എൻആർഐ സീറ്റിലേക്ക് പ്രവേശനം
കണ്ണൂർ സർവകലാശാലയിലെ വിവിധ പഠന വകുപ്പുകളിലെ എംഎസ്സി എൻവയോൺ
മെന്റൽ സയൻസ്, എംഎസ്സി മോളിക്യുലാർ ബയോളജി, എംഎസ്സി അപ്ലൈഡ് സുവോളജി, എംസിഎ, എംസി (ലാറ്ററൽ എൻട്രി) എന്നീ പ്രോഗ്രാമുകളിലേക്ക് എൻആർഐ സീറ്റുകളിലേക്കുള്ള പ്രവേശനത്തിന് അതതു ഡിപ്പാർട്ടുമെന്റുകളുമായി ബന്ധപ്പെടണം.
ഒന്നും രണ്ടും സെമസ്റ്റർ ബിടെക് സപ്ലിമെന്ററി പരീക്ഷകൾ
ഒന്നും രണ്ടും സെമസ്റ്റർ ബിടെക് ഡിഗ്രി (സപ്ലിമെന്ററി ന്യൂ സ്കീം പാർട്ട് ടൈം ഉൾപ്പെടെ) പരീക്ഷകൾക്കുള്ള ഓണ്ലൈൻ രജിസ്ട്രേഷൻ ആരംഭിച്ചു. അപേക്ഷകൾ പിഴ കൂടാതെ ജൂണ് 13 മുതൽ 20 വരേയും 160 രൂപ പിഴയോടെ 27 വരേയും ഓണ്ലൈനായി സമർപ്പിക്കാം. അപേക്ഷകളുടെ പ്രിന്റൗട്ട് ചലാൻ സഹിതം ജൂണ് 30 വരെ സർവകലാശാലയിൽ സ്വീകരിക്കും. പരീക്ഷാതീയതി പിന്നീട് പ്രഖ്യാപിക്കുന്നതാണ്. പുതുക്കിയ നിരക്കു പ്രകാരമാണ് ഫീസ് അടയ്ക്കേണ്ടത്. പുതുക്കിയ നിരക്ക് ഇപ്രകാരമാണ്. തിയതി 140 രൂപ, പ്രാക്ടിക്കൽ 160 രൂപ, വൈവ 120 രൂപ, മാർക്ക് ലിസ്റ്റ് 65 രൂപ, ക്യാന്പ് ഫീ 160 രൂപ, അപേക്ഷാഫോം ഫീ 45 രൂപ. 2008, 2009, 2010 അഡ്മിഷൻ വിദ്യാർഥികൾ (2010 അഡ്മിഷൻ പാർട്ട് ടൈം വിദ്യാർഥികൾ ഒഴികെ) അപേക്ഷയോടൊപ്പം റീ റജിസ്ട്രേഷൻ ഫോം കൂടി സമർപ്പിക്കേണ്ടതാണ്.
സ്പോർട്സ്, കമ്യൂണിറ്റി ക്വാട്ട റാങ്ക് ലിസ്റ്റ് 20 ന്
201819 ബിരുദ പ്രവേശനത്തിനായി സ്പോർട്സ്, കമ്യൂണിറ്റി എന്നീ ക്വാട്ടകളിൽ അപേക്ഷിച്ചവരുടെ മെറിറ്റ് അടിസ്ഥാനത്തിലുള്ള റാങ്ക് ലിസ്റ്റ് 20 ന് അതതു കോളജുകളിൽ പ്രസിദ്ധപ്പെടുത്തുന്നതാണ്.