ബിരുദ പ്രവേശനം: ഓപ്ഷനുകളിൽ മാറ്റം വരുത്താം
കണ്ണൂർ: സർവകലാശാലയിലെ ബിരുദ പ്രവേശനത്തിന് ഓൺലൈനായി രജിസ്റ്റർ ചെയ്തവർക്ക് ഈമാസം ആറുവരെ ഓപ്ഷനുകളിൽ ആവശ്യമെങ്കിൽ മാറ്റം വരുത്താം. പുതിയ കോളജുകളോ കോഴ്സുകളോ തെരഞ്ഞെടുക്കാവുന്നതും തെരഞ്ഞെടുത്ത കോളജുകൾ പുനഃക്രമീകരിക്കാവുന്നതുമാണ്.
പിഴവുകൾ തിരുത്താൻ അവസരം
ഓൺലൈൻ രജിസ്റ്റർ ചെയ്തവർ അപേക്ഷയുടെ പ്രിന്റൗട്ട് സൂക്ഷ്മമായി പരിശോധിച്ചു പിഴവുകൾ ഒന്നുംതന്നെയില്ലെന്ന് ഉറപ്പുവരുത്തേണ്ടതാണ്. പേര്, ജനന തീയതി, അക്കാദമിക് വിവരങ്ങൾ എന്നിവ ഒഴികെയുള്ള വിവരങ്ങൾ അപേക്ഷകർക്കുതന്നെ ലോഗിൻ ചെയ്തു മാറ്റം വരുത്താം. പേര്, ജനനതീയതി, അക്കാദമിക് വിവരങ്ങൾ എന്നിവയിലെ പിഴവുകൾ തിരുത്താൻ സർവകലാശാലയുമായി ബന്ധപ്പെടണം.
മൊബൈൽ ആപ്
ഓൺലൈൻ രജിസ്ട്രേഷനുമായി ബന്ധപ്പെട്ട വിവരങ്ങൾ ആൻഡ്രോയിഡ് മൊബൈൽ ആപ് വഴി ലഭ്യമാണ്. ഈ സേവനത്തിനായി ഗൂഗിൾ പ്ലേ സ്റ്റോറിൽ kannur universityallotment 2018 എന്ന് ടൈപ്പ് ചെയ്ത് ആൻഡ്രോയിഡ് ആപ് ഡൗൺലോഡ് ചെയ്ത് എടുക്കാം.
കോളജ്, കോഴ്സുകൾ സംബന്ധമായ വിവരങ്ങൾ, അലോട്ട്മെന്റുമായി ബന്ധപ്പെട്ട തീയതികളിൽ, പ്രോസ്പെക്ടസ്, ഫോൺ വഴി യൂണിവേഴ്സിറ്റിയുമായി ബന്ധപ്പെടാനുള്ള സൗകര്യം എന്നിവ ഈ ആപ് വഴി ലഭ്യമാണ്. അതുകൂടാതെ അലോട്ട്മെന്റുമായി ബന്ധപ്പെട്ട വിവരങ്ങൾ പുഷ് മെസേജായി മൊബൈലിൽ ലഭ്യമാകും. അലോട്ട്മെന്റിന്റെ സ്റ്റാറ്റസും ഈ ആപ് വഴി ലഭ്യമാകുന്നതാണ്. ഇതുമായി ബന്ധപ്പെട്ട സംശയങ്ങൾക്കു താഴെ കൊടുത്തിരിക്കുന്ന മൊബൈൽ നന്പറിൽ ബന്ധപ്പെടണം. ഫോൺ: 9048737780.
എംസിഎ ഇന്റർവ്യൂ
കണ്ണൂർ: കണ്ണൂർ സർവകലാശാലയുടെ മാങ്ങാട്ടുപറന്പ് കാന്പസിൽ പ്രവർത്തിക്കുന്ന ഐടി ഡിപ്പാർട്ടുമെന്റിലേക്കും വിവിധ ഐടി സെന്ററുകളിലേക്കുമുള്ള എംസിഎ (ത്രിവത്സര കോഴ്സ്), എംസിഎ ലാറ്ററൽ എൻട്രി (ദ്വിവത്സര കോഴ്സ്) പ്രവേശനത്തിനുള്ള ഇന്റർവ്യൂ മാങ്ങാട്ടുപറന്പ് കാന്പസിലെ ഐടി ഡിപ്പാർട്ട്മെന്റിൽ താഴെ പറയുംപ്രകാരം നടത്തും. പ്രവേശനത്തിന് അർഹരായ റാങ്ക് ലിസ്റ്റിൽ ഉൾപ്പെട്ട വിദ്യാർഥികൾ അഡ്മിഷൻ മെമ്മോ സർവകലാശാല വെബ്സൈറ്റിൽനിന്ന് ഡൗൺലോഡ് ചെയ്ത് എല്ലാ അസൽ സർട്ടിഫിക്കറ്റുകൾ, ഫീസ് എന്നിവ സഹിതം ഇന്റർവ്യു ഹാജരാകണം.
എൻട്രി ഏഴിന് രാവിലെ പത്തു മുതൽ നടക്കും. റാങ്ക് നന്പർ, തീയതി, സമയം എന്നിവ ചുവടെ: ഒന്നു മുതൽ 50 വരെ എട്ടിനു രാവിലെ പത്തു മുതൽ, 51 മുതൽ 100 വരെ എട്ടിന് ഉച്ചകഴിഞ്ഞ് രണ്ടുതൽ, 101 മുതൽ 150 വരെ 11ന് രാവിലെ പത്തുതൽ, 151 മുതൽ 200 വരെ 11ന് ഉച്ചകഴിഞ്ഞ് രണ്ടുവരെ.
രണ്ടാം വർഷ പിജി വിദൂര വിദ്യാഭ്യാസം പരീക്ഷ
കണ്ണൂർ സർവകലാശാലയുടെ അപേക്ഷ ക്ഷണിച്ച രണ്ടാം വർഷ പി ജി വിദൂര വിദ്യാഭ്യാസം പരീക്ഷകൾക്ക് ജൂണ് ഒന്നുമുതൽ പുതുക്കിയ നിരക്കിലുള്ള ഫീസാണു നൽകേണ്ടത്. പുതുക്കിയ ഫീസ്: തിയറി റഗുലർ 120 രൂപ (സപ്ലിമെന്ററി/ഇംപ്രൂവ്മെന്റ്190/), പ്രാക്ടിക്കൽ 190 രൂപ (സപ്ലിമെന്ററി 210/), പ്രൊജക്ട്/ ഡിസർട്ടേഷൻ 505 രൂപ, വൈവ 120 രൂപ, മാർക്ക് ലിസ്റ്റ് 65 രൂപ, അപേക്ഷാഫോം ഫീ 45 രൂപ, സെന്റർ ഫീ 25 രൂപ, ക്യാന്പ് ഫീ 160 രൂപ).
മൂന്നാം വർഷ ബിപിടി പരീക്ഷ മാറ്റിവച്ചു
നാലിന് നടത്താൻ നിശ്ചയിച്ചിരുന്ന മൂന്നാം വർഷ ബിപിടി (സപ്ലിമെന്ററി) പരീക്ഷ 18 ലേക്ക് മാറ്റിവച്ചു. മറ്റു പരീക്ഷകൾക്കു മാറ്റമില്ല.
എംസിഎ ഇന്റർവ്യൂ
കണ്ണൂർ സർവകലാശാലയുടെ മാങ്ങാട്ടുപറന്പ് കാന്പസിൽ പ്രവർത്തിക്കുന്ന ഐടി ഡിപ്പാർട്ട്മെന്റിലേക്കും വിവിധ ഐടി സെന്ററുകളിലേക്കുമുള്ള എംസിഎ (ത്രിവത്സര കോഴ്സ്), എംസിഎ ലാറ്ററൽ എൻട്രി (ദ്വിവത്സരകോഴ്സ്), പ്രവേശനത്തിനുള്ള ഇന്റർവ്യൂ മാങ്ങാട്ടുപറന്പ് കാന്പസിലെ ഐടി ഡിപ്പാർട്ട്മെന്റിൽ താഴെപറയും പ്രകാരം നടത്തും. പ്രവേശനത്തിന് അർഹരായ റാങ്ക് ലിസ്റ്റിൽ ഉൾപ്പെട്ട വിദ്യാർഥികൾ അഡ്മിഷൻ മെമ്മോ സർവകലാശാല വെബ്സൈറ്റിൽനിന്നും ഡൗൺലോഡ് ചെയ്ത് എല്ലാ അസൽ സർട്ടിഫിക്കറ്റുകൾ, ഫീസ് എന്നിവ സഹിതം ഇന്റർവ്യൂവിന് ഹാജരാകണം.
എംസിഎ ലാറ്ററൽ എൻട്രി (ദ്വിവത്സര കോഴ്സ്) ഏഴിന് രാവിലെ 10 മുതൽ. എംസിഎ (ത്രിവത്സര കോഴ്സ്) (ഐടി ഡിപ്പാർട്ടുമെന്റിലേക്കും വിവിധ ഐടി സെന്ററുകളിലേക്കും) റാങ്ക് നന്പർ, തീയതി, സമയം എന്നീ ക്രമത്തിൽ. ഒന്നു മുതൽ 50 വരെ എട്ടിന് രാവിലെ 10 മുതൽ. 51 മുതൽ 100 വരെ എട്ടിന് ഉച്ചകഴിഞ്ഞ് രണ്ടു മുതൽ. 101 മുതൽ 150 വരെ 11ന് രാവിലെ 10 മുതൽ. 151 മുതൽ 200 വരെ 11ന് ഉച്ചകഴിഞ്ഞ് രണ്ടു മുതൽ.
പ്രവേശന പരീക്ഷ 10ന്
കണ്ണൂർ സർവകലാശാലയുടെ 201819 വർഷത്തെ പിഎച്ച്ഡി പ്രവേശനത്തിന് 2018 മേയ് മൂന്നിലെ വിജ്ഞാനപ്രകാരം അപേക്ഷിച്ചവർക്കുള്ള പ്രവേശന പരീക്ഷ ഈമാസം 10ന് രാവിലെ 10 മുതൽ സർവകലാശാലയുടെ മാങ്ങാട്ടുപറന്പ് കാന്പസിലെ വിവിധ ഡിപ്പാർട്ട്മെന്റുകളിൽ നടക്കും. പ്രവേശന പരീക്ഷ, ആവശ്യമുള്ളവരുടെ വിഷയം തിരിച്ചുള്ള പേരുവിവരം സർവകലാശാല വെബ്സൈറ്റിൽ രണ്ടു മുതൽ ലഭ്യമാണ്. ഇതുസംബന്ധിച്ച് പരാതി എന്തെങ്കിലുമുണ്ടെങ്കിൽ നാലിന് മുന്പായി അറിയിക്കണം. ഫോൺ: 0497 2715227. പരീക്ഷയ്ക്കുള്ള ഹാൾടിക്കറ്റുകൾ രണ്ടു മുതൽ വെബ്സൈറ്റിൽനിന്നും ഡൗൺലോഡ് ചെയ്യേണ്ടതും ഫോട്ടോ പതിച്ച് ഗസറ്റഡ് ഓഫീസർ അറ്റസ്റ്റ് ചെയ്ത് പരീക്ഷാസമയത്ത് ഹാജരാക്കേണ്ടതുമാണ്. website: www.kannuruniversity.ac.in.