പുനർ മൂല്യനിർണയഫലം
കണ്ണൂർ സർവകലാശാലയുടെ 2017 നവംബറിൽ നടത്തിയ അഞ്ചാം സെമസ്റ്റർ ബിരുദ പരീക്ഷകളുടെ പുനർ മൂല്യനിർണയഫലം സർവകലാശാല വെബ്സൈറ്റിൽ ലഭ്യമാണ്. മൂല്യനിർണയം പൂർത്തിയായ ഫലങ്ങളാണ് ഇപ്പോൾ പ്രസിദ്ധീകരിച്ചിട്ടുള്ളത്. പൂർണ ഫലപ്രഖ്യാപനം മൂല്യനിർണയം പൂർത്തിയാകുന്ന മുറയ്ക്കു നടത്തും. മാർക്ക്/ഗ്രേഡ്/ഗ്രേഡ് പോയിന്റിലോ മാറ്റമുള്ളപക്ഷം റിസൽട്ട് മെമ്മോയുടെ ഡൗണ്ലോഡ് ചെയ്ത പകർപ്പും മാർക്ക് ലിസ്റ്റും സഹിതം ബന്ധപ്പെട്ട ടാബുലേഷൻ സെക്ഷനിൽ സമർപ്പിക്കണം.
ബിസിഎ (വിദൂര വിദ്യാഭ്യാസം) പ്രോജക്ട് പ്രസന്റേഷൻ പരീക്ഷ
അവസാന വർഷ ബിസിഎ (വിദൂര വിദ്യാഭ്യാസം) ഡിഗ്രി (റെഗുലർ/സപ്ലിമെന്ററി 2011 അഡ്മിഷൻ മുതൽ) മാർച്ച് 2018 യുടെ പ്രോജക്ട് പ്രസന്റേഷൻ പരീക്ഷ 19, 20 തീയതികളിൽ വിവിധ കേന്ദ്രങ്ങളിൽ നടത്തും. വിശദമായ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്.
എംഎസ്ഡബ്ല്യു ഡിഗ്രി പ്രോജക്ട് മൂല്യനിർണയം/വാചാ പരീക്ഷ
നാലാം സെമസ്റ്റർ എംഎസ്ഡബ്ല്യു ഡിഗ്രി (റഗുലർ/സപ്ലിമെന്ററി മാർച്ച് 2018) യുടെ പ്രോജക്ട് മൂല്യനിർണയം/വാചാ പരീക്ഷ 18, 19 തീയതികളിൽ അങ്ങാടിക്കടവ് ഡോണ് ബോസ്കോ കോളജിലും 20 ന് പിലാത്തറ സെന്റ് ജോസഫ്സ് കോളജിലും നടത്തും. രജിസ്റ്റർചെയ്ത വിദ്യാർഥികൾ കോളജുമായി ബന്ധപ്പെടണം.
പിഎച്ച്ഡി പ്രവേശന പരീക്ഷ 24 ന്
കണ്ണൂർ സർവകലാശാലയുടെ 201819 വർഷത്തെ പിഎച്ച്ഡി പ്രവേശനത്തിന് 03.05.2018 തീയതിയിലെ വിജ്ഞാപനപ്രകാരം അപേക്ഷിച്ചവർക്കുള്ള പ്രവേശന പരീക്ഷ 24 ന് രാവിലെ 10 മുതൽ സർവകലാശാലയുടെ മാങ്ങാട്ടുപറന്പ് കാന്പസിലെ വിവിധ ഡിപ്പാർട്ടുമെന്റുകളിൽ നടത്തും. 24.06.2018 ലേക്കു പുനക്രമീകരിച്ചിട്ടുള്ള പ്രസ്തുത പരീക്ഷയുടെ ഹാൾടിക്കറ്റുകളും അപേക്ഷകർക്കുള്ള നിർദേശങ്ങളും വെബ്സൈറ്റിൽനിന്നും ഡൗണ്ലോഡ് ചെയ്യേണ്ടതും ഫോട്ടോ പതിച്ച് ഗസറ്റഡ് ഓഫീസർ അറ്റസ്റ്റ് ചെയ്തു പരീക്ഷാസമയത്ത് ഹാജരാക്കേണ്ടതാണ്. വെബ്സൈറ്റ്: www.kannuruniversity.ac.in.