ബിഎഡ് കോഴ്സിന് 25 വരെ അപേക്ഷിക്കാം
2018 അധ്യയനവർഷത്തെ ബിഎഡ് കോഴ്സിന് അപേക്ഷ സമർപ്പിക്കേണ്ട അവസാന തീയതി ഈമാസം 25 വരെ നീട്ടി.
പിജി പ്രവേശനം ഏകജാലകത്തിലൂടെ
കണ്ണൂർ സർവകലാശാലയോട് അഫിലിയേറ്റ് ചെയ്തിട്ടുള്ള സർക്കാർ, എയ്ഡഡ്, സെല്ഫ് ഫിനാന്സിംഗ് കോളജുകളിലേക്കുള്ള 201819 അധ്യയനവർഷത്തെ പിജി കോഴ്സുകളിലേക്കുള്ള പ്രവേശനം ഏകജാലക സംവിധാനത്തിലൂടെ നടത്തും. കണ്ണൂർ സർവകലാശാലയുടെ കീഴിൽ പ്രവേശനം ആഗ്രഹിക്കുന്ന എല്ലാ വിദ്യാര്ഥികളും ഏകജാലക സംവിധാനം വഴി അപേക്ഷ സമര്പ്പിക്കണം. 20 ന് വൈകുന്നേരം നാലു മുതൽ ഓണ്ലൈനായി രജിസ്റ്റർ ചെയ്യാം. ഓണ്ലൈൻ രജിസ്ട്രേഷ൯ സംബന്ധമായ വിവരങ്ങൾ kannuruniversity.ac.in എന്ന വെബ്സൈറ്റിലെ ലിങ്കിൽ ലഭ്യമാണ്. രജിസ്ട്രഷന് പൂർത്തിയാക്കേണ്ട അവസാന തീയതി ജൂലൈ അഞ്ചാണ്.
കമ്യൂണിറ്റി, മാനേജ്മെന്റ്, സ്പോര്ട്സ് എന്നീ ക്വാട്ടകളിൽ പ്രവേശനം ആഗ്രഹിക്കുന്നവര് ഓണ്ലൈൻ അപേക്ഷയുടെ പ്രിന്റൗട്ടും ആവശ്യമായ രേഖകളും സഹിതം പ്രവേശനം ആഗ്രഹിക്കുന്ന കോളജുകളില് പ്രത്യേകം അപേക്ഷ സമര്പ്പിക്കണം.
സെല്ഫ് ഫിനാന്സിംഗ് കോളജുകളുടെ ഫീസ് നിരക്ക് സര്ക്കാർ/എയ്ഡഡ് കോളജുകളെ അപേക്ഷിച്ച് കൂടുതലാണ്. നോണ് ക്രീമിലെയർ സർട്ടിഫിക്കറ്റിന്റെ അടിസ്ഥാനത്തിലാണ് എസ്ഇബിസി വിഭാഗങ്ങള്ക്ക് സംവരണം അനുവദിക്കുന്നത്. കോളജുകളെ സംബന്ധിക്കുന്ന വിവരങ്ങൾ( ദൂരം, ഹോസ്റ്റല് സൗകര്യം മുതലായവ) അതത് കോളജുകളുടെ വെബ്സൈറ്റിൽ ലഭ്യമാണ്. അത് പരിശോധിച്ചതിനുശേഷം മാത്രം കോളജുകള് തെരഞ്ഞെടുക്കേണ്ടതാണ്.
ഓണ്ലൈൻ രജിസ്ട്രേഷൻ ചെയ്തതിനുശേഷം അപേക്ഷയുടെ പ്രിന്റൗട്ട് കോളജുകളിലേക്കോ സര്വകലാശാലയിലേക്കോ അയക്കേണ്ടതില്ല. അപേക്ഷയുടെ പ്രിന്റൗട്ടും ഫീസടച്ചതിന്റെ രസീതും പ്രവേശനസമയത്ത് അതത് കോളജുകളിൽ ഹാജരാക്കണം. ഓണ്ലൈൻ രജിസ്ട്രേഷൻ ഫീസ് 400 രൂപയാണ്. (എസ്സി,എസ്ടി വിഭാഗത്തിന് 100)
ഏകജാലക സംവിധാനത്തിലുള്ള എല്ലാ ഫീസുകളും എസ്ബിഐ കളക്ട് മുഖാന്തിരം അടയ്ക്കേണ്ടതാണ്. ഓണ്ലൈനായും ഇ ചലാൻ വഴിയും ഫീസ് അടയ്ക്കാനുള്ള സംവിധാനം എസ്ബിഐ കളക്ട് മുഖേന ലഭ്യമാണ്. ഇതുസംബന്ധിച്ചുള്ള വിവരങ്ങള് www.kannuruniversity.ac.in എന്ന വെബ്സൈറ്റില് ലഭ്യമാണ്. ഡിഡി, ചെക്ക്, മറ്റു ചലാനുകള് തുടങ്ങിയവ സ്വീകരിക്കുന്നതല്ല.
റാങ്ക് ലിസ്റ്റ് ജൂലൈ 10 ന്
ഓണ്ലൈനായി രജിസ്റ്റർചെയ്ത അപേക്ഷകരുടെ പ്രൊവിഷണൽ റാങ്ക് ലിസ്റ്റ് ജൂലൈ 10ന് പ്രസിദ്ധീകരിക്കും. ജൂലൈ 16 മുതൽ കോളജുകളിൽ പ്രവേശനം നടത്തുന്നതും ജൂലൈ 18ന് ഒന്നാം സെമസ്റ്റർ ക്ലാസുകൾ ആരംഭിക്കുന്നതുമാണ്.