രണ്ടാം സെമസ്റ്റർ എംഎ എസ്എൽപി പരീക്ഷ
2018 ജൂലൈയിൽ ആരംഭിക്കുന്ന രണ്ടാം സെമസ്റ്റർ എംഎഎസ്എൽപി ഡിഗ്രി പരീക്ഷയ്ക്ക് പിഴയില്ലാതെ 19 വരെയും 50 രൂപ പിഴയോടു കൂടി 21 വരെയും 125 രൂപ പിഴയോടുകൂടി 23 വരെയും ഫീസ് അടയ്ക്കാം.
നാലാം സെമസ്റ്റർ എംഎ, എംഎസ്സി, എംകോം, എംഎസ്ഡബ്യൂ, എംപിഎ, എംഎംസിജെ പരീക്ഷ
ജൂലൈ 30 ന് ആരംഭിക്കുന്ന നാലാം സെമസ്റ്റർ എംഎ, എംഎസ്സി, എംകോം, എംഎസ്ഡബ്യൂ, എംപിഎ, എംഎംസിജെ പരീക്ഷകളുടെ ഓണ്ലൈൻ രജിസ്ട്രേഷൻ 18ന് ആരംഭിക്കും. പിഴ കൂടാതെ 26വരെയും 50/ രൂപ പിഴയോടുകൂടി 28 വരെയും 125/ രൂപ പിഴയോടുകൂടി ജൂലൈ രണ്ടുവരെയും ഫീസടക്കാം. വിശദവിവരങ്ങൾ യൂണിവേഴ്സിറ്റി വെബ്സൈറ്റിൽ ലഭ്യമാണ്.
കരിയർ റിലേറ്റഡ് സിബിസിഎസ്എസ് രണ്ടാം സെമസ്റ്റർ പരീക്ഷാഫലം
2017 ജൂലൈയിൽ നടന്ന കരിയർ റിലേറ്റഡ് സിബിസിഎസ്എസ് രണ്ടാം സെമസ്റ്റർ ബിഎസ്സി എൻവയോണ്മെന്റ്ൽ സയൻസ് ആൻഡ് എൻവയോണ്മെന്റ് ആൻഡ് വാട്ടർ മാനേജ്മെന്റ് (2016 അഡ്മിഷൻ റെഗുലർ, 2015 അഡ്മിഷൻ ഇംപ്രൂവ്മെന്റ്, 2013 & 2014 അഡ്മിഷൻ സപ്ലിമെന്റ്റി) പരീക്ഷയുടെ ഫലം പ്രസിദ്ധീകരിച്ചു. വിശദമായ വിവരങ്ങൽ വെബ്സൈറ്റിൽ ലഭ്യമാണ്.
രണ്ടാം സെമസ്റ്റർ ബിഎസ്സി ഫലം
2017 ജൂലൈയിൽ നടന്ന രണ്ടാം സെമസ്റ്റർ ബിഎസ്സി (ബയോടെക്നോളജി മൾട്ടിമേജർ (350) റെഗുലർ 2016 അഡ്മിഷൻ, ഇംപ്രൂവ്മെന്റ്/സപ്ലിമെന്റി 2015 അഡ്മിഷൻ, സപ്ലിമെന്ററി 2014 അഡ്മിഷൻ) പരീക്ഷയുടെ ഫലം വെബ്സൈറ്റിൽ.സൂക്ഷമപരിശോധനയ്ക്കും പുനർ മൂല്യനിർണയത്തിനും ജൂലൈ ആറുവരെ ഓണ്ലൈനായി അപേക്ഷിക്കാം.
രണ്ടാം വർഷ എംഎച്ച്എ സപ്ലിമെന്ററി പരീക്ഷ
ജൂലൈ 25ന് ആരംഭിക്കുന്ന രണ്ടാം വർഷ എംഎച്ച്എ സപ്ലിമെന്ററി പരീക്ഷക്ക് പിഴയില്ലാതെ 16, 50 രൂപ പിഴയോടെ 19, 125 രൂപ പിഴയോടെ 21വരെ നേരിട്ട് അപേക്ഷിക്കാം.
പി.ജി ഡിപ്ലോമ ഇൻ യോഗാതെറാപ്പി (മോർണിംഗ് ബാച്ച്) സീറ്റൊഴിവ്
തുടർവിദ്യാഭ്യാസ വ്യാപന കേന്ദ്രം നടത്തുന്ന പി.ജിഡിപ്ലോമ ഇൻ യോഗാതെറാപ്പി (മോർണിംഗ് ബാച്ച്) കോഴ്സിന് എതാനും സീറ്റൊഴിവുണ്ട്. ക്ലാസുകൾ 20ന് ആരംഭിക്കും. അടിസ്ഥാന യോഗ്യത കേരള സർവകലാശാല അംഗീകരിച്ച ബിരുദം. കോഴ്സ് കാലാവധി ഒരു വർഷം. ക്ലാസുകൾ തിങ്കൾ മുതൽ ശനി വരെ. സമയം രാവിലെ ഏഴ് മുതൽ ഒൻപത് വരെ. കോഴ്സ് ഫീസ് 19,500 രൂപ. അപേക്ഷ ഫീസ് 100 രൂപ.താത്പര്യമുളളവർ പിഎംജി ജംഗ്ഷനിലെ CACEE ഓഫീസുമായി ബന്ധപ്പെടുക. ഫോണ് 04712302523
പി.ജി സർട്ടിഫിക്കറ്റ് ഇൻ ടിവി ന്യൂസ് ജേർണലിസം തീയതി നീട്ടി
തുടർ വിദ്യാഭ്യാസ വ്യാപന കേന്ദ്രം നടത്തുന്ന പി.ജി.സർട്ടിഫിക്കറ്റ് ഇൻ ടിവിന്യൂസ് ജേർണലിസം കോഴ്സിന് അപേക്ഷ സമർപ്പിയ്ക്കാനുളള അവസാന തീയതി 12 വരെ നീട്ടി. യോഗ്യത: കേരള സർവകലാശാല അംഗീകരിച്ച ബിരുദം. കോഴ്സ് കാലാവധി ആറ് മാസം, ഫീസ് 10,500 രൂപ. അപേക്ഷ ഫീസ് 150 രൂപ. അപേക്ഷ ഫോറം പിഎംജി ജംഗ്ഷനിലെ CACEE ഓഫീസിൽ ലഭിയ്ക്കും. ഉയർന്ന പ്രായ പരിധി ഇല്ല. വിവരങ്ങൾക്ക് 0471 2302523
ഡിപ്ലോമ ഇൻ ട്രാൻസ്ലേഷൻ സ്റ്റഡീസ് (ഡിടിഎസ്) പരീക്ഷ
2018 ജൂലൈയിൽ നടത്തുന്ന ഡിപ്ലോമ ഇൻ ട്രാൻസ്ലേഷൻ സ്റ്റഡീസ് (ഡിടിഎസ്) പരീക്ഷയ്ക്കുളള അപേക്ഷകൾ 18 വരെയും 50രൂപ പിഴയോടു കൂടി 20 വരെയും 125രൂപ പിഴയോടുകൂടി 22 വരെയും ഫീസ് അടച്ച് അപേക്ഷിക്കാം. വിശദവിവരങ്ങൾ വെബ്സൈറ്റിൽ ലഭ്യമാണ്.
പിഎച്ച്ഡി കോഴ്സ് വർക്ക്
2018 ജൂലൈയിൽ നടത്തുന്ന പിഎച്ച്ഡി കോഴ്സ് വർക്ക് പരീക്ഷയ്ക്കു അപേക്ഷ ക്ഷണിക്കുന്നു. അപേക്ഷ ഫോറവും, മറ്റ് വിശദവിവരങ്ങളും സർവ്വകലശാലയുടെ വെബ്സൈറ്റിൽ ന്ധന്യുസ്’ എന്ന ലിങ്കിൽ.
പ്രിൻസിപ്പൽമാരുടെ യോഗം മാറ്റി
ഒന്നാം വർഷ ബിരുദ പ്രവേശനവുമായി ബന്ധപ്പെട്ട് കേരള സർവകലാശാലയോട് അഫിലിയേറ്റ് ചെയ്തിട്ടുള്ള കോളജുകളിലെ പ്രിൻസിപ്പൽമാരുടെയും, അഡ്മിഷൻ കോഓർഡിനേറ്റർമാരുടെയും ഇന്നു നടത്താൻ നിശ്ചയിച്ചിരുന്ന യോഗം 11 ലേക്ക് മാറ്റി. സർക്കാർ/എയ്ഡഡ് കോളജുകളുടേത് രാവിലെ 10.30നും , സ്വാശ്രയ/യുഐടി/ ഐഎച്ച്ആർഡി എന്നിവയുടേത് ഉച്ചയ്ക്ക് 1.45നുമാണ് നടത്തുന്നത്.
ഓണ്ലൈൻ അപേക്ഷ: അവസാന തീയതി ഇന്ന്
കേരള സർവകലാശാലയോട് അഫിലിയേറ്റ് ചെയ്തിട്ടുള്ള ആർട്സ് ആന്റ് സയൻസ് കോളജുകളിലെ ഒന്നാം വർഷ ബിരുദ പ്രവേശനം 2018ന് ഓണ്ലൈൻ അപേക്ഷ സമർപ്പിക്കുന്നതിനുള്ള അവസാന തീയതി ഇന്നാണ്.