പഞ്ചവത്സര ബിബിഎ എൽഎൽബി പ്രവേശന പരീക്ഷ
എംജി യൂണിവേഴ്സിറ്റി സ്കൂൾ ഓഫ് ഇന്ത്യൻ ലീഗൽ തോട്ടിലെ പഞ്ചവത്സര ബിബിഎ എൽഎൽബി പ്രവേശന പരീക്ഷ ഒന്പതിനു രാവിലെ 10.30നു കോട്ടയം നട്ടാശേരിയിലുള്ള ലീഗൽ തോട്ടിൽ നടക്കും. പരീക്ഷാർഥികൾ അഡ്മിഷൻ കാർഡും തിരിച്ചറിയൽ രേഖയുമായി ഹാജരാകണം. അഡ്മിഷൻ കാർഡ് ലഭിച്ചിട്ടില്ലാത്തവർ ഓഫീസുമായി ബന്ധപ്പെടുക. ഫോണ്: 0481 2310165
ദ്വിവത്സര എംഎഡ് പ്രവേശനം
മൂവാറ്റുപുഴ നിർമല സദൻ ട്രെയിനിംഗ് കോളജിൽ 2018 2020 അക്കാദമിക വർഷത്തിലെ ദ്വിവത്സര എംഎഡ് (സ്പെഷ്യൽ എഡ്യൂക്കേഷൻ ഇന്റലക്ച്വൽ ഡിസെബിലിറ്റി) (സിഎസ്എസ്) പ്രോഗ്രാമിന് 18 വരെ അപേക്ഷിക്കാം.
പിഎച്ച്ഡി കോഴ്സ് വർക്ക് പരീക്ഷ
സ്കൂൾ ഓഫ് പെഡഗോഗിക്കൽ സയൻസസിൽ നടത്തുന്ന പിഎച്ച്ഡി കോഴ്സ് വർക്ക് 2017 ബാച്ചിന്റെ എക്സ്റ്റേണൽ പരീക്ഷകൾ 25, 26, 29 തീയതികളിൽ നടക്കും. അധ്യാപകർക്കും ജീവനക്കാർക്കും 750രൂപയും മറ്റുള്ളവർക്ക് 400 രൂപയുമാണ് പരീക്ഷാഫീസ്. കോഴ്സ് വർക്ക് പാസ് സർട്ടിഫിക്കറ്റ്/ ഗ്രേഡ് കാർഡ് ഫീസായി 100 രൂപയും സർവകലാശാലാ ഇപോർട്ടൽ വഴി ഇപേയ്മെന്റായി അടയ്ക്കണം. പൂരിപ്പിച്ച അപേക്ഷകൾ പഠനവകുപ്പിൽ 14 വരെയും 50 രൂപ പിഴയോടെ 18 വരെയും സ്വീകരിക്കും.
പരീക്ഷാഫലം
സ്കൂൾ ഓഫ് പ്യുവർ ആൻഡ് അപ്ലൈഡ് ഫിസിക്സിൽ 2017 ഒക്ടോബർ മാസത്തിൽ നടത്തിയ പിഎച്ച്ഡി കോഴ്സ് വർക്ക് (സിഎസ്എസ്) പരീക്ഷയുടെ ഫലം പ്രസിദ്ധപ്പെടുത്തി.