കണ്ണൂർ സർവകലാശാല തലശേരി, മാനന്തവാടി കാമ്പസുകളിൽ നടത്താനിരുന്ന പിജി കോഴ്സുകളിലേക്കുള്ള പ്രവേശനം താഴെപറയും വിധം പുനഃക്രമീകരിച്ചു. തീയതി, കോഴ്സ്, ഇന്‍റർവ്യൂ സമയം എന്നീ ക്രമത്തിൽ ചുവടെ. 13ന് എംഎ ആന്ത്രോപ്പോളജി (രാവിലെ 11), എംഎ അപ്ലൈഡ് ഇക്കണോമിക്സ് (രാവിലെ 10.30 ), എംഎ റൂറൽ ആൻഡ് ട്രൈബൽസ് (ഷുവർ ലിസ്റ്റ്രാവിലെ 10.30, വെയിറ്റിംഗ് ലിസ്റ്റ്ഉച്ചകഴിഞ്ഞ് രണ്ടിന്), എംഎ ഇംഗ്ലീഷ് (രാവിലെ 10), എംഎ അപ്ലൈഡ് സുവോളജി (രാവിലെ 11), എംഎസ്സി ബയോ ടെക്നോളജി (രാവിലെ 10), എംഎസ്സി മൈക്രോ ബയോളജി (രാവിലെ 10). 18ന്എൽഎൽഎം (രാവിലെ 10.30). വിശദവിവരങ്ങൾ www.cap.kannuruniversity.ac.in എന്ന വെബ്സൈറ്റിൽനിന്നും ലഭിക്കും. ഫോൺ: 04972715261,04972715284.
പരീക്ഷാ ഫലം പ്രസിദ്ധീകരിച്ചു
കണ്ണൂർ സർവകലാശാലയുടെ അഫിലിയേറ്റഡ് കോളജുകളിലെ ആറാം സെമസ്റ്റർ ഡിഗ്രി (സിബിസിഎസ്/സിസിഎസ്എസ് റഗുലർ/സപ്ലിമെന്‍ററി/ഇംപ്രൂവ്മെന്‍റ്), മേയ് 2018 പരീക്ഷകളുടെ ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധന/ സൂക്ഷ്മപരിശോധന/ഫോട്ടോകോപ്പി എന്നിവയ്ക്കുള്ള ഓണ്‍ലൈൻ അപേക്ഷകൾ വെബ്സൈറ്റിൽനിന്നും ഡൗണ്ലോഡ് ചെയ്തു മാർക്ക് ലിസ്റ്റിന്‍റെ സ്വയം സാക്ഷ്യപ്പെടുത്തിയ പകർപ്പിനോടൊപ്പം 21 വരെ സ്വീകരിക്കും. മാർക്ക് ലിസ്റ്റുകൾ വിതരണം ചെയ്യുന്ന തീയതി പിന്നീട് അറിയിക്കും.
എംഎസ്സി ഫിസിക്സ് പ്രവേശനം
പയ്യന്നൂർ സ്വാമി ആനന്ദ തീർഥ കാന്പസിലെ ഫിസിക്സ് വകുപ്പിൽ എംഎസ്എസി ഫിസിക്സിൽ എസ്‌സി, എസ്‌ടി വിഭാഗക്കാർക്കുള്ള സീറ്റുകൾ ഒഴിവുണ്ട്. യോഗ്യരായവർ അസൽ സർട്ടിഫിക്കറ്റുകൾ സഹിതം 13ന് രാവിലെ പത്തിന് ഡിപ്പാർട്ട്മെന്‍റിൽ ഹാജരാകണം.
സീറ്റൊഴിവ്
കണ്ണൂർ സർവകലാശാലയുടെ നീലേശ്വരം കാമ്പസിൽ നടത്തുന്ന എംഎ ഹിന്ദി പ്രോഗ്രാമിന് ഏതാനും സീറ്റുകള്‍ ഒഴിവുണ്ട്. പ്രവേശനപരീക്ഷയിൽ യോഗ്യത നേടിയ താത്പര്യമുള്ള വിദ്യാർഥികൾ 13ന് രാവിലെ പത്തിന് ഹിന്ദി വകുപ്പിൽ ഹാജരാകണം. ഇതൊടൊപ്പം വിദ്യാർഥികൾ ഹാജരാക്കേണ്ട സർട്ടിഫിക്കറ്റുകൾ, രേഖകൾ, ഫീസ് എന്നിവയുടെ വിശദവിവരങ്ങൾ സർവകലാശാല വെബ്സൈറ്റിൽ ലഭിക്കും. ഫോൺ: 04972715261, 04972715284.