വിദൂരവിദ്യാഭ്യാസ പരീക്ഷാ വിഭാഗം സേവനങ്ങൾ ഫോൺ വഴി
നിപ്പ വൈറസ് ബാധയുടെ പശ്ചാലത്തലത്തിൽ മുൻകരുതൽ നടപടിയെന്ന നിലയിൽ കാലിക്കട്ട് സർവകലാശാലയിൽ സന്ദർശകർക്ക് നിയന്ത്രണം ഏർപ്പെടുത്തിയതിന്റെ അടിസ്ഥാനത്തിൽ വിദൂരവിദ്യാഭ്യാസ പരീക്ഷാ വിഭാഗത്തിൽ (ഇഡിഇ) ഡിഗ്രി കോഴ്സുകളുമായി ബന്ധപ്പെട്ട വിവിധ സേവനങ്ങൾക്ക് താഴെ കാണുന്ന നന്പറുകളിൽ ബന്ധപ്പെടാവുന്നതാണ്.
04942407 എന്ന് ഡയൽ ചെയ്തതിന് ശേഷം അതത് വിഭാഗങ്ങളിലെ മൂന്നക്ക നന്പർ കൂടി ഡയൽ ചെയ്യണം. ജെസിഇ ഓഫീസ്448, കോണ്ഫിഡൻഷ്യൽ സെക്ഷൻ188, ബിഎ വിഭാഗം225, 445, ബികോം187, 192, 193, അസിസ്റ്റന്റ് രജിസ്ട്രാർ ഡിഗ്രി സർട്ടിഫിക്കറ്റ്198, ബികോം ഒറിജിനൽ ഡിഗ്രി സർട്ടിഫിക്കറ്റ്191, റീവാല്വേഷൻ189.
പുനർമൂല്യനിർണയ അപേക്ഷ
മേയ് 26ന് ഫലം പ്രസിദ്ധീകരിച്ച അഫിലിയേറ്റഡ് കോളജുകളിലെ ആറാം സെമസ്റ്റർ ബികോം, ബികോം വൊക്കേഷണൽ/ ബിബിഎ/ ബിടിഎച്ച്എം/ ബിഎച്ച്എ (സിയുസിബിസിഎസ്എസ്) റഗുലർ/ സപ്ലിമെന്ററി/ ഇംപ്രൂവ്മെന്റ് പരീക്ഷയുടെ പുനർമൂല്യനിർണയത്തിന് 16 വരെ അപേക്ഷിക്കാം. കണ്സോളിഡേറ്റഡ് ഗ്രേഡ് കാർഡിന്റെ മാതൃക വെബ്സൈറ്റിൽ ലഭ്യമാണ്.
ബിഎഡ് മൂല്യനിർണയ ക്യാന്പ് മാറ്റി
അഞ്ച് മുതൽ കോഴിക്കോട് ജിസിടിഇ, ഫാറൂഖ് ട്രെയിനിംഗ് കോളജ് എന്നിവിടങ്ങളിൽ നടത്താനിരുന്ന നാലാം സെമസ്റ്റർ ബിഎഡ് മൂല്യനിർണയ ക്യാന്പ് മാറ്റി. പുതുക്കിയ തിയതി പിന്നീട് അറിയിക്കും.