രണ്ടാം സെമസ്റ്റർ എംഎഡ് പരീക്ഷാഫലം
കണ്ണൂർ സർവകലാശാലയുടെ രണ്ടാം സെമസ്റ്റർ എംഎഡ് ഡിഗ്രി (റഗുലർ/സപ്ലിമെന്ററി/ഇംപ്രൂവ്മെന്റ്), എപ്രിൽ 2017 പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്.
ബിടിടിഎം പ്രായോഗിക, വാചാ പരീക്ഷ
രണ്ടാം സെമസ്റ്റർ ബിടിടിഎം പ്രായോഗിക, വാചാ പരീക്ഷ 12 ന് (ജിപിഎം ഗവ.കോളജ്, മഞ്ചേശ്വരം, പീപ്പിൾസ് കോഓപ്പറേറ്റീവ് ആർട്സ് ആൻഡ് സയൻസ് കോളജ്, മുന്നാട്, എംഐസി ആർട്സ് ആൻഡ് സയൻസ് കോളജ്, തെക്കിൽ), ജൂണ് 2018 (മഹാത്മഗാന്ധി ആർട്സ് ആൻഡ് സയൻസ് കോളജ്, ചെണ്ടയാട്) തീയതികളിൽ നടക്കും.
നാലാം സെമസ്റ്റർ മാസ്റ്റർ ഓഫ് ടൂറിസം ആൻഡ് ട്രാവൽ മാനേജ്മെന്റ് പ്രോജക്ട് മൂല്യനിർണയം, വാചാ പരീക്ഷ
നാലാം സെമസ്റ്റർ മാസ്റ്റർ ഓഫ് ടൂറിസം ആൻഡ് ട്രാവൽ മാനേജ്മെന്റ് (എംടിടിഎം) ഡിഗ്രി (റഗുലർ, സപ്ലിമെന്ററിമാർച്ച് 2018) യുടെ പ്രോജക്ട് മൂല്യനിർണയം, വാചാ പരീക്ഷ 13 ന് മുന്നാട് പീപ്പിൾസ് കോഓപ്പറേറ്റീവ് ആർട്സ് ആൻഡ് സയൻസ് കോളജിൽ നടക്കും. രജിസ്റ്റർ ചെയ്ത വിദ്യാർഥികൾ കോളജുമായി ബന്ധപ്പെടണം.
നാലാം സെമസ്റ്റർ എംബിഎ പരീക്ഷാഫലം
നാലാം സെമസ്റ്റർ എംബിഎ (റഗുലർ2015 അഡ്മിഷൻ, സപ്ലിമെന്ററി), ജൂലൈ 2017 (മാലിക് ദിനാർ ഇൻസ്റ്റിറ്റ്യൂട്ട് ഓഫ് മാനേജ്മെന്റ് സ്റ്റഡീസ്) പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനർമൂല്യനിർണയം, സൂക്ഷ്മപരിശോധന, ഫോട്ടോകോപ്പി എന്നിവയ്ക്കുള്ള അപേക്ഷകൾ 22 വരെ സർവകലാശാലയിൽ സ്വീകരിക്കും.
വാക്ക് ഇൻ ഇന്റർവ്യൂ
ധർമശാല സ്കൂൾ ഓഫ് പെഡഗോഗിക്കൽ സയൻസസ് കാന്പസിൽ അസിസ്റ്റന്റ് പ്രഫസർമാരുടെ (സയൻസ് എഡ്യുക്കേഷൻ, മാത്തമാറ്റിക്കൽ എഡ്യുക്കേഷൻ) എന്നീ തസ്തികയിലേക്ക് കരാറടിസ്ഥാനത്തിൽ അസിസ്റ്റന്റ് പ്രഫസർമാരെ നിയമിക്കുന്നതിനായി 14 ന് രാവിലെ 11 ന് കണ്ണൂർ സർവകലാശാലയുടെ താവക്കര ആസ്ഥാനത്ത് ഇന്റർവ്യൂ നടത്തും. നെറ്റ്/പിഎച്ച്ഡി യോഗ്യതയുള്ള ഉദ്യോഗാർഥികൾ ആവശ്യമായ രേഖകളും അവയുടെ സ്വയം സാക്ഷ്യപ്പെടുത്തിയ പകർപ്പുകളും അപേക്ഷാഫീസിനത്തിൽ 210 രൂപ സർവകലാശാല ഫണ്ടിൽ അടച്ച രസീതുമായി അന്നേദിവസം കൃത്യം രാവിലെ 9.30 ന് എത്തണം. വിശദവിവരങ്ങൾ സർവകലാശാലയുടെ വെബ്സൈറ്റിൽ (www.kannuruniverstiy.ac.in) ലഭ്യമാണ്.