമെന്‍ററിമാർച്ച് 2018) യുടെ പ്രോജക്ട് മൂല്യനിർണയം, വാചാ പരീക്ഷ ആറുമുതൽ വിവിധ കേന്ദ്രങ്ങളിൽ നടക്കും. വിശദമായ ടൈംടേബിൾ യൂണിവേഴ്സിറ്റി വെബ്സൈറ്റിൽ ലഭ്യമാണ്.
ബിപിഎഡ് പരീക്ഷാഫലം
കണ്ണൂർ സർവകലാശാല രണ്ടാം സെമസ്റ്റർ ബിപിഎഡ്(റഗുലർ, സപ്ലിമെന്‍ററി) മേയ് 2017 പരീക്ഷയുടെ ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനർമൂല്യനിർണയത്തിനും സൂക്ഷ്മപരിശോധനയ്ക്കുമുള്ള അപേക്ഷകൾ 16 വരെ സർവകലാശാലയിൽ സ്വീകരിക്കും. രണ്ടാം സെമസ്റ്റർ ബിപിഎഡ് (സപ്ലിമെന്‍ററി) മേയ് 2018 പരീക്ഷയ്ക്കുള്ള അപേക്ഷകൾ എട്ടുവരെ സർവകലാശാലയിൽ സ്വീകരിക്കും.
പുതുക്കിയ പരീക്ഷാഫീസ്
കണ്ണൂർ സർവകലാശാലയിലെ എല്ലാ കോഴ്സുകൾക്കുമുള്ള പരീക്ഷാ ഫീസ് നിരക്കുകൾ പുതുക്കി നിശ്ചയിച്ചു. ജൂൺ ഒന്നുമുതൽ എല്ലാ ഫീസുകളും പുതിയ നിരക്കിലായിരിക്കും അടയ്ക്കേണ്ടത്. പുതുക്കിയ നിരക്കുകൾ സർവകലാശാല വെബ്സൈറ്റിൽ ലഭ്യമാണ്. പുതുക്കിയ നിരക്കുകൾ കോളജധികൃതർ ഡൗൺലോഡ് ചെയ്തെടുക്കണം.