പെന്‍ഷന്‍കാര്‍ക്ക് ആരോഗ്യ ഇൻഷ്വറന്‍സ് പദ്ധതി
സംസ്ഥാന ഗവ.ജീവനക്കാര്‍ക്കും പെന്‍ഷന്‍കാര്‍ക്കുമായി ഏര്‍പ്പെടുത്തിയ ആരോഗ്യ ഇൻഷ്വറന്‍സ് പദ്ധതി കാലിക്കട്ട് സര്‍വകലാശാലയില്‍ നടപ്പാക്കുന്നു. പദ്ധതിയുടെ ഗുണഭോക്താക്കളെ സംബന്ധിച്ച വിവര ശേഖരണത്തിനായി സര്‍വകലാശാലയില്‍ നോഡല്‍ ഓഫീസറെ ചുമതലപ്പെടുത്തി. പ്രൊഫോമയും ഉത്തരവും സര്‍വകലാശാലാ വെബ്സൈറ്റില്‍ ലഭ്യമാണ്. പെന്‍ഷന്‍കാര്‍ നിശ്ചിത പ്രൊഫോമ പൂരിപ്പിച്ച് കെ.വി.അരുണ്‍ , കംപ്യൂട്ടര്‍ സെല്‍ഫിനാന്‍സ് ബ്രാഞ്ച്, കാലിക്കറ്റ് യൂണിവേഴ്സിറ്റി പി.ഒ, മലപ്പുറം673 635 എന്ന വിലാസത്തില്‍ 14നകം ലഭിക്കണം.
ബിരുദ പ്രവേശന ട്രയല്‍ അലോട്ട്മെന്‍റ് ഇന്ന്
ഏകജാലക ബിരുദ പ്രവേശന ട്രയല്‍ അലോട്ട്മെന്‍റ് ജൂണ്‍ ഏഴിന് രാവിലെ പത്ത് മുതല്‍ ലഭ്യമാകും. അഫ്സല്‍ ഉല്‍ഉലമ (പ്രിലിമിനറി) ട്രയല്‍ അലോട്ട്മെന്‍റും ഇന്ന് പ്രസിദ്ധീകരിക്കും. ട്രയല്‍ അലോട്ട്മെന്‍റിന് ശേഷം നേരത്തെ സമര്‍പ്പിച്ച കോളജ്, കോഴ്സ് ഓപ്ഷനുകള്‍ എട്ട് വരെ പുനഃക്രമീകരിക്കാം. ഇതിനായി വിദ്യാര്‍ഥിയുടെ ലോഗിന്‍ വിവരങ്ങള്‍ ഉപയോഗിച്ച് ലോഗിന്‍ ചെയ്ത് കോളജ് കോഴ്സ് ഓപ്ഷന്‍ ഡ്രാഗ് ആന്‍റ് ഡ്രോപ് സൗകര്യം ഉപയോഗിച്ച് പുനഃക്രമീകരിക്കാവുന്നതാണ്. പുതിയ കോളജോ, കോഴ്സുകളൊ ഈ അവസരത്തില്‍ കൂട്ടിചേര്‍ക്കാന്‍ സാധിക്കുന്നതല്ല.
വനിതാ മെഡിക്കല്‍ ഓഫീസര്‍ : അപേക്ഷ ക്ഷണിച്ചു
ഹെല്‍ത്ത് സെന്‍ററിലേക്ക് വനിതാ മെഡിക്കല്‍ ഓഫീസര്‍ തസ്തികയില്‍ കരാര്‍ നിയമനത്തിന് ഓണ്‍ലൈന്‍ അപേക്ഷ ക്ഷണിച്ചു. അവസാന തിയതി 12. പ്രതിമാസ മൊത്തവേതനം: 45,000 രൂപ. യോഗ്യത: എംബിബിഎസ് ബിരുദവും ഇന്ത്യന്‍ മെഡിക്കല്‍ അസോസിയേഷനില്‍ രജിസ്ട്രേഷനും അഞ്ച് വര്‍ഷത്തെ പരിചയവും. അഞ്ച് വര്‍ഷ പരിചയം ഉള്ളവരുടെ അഭാവത്തില്‍ കുറഞ്ഞ പരിചയവും പരിഗണിക്കും. പ്രായം 2018 ജനുവരി ഒന്നിന് 36 വയസ് കവിയരുത്. വിവരങ്ങള്‍ വെബ്സൈറ്റില്‍ .
എംഎഡ്: 12 വരെ പ്രവേശനം നേടാം
എംഎഡ് പ്രവേശനത്തിന് ഓണ്‍ലൈന്‍ രജിസ്ട്രേഷന്‍ ഫീസ് അടക്കാനുള്ള അവസാന തിയതി 11. ഫീസ് അടച്ചവര്‍ക്ക് ജൂണ്‍ 12 വരെ ഓണ്‍ലൈനായി അപേക്ഷ സമര്‍പ്പിക്കാം.
ഡിഗ്രി പുനര്‍മൂല്യനിര്‍ണയ ഫലം
വിദൂരവിദ്യാഭ്യാസ വിഭാഗത്തിന് കീഴിലെ വിദേശ/കേരളത്തിന് പുറത്തെ കേന്ദ്രങ്ങളിലെ ബിഎ/ബികോം/ബിബിഎ ഒന്നാം സെമസ്റ്റര്‍ (ജൂണ്‍ 2017), ബികോം/ബിബിഎ രണ്ടാം സെമസ്റ്റര്‍ (ജൂണ്‍ 2017), മൂന്നാം സെമസ്റ്റര്‍ (ഫെബ്രുവരി 2017), ബിഎ/ബികോം നാലാം സെമസ്റ്റര്‍ (ജൂണ്‍ 2017), അഞ്ചാം സെമസ്റ്റര്‍ (ഫെബ്രുവരി 2017) സിയുസിഎസ്എസ് പരീക്ഷകളുടെയും ബികോം/ബിബിഎ മൂന്നാം സെമസ്റ്റര്‍ (ഫെബ്രുവരി 2017), ബികോം നാലാം സെമസ്റ്റര്‍ (ജൂണ്‍ 2017), അഞ്ചാം സെമസ്റ്റര്‍ (ഫെബ്രുവരി 2017) സിസിഎസ്എസ് പരീക്ഷകളുടെയും പുനര്‍മൂല്യനിര്‍ണയ ഫലം വെബ്സൈറ്റില്‍ .
ബി.വോക് പുനഃപരീക്ഷ
ഏപ്രില്‍ 27ന് നടത്തേണ്ടിയിരുന്ന അരീക്കോട് സുല്ലമുസ്സലാം സയന്‍സ് കോളജിലെ മൂന്നാം സെമസ്റ്റര്‍ ബി.വോക് പേപ്പര്‍ എസ്ഡിസി.3 എസ്ടി 09എ.എസപി.നെറ്റ് പ്രോഗ്രാമിംഗ് സപ്ലിമെന്ററി പുനഃപരീക്ഷ 12ന് സര്‍വകലാശാലാ കാമ്പസില്‍ നടക്കും.
സര്‍വകലാശാലാ ഹിന്ദി പഠനവകുപ്പിലെ പുനഃപരീക്ഷ മാറ്റി
ഹിന്ദി പഠനവകുപ്പിലെ (ഫെബ്രുവരി 21ന് നടത്തി റദ്ദാക്കിയ) എംഎ ഹിന്ദി (സിസിഎസ്എസ്, 2013 മുതല്‍ പ്രവേശനം) പേപ്പര്‍ എച്ച്‌ഐഎന്‍ഐസി 03ജനറല്‍ ലിംഗ്വിസ്റ്റിക്സ് പുനഃപരീക്ഷ ജൂണ്‍ 19ലേക്ക് മാറ്റി.
പരീക്ഷാഫലം
ആറാം സെമസ്റ്റര്‍ ബികോം ഓണേഴ്സ് റഗുലര്‍ /സപ്ലിമെന്ററി/ഇംപ്രൂവ്മെന്‍റ് ഏപ്രില്‍ 2018 പരീക്ഷാഫലം വെബ്സൈറ്റില്‍ . പുനര്‍മൂല്യനിര്‍ണയ അപേക്ഷയുടെ പ്രിന്റൗട്ട്, ചലാന്‍ സഹിതം 16നകം ലഭിക്കണം.
2017 ഡിസംബറില്‍ നടത്തിയ ഒന്നാം സെമസ്റ്റര്‍ എംഎസ്‌സി സ്റ്റാറ്റിസ്റ്റിക്സ് പരീക്ഷാഫലം വെബ്സൈറ്റില്‍ . പുനര്‍മൂല്യനിര്‍ണയത്തിന് ജൂണ്‍ 19 വരെ അപേക്ഷിക്കാം.