ബിഎ മ്യൂസിക് ഒന്നാം വർഷ ബിരുദ പ്രവേശനം
ഒന്നാം വർഷ ബിഎ മ്യൂസിക്കിന് പ്രവേശനം ആഗ്രഹിക്കുന്നവർ ഓണ്ലൈൻ അപേക്ഷയുടെ പ്രിന്റൗട്ടും അനുബന്ധ രേഖകളും 12നകം അതത് കോളജുകളിൽ സമർപ്പിക്കണം. അഭിരുചി പരീക്ഷകൾ നീറമണ്കര എൻഎസ്എസ് കോളജിൽ 20നും, കൊല്ലം എസ്. എൻ. വനിതാകോളജിൽ 21നും തിരുവനന്തപുരം വഴുതയ്ക്കാട് ഗവണ്മെന്റ് വനിതാകോളജിൽ 22നും നടത്തും. 23ന് റാങ്ക് പട്ടിക അതത് കോളജുകളിൽ പ്രസിദ്ധപ്പെടുത്തും. കൂടുതൽ വിവരങ്ങൾക്ക് ബന്ധപ്പെട്ട കോളജ് പ്രിൻസിപ്പലിനെ സമീപിക്കണം. സർവകലാശാലയിലേക്ക് അപേക്ഷകൾ അയയ്ക്കേണ്ടതില്ല.
ഒന്നാം വർഷ ബിരുദ പ്രവേശനം: ട്രയൽ അലോട്ട്മെന്റ് പ്രസിദ്ധീകരിച്ചു
201819 അധ്യയന വർഷത്തിലെ ബിരുദ കോഴ്സുകളിലേയ്ക്ക് പ്രവേശനത്തിനുള്ള ട്രയൽ അലോട്ട്മെന്റ് വെബ്സൈറ്റിൽ പ്രസിദ്ധപ്പെടുത്തി. ട്രയൽ അലോട്ട്മെന്റ് പരിശോധിച്ചതിന് ശേഷം വിദ്യാർഥികൾക്ക് ഓപ്ഷനുകൾ ചേർക്കുന്നതിനും പുനർക്രമീകരിക്കുന്നതിനും പ്രൊഫൈലിൽ എന്തെങ്കിലും മാറ്റം വരുത്തുന്നതിനും 11നു രാവിലെ 10 വരെ സമയം ഉണ്ട്. മാറ്റങ്ങൾ വരുത്തുന്നവർ പുതിയ പ്രിന്റൗട്ടെടുത്ത് തുടർ ആവശ്യങ്ങൾക്കായി സൂക്ഷിക്കണം.
ട്രയൽ അലോട്ട്മെന്റ് കഴിഞ്ഞ് വിദ്യാർഥികൾ ഓപ്ഷനുകളിൽ മാറ്റങ്ങൾ വരുത്തുന്നതിനാൽ ട്രയൽ അലോട്ട്മെന്റിൽ ലഭിച്ച കോളജുകൾക്കും കോഴ്സുകൾക്കും മാറ്റങ്ങൾ വരുവാൻ സാധ്യതയുണ്ട്.
ഓണ്ലൈൻ അപേക്ഷയുടെ അവസാന തീയതി എട്ട് ആണ്. ഓണ്ലൈൻ അപേക്ഷയുടെ പ്രിന്റൗട്ട് സർവകലാശാലയിലേക്ക് അയയ്ക്കേണ്ട തില്ല.
ബിഎസ്സി പരീക്ഷാഫലം
2017 ജൂലൈയിൽ നടത്തിയ രണ്ടാം സെമസ്റ്റർ ബിഎസ്സി (സിബിസിഎസ്എസ്) (റഗുലർ 2016 ഇംപ്രൂവ്മെന്റ് 2015 സപ്ലിമെന്ററി 2013,2014) പരീക്ഷാഫലം പ്രസിദ്ധികരിച്ചു. സൂക്ഷ്മപരിശോധനക്കും പുനർമൂല്യനിർണയത്തിനും ഓണ്ലൈനായി 20വരെ അപേക്ഷിക്കാം.
കമ്യൂണീക്കേറ്റീവ് അറബിക് സീറ്റൊഴിവ്
അറബിക് പഠനവകുപ്പ് നടത്തുന്ന കമ്യൂണിക്കേറ്റീവ് അറബിക് കോഴ്സിലേക്ക് ഏതാനും സീറ്റൊഴിവുണ്ട്.2018 ജൂലൈ രണ്ടിന് ആരംഭിക്കുന്ന ബാച്ചിലേക്ക് കോഴ്സ് ഫീസായ 6000/ (ആറായിരം) രൂപ കെയുഎഫിൽ അടച്ച് രസീത് ഉൾപ്പെടെ അപേക്ഷയോടൊപ്പം കാര്യവട്ടം അറബിക് പഠനവകുപ്പിൽ സമർപ്പിക്കണം. വിശദവിവരങ്ങൾ അറബിക് പഠനവകുപ്പിന്റെ ലിങ്കിൽ ലഭ്യമാണ്. നന്പർ: 9446827141
ബിഎഡ് സ്പെഷൽ എഡ്യൂക്കേഷൻ പരീക്ഷ
ജൂലൈ നാലിന് ആരംഭിക്കുന്ന രണ്ടാം സെമസ്റ്റർ ബിഎഡ് സ്പെഷൽ എഡ്യൂക്കേഷൻ (2015 സ്കീം ) റഗുലർ/ ഇംപ്രൂവ്മെന്റ്/ സപ്ലിമെന്ററി (201719 ബാച്ച്), ജൂലൈ അഞ്ചിന് ആരംഭിക്കുന്ന നാലാം സെമസ്റ്റർ ബിഎഡ് സ്പെഷൽ എഡ്യൂക്കേഷൻ (2015 സ്കീം) റഗുലർ/ സപ്ലിമെന്ററി പരീക്ഷകൾക്ക് 13, 50 രൂപ പിഴയോടെ ജൂണ് 16, 125 രൂപ പിഴയോടെ ജൂണ് 19 വരെയും ഫീസടച്ച് ഓണ്ലൈൻ രജിസ്ട്രേഷൻ ചെയ്യാം. വിശദവിവരങ്ങൾ വെബ്സൈറ്റിൽ.
എംഎ ഹിസ്റ്ററി വൈവ വോസി പരീക്ഷ(സിഎസ്എസ്)
ഹിസ്റ്ററി പഠനവകുപ്പിലെ നാലാം സെമസ്റ്റർ എംഎ (സിഎസ്എസ്) കോഴ്സിന്റെ (201618 ബാച്ച്) ഭാഗമായി വൈവ വോസി എക്സാമിനേഷൻ 12ന് രാവിലെ 10ന് കാര്യവട്ടത്തുളള ഹിസ്റ്ററി പഠനവകുപ്പിൽ നടത്തും.
നാലാം സെമസ്റ്റർ എംഎ എസ്എൽപി പ്രബന്ധ സമർപ്പണം
ജൂലൈയിൽ നടക്കുന്ന നാലാം സെമസ്റ്റർ എംഎ എസ്എൽപി (സിബിസിഎസ്എസ് സ്ട്രീം) ഡിഗ്രി പരീക്ഷക്ക് 20 നകം തീസിസ് സമർപ്പിക്കണം.
ബിഎഡ് ഫലം
2017 ഡിസംബറിൽ നടത്തിയ ബിഎഡ് ഒന്നാം സെമസ്റ്റർ പരീക്ഷയുടെ വലിയം മെമ്മോറിയൽ ട്രെയിനിംഗ് കോളജ്, ചവറയിലെ തടഞ്ഞുവെച്ച പരീക്ഷാഫലം പ്രസിദ്ധീകരിച്ചു. പരീക്ഷാഫലം വെബ്സൈറ്റിൽ.
2006 സ്കീം എംസിഎ മേഴ്സിചാൻസ്
2006 സ്കീം എംസിഎ വിദ്യാർഥികൾക്ക് മേഴ്സിചാൻസ് അനുവദിച്ച് ഉത്തരവായി.
ഒന്നാം വർഷ ബിരുദ പ്രവേശനം
കരുനാഗപ്പളളി തഴവ ഗവ. കോളജിൽ ബിഎ സോഷ്യോളജി കോഴ്സ് അനുവദിച്ചു. ഓണ്ലൈൻ അപേക്ഷ നൽകാം.