നാലാം സെമസ്റ്റർ എംബിഎ പരീക്ഷ: അപേക്ഷകൾ 25 വരെയും 50 രൂപ പിഴയോടെ 27 വരെയും 500 രൂപ സൂപ്പർഫൈനോടെ ജൂലൈ രണ്ടു വരെയും സമർപ്പിക്കാം
നാലാം സെമസ്റ്റർ എംബിഎ (2016 അഡ്മിഷൻ റെഗുലർ, 2013 2015 അഡ്മിഷൻ സപ്ലിമെന്ററി, 2012 അഡ്മിഷൻ ആദ്യ മേഴ്സി ചാൻസ്) പരീക്ഷകൾ ജൂലൈ 10ന് ആരംഭിക്കും. അപേക്ഷകൾ 25 വരെയും 50 രൂപ പിഴയോടെ 27 വരെയും 500 രൂപ സൂപ്പർഫൈനോടെ ജൂലൈ രണ്ടു വരെയും സമർപ്പിക്കാം. റെഗുലർ വിദ്യാർഥികൾ 200 രൂപയും വീണ്ടുമെഴുതുന്നവർ പേപ്പറൊന്നിന് 40 രൂപയും (പരമാവധി 200 രൂപ) സിവി ക്യാന്പ് ഫീസായി പരീക്ഷാ ഫീസിന് പുറമെ അടയ്ക്കണം. റെഗുലർ വിദ്യാർഥികൾ പ്രൊവിഷണൽ ഡിഗ്രി സർട്ടിഫിക്കറ്റ് ഫീസായി 125 രൂപയും അടയ്ക്കണം. മേഴ്സി ചാൻസ് പരീക്ഷയെഴുതുന്ന വിദ്യാർഥികൾ സ്പെഷൽ ഫീസായി 5000 രൂപയും പരീക്ഷാഫീസിനും സിവി ക്യാന്പ് ഫീസിനും പുറമെ അടയ്ക്കണം.
അഫിലിയേറ്റഡ് കോളജുകളിലും സീപാസിലും നടത്തുന്ന രണ്ടാം സെമസ്റ്റർ ബിഎഡ് (ദ്വിവർഷം, ക്രെഡിറ്റ് ആൻഡ് സെമസ്റ്റർ 2017 അഡ്മിഷൻ റെഗുലർ, 2015 ആൻഡ് 2016 അഡ്മിഷൻ സപ്ലിമെന്ററി) പരീക്ഷകൾ ജൂലൈ 11ന് ആരംഭിക്കും. അപേക്ഷകൾ 19 വരെയും 50 രൂപ പിഴയോടെ 20 വരെയും 500 രൂപ സൂപ്പർഫൈനോടെ 22 വരെയും സ്വീകരിക്കും. റെഗുലർ വിദ്യാർഥികൾ 100 രൂപയും സപ്ലിമെന്ററി വിദ്യാർഥികൾ പേപ്പറൊന്നിന് 30 രൂപയും (പരമാവധി 200 രൂപ) സിവി ക്യാന്പ് ഫിസായി പരീക്ഷാഫീസിന് പുറമെ അടയ്ക്കണം.
പ്രാക്ടിക്കൽ
2018 മേയിൽ തൃപ്പൂണിത്തുറ ആർഎൽവി കോളജിൽ നടത്തിയ അഞ്ചാം സെമസ്റ്റർ ബിഎ (സിബിസിഎസ്എസ്) സ്പെഷൽ സപ്ലിമെന്ററി പരീക്ഷയുടെ കഥകളി സംഗീതം പ്രാക്ടിക്കൽ പരീക്ഷ 21ന് ആർഎൽവി കോളജിൽ നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
നാലാം സെമസ്റ്റർ ബിഎസ്സി അപ്പാരൽ ആൻഡ് ഫാഷൻ ഡിസൈൻ ആൻഡ് ബിഎഫ്ടി (യുജി സിബിസിഎസ്എസ് 2016 അഡ്മിഷൻ റെഗുലർ, 20132015 അഡ്മിഷൻ റീഅപ്പിയറൻസ്) ഏപ്രിൽ 2018 പരീക്ഷയുടെ പ്രാക്ടിക്കൽ 19 മുതൽ വിവിധ കോളജുകളിൽ നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
അഞ്ചാം സെമസ്റ്റർ ബിഎ അനിമേഷൻ ആൻഡ് ഗ്രാഫിക് ഡിസൈൻ, ബിഎ മൾട്ടിമീഡിയ, ബിഎ വിഷ്വൽ ആർട്സ്, ബിഎ വിഷ്വൽ കമ്മ്യൂണിക്കേഷൻ, ബിഎ അനിമേഷൻ ആൻഡ് വിഷ്വൽ എഫക്ട്സ് (സിബിസിഎസ്എസ് 2013, 2014 ആൻഡ് 2015 അഡ്മിഷൻ)(പരാജയപ്പെട്ട വിദ്യാർഥികൾക്ക് മാത്രം) മേയ് 2018 പരീക്ഷയുടെ പ്രാക്ടിക്കൽ 18 മുതൽ ആരംഭിക്കും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
നാലാം സെമസ്റ്റർ എംഎച്ച്ആർഎം (പുതിയ സ്കീം 2016 അഡ്മിഷൻ റെഗുലർ, 2016ന് മുന്പുള്ള അഡ്മിഷൻ സപ്ലിമെന്ററി) മേയ്, ജൂണ് 2018 പരീക്ഷയുടെ പ്രാക്ടിക്കൽ ആൻഡ് വൈവാവോസി 20, 21, 22 തീയതികളിൽ അങ്കമാലി ഡി പോൾ ഇൻസ്റ്റിറ്റ്യൂട്ടിൽ നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
നാലാം സെമസ്റ്റർ ബിഎസ്സി ഫിസിക്സ് (സിബിസിഎസ്എസ് യുജി റെഗുലർ ആൻഡ് സപ്ലിമെന്ററി) ഏപ്രിൽ 2018 പരീക്ഷയുടെ പ്രാക്ടിക്കൽ 18 മുതൽ അതാത് കോളജുകളിൽ നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
നാലാം സെമസ്റ്റർ ബിഎസ്സി കെമിസ്ട്രി (സിബിസിഎസ്എസ് യുജി റെഗുലർ ആൻഡ് സപ്ലിമെന്ററി) ഏപ്രിൽ 2018 പരീക്ഷയുടെ പ്രാക്ടിക്കൽ 19 മുതൽ അതാത് കോളജുകളിൽ നടത്തും.
വൈവാവോസി
നാലാം സെമസ്റ്റർ എംഎസ്ഡബ്ല്യു (2016 അഡ്മിഷൻ 2013, 2014 ആൻഡ് 2015 അഡ്മിഷൻ സപ്ലിമെന്ററി, മേഴ്സി ചാൻസ്) മേയ് 2018 പരീക്ഷയുടെ വൈവാവോസി 18, 19 തീയതികളിൽ വിവിധ കേന്ദ്രങ്ങളിൽ രാവിലെ 10 മുതൽ നാലു വരെ നടത്തും.
ബിഎഡ് പ്രവേശനം
201819 അക്കാദമിക വർഷത്തിൽ എംജി സർവകലാശാലയിൽ അഫിലിയേറ്റ് ചെയ്ത ട്രെയിനിംഗ് കോളജിൽ ബിഎഡ് പ്രോഗ്രാമിന് കമ്മ്യൂണിറ്റി ക്വാട്ടയിൽ അപേക്ഷിക്കുന്നവർ റവന്യൂ അധികാരിയിൽ നിന്നുള്ള കമ്മ്യൂണിറ്റി സർട്ടിഫിക്കറ്റാണ് ഹാജരാക്കേണ്ടത്. പ്രവേശന തീയതിയായ 23ന് കമ്മ്യൂണിറ്റി സർട്ടിഫിക്കറ്റ് സമർപ്പിക്കണം.
സർട്ടിഫിക്കറ്റ് വിതരണം 17ന്
ഡിപ്പാർട്ട്മെന്റ് ഓഫീസ് ലൈഫ്ലോംഗ് ലേണിംഗ് ആൻഡ് എക്സ്റ്റൻഷന്റെ നേതൃത്വത്തിൽ നടത്തുന്ന വിവിധ സർട്ടിഫിക്കറ്റ് കോഴ്സുകളിലെ വിജയികൾക്കുള്ള സർട്ടിഫിക്കറ്റ് വിതരണം 17ന് രാവിലെ 10.30ന് സർവകലാശാലാ അസംബ്ലിഹാളിൽ വൈസ് ചാൻസലർ ഡോ. ബാബു സെബാസ്റ്റ്യൻ ഉദ്ഘാടനം ചെയ്യും. സിൻഡിക്കേറ്റംഗം പി.കെ. ഹരികുമാർ അധ്യക്ഷത വഹിക്കും. കെ. സുരേഷ്കുറുപ്പ് എംഎൽഎ മുഖ്യാതിഥിയായിരിക്കും.
പരീക്ഷാഫലം
2018 ജനുവരിയിൽ നടത്തിയ സീപാസ് കോളജുകളുടെ ഒന്നും മൂന്നും സെമസ്റ്റർ ബിടെക് (റെഗുലർ) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 27 വരെ അപേക്ഷിക്കാം.
2017 ജൂണിൽ നടത്തിയ രണ്ടാം സെമസ്റ്റർ എംഎ ഇക്കണോമിക്സ് (സിഎസ്എസ് റെഗുലർ, ഇംപ്രൂവ്മെന്റ്, സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 27 വരെ അപേക്ഷിക്കാം.
2017 ജൂണിൽ നടത്തിയ രണ്ടാം സെമസ്റ്റർ എംഎ ഇസ്ലാമിക് ഹിസ്റ്ററി (സിഎസ്എസ് ഇംപ്രൂവ്മെന്റ്, സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 27 വരെ അപേക്ഷിക്കാം.
2017 ജൂണിൽ നടത്തിയ രണ്ടാം സെമസ്റ്റർ എംഎ സോഷ്യോളജി (സിഎസ്എസ് ഇംപ്രൂവ്മെന്റ്, സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 27 വരെ അപേക്ഷിക്കാം.
2017 ജൂണിൽ നടത്തിയ രണ്ടാം സെമസ്റ്റർ എംകോം (പിജി സിഎസ്എസ് റെഗുലർ, ഇംപ്രൂവ്മെന്റ്, സപ്ലിമെന്ററി) പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 27 വരെ അപേക്ഷിക്കാം.
2017 ജൂലൈയിൽ നടത്തിയ രണ്ടാം സെമസ്റ്റർ ബികോം (സിബിസിഎസ്എസ് മോഡൽ ഒന്ന്, രണ്ട്, മൂന്ന് 2013ന് മുന്പുള്ള അഡ്മിഷൻ) പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 26 വരെ അപേക്ഷിക്കം.
2018 ഏപ്രിലിൽ സ്കൂൾ ഓഫ് കംപ്യൂട്ടർ സയൻസസിൽ നടത്തിയ മൂന്നാം സെമസ്റ്റർ എംടെക് (എൻജിനീയറിംഗ് ആൻഡ് ടെക്നോളജി സിഎസ്എസ്) പരീക്ഷയുടെ ഫലം പ്രസിദ്ധീകരിച്ചു.
എംജിയിൽ പരീക്ഷാഫല പ്രഖ്യാപനം പത്തുദിവസത്തിൽ
ജൂണ് രണ്ടിനു നടന്ന പിഎച്ച്ഡി അഭിരുചി പരീക്ഷ 2018 (WAT)ന്റെ പരീക്ഷാഫലം കഴിഞ്ഞ 13ന് പ്രസിദ്ധീകരിച്ച് വേഗതയിൽ യൂണിവേഴ്സിറ്റി എല്ലാ റിക്കാർഡുകളും തിരുത്തിക്കുറിച്ചു. കേവലം നാലുദിവസം മാത്രമെടുത്താണ് 25 വിവിധ വിഷയങ്ങളിൽ നടന്ന പരീക്ഷകളുടെ ഉത്തരക്കടലാസ് പരിശോധനാ ക്യാന്പ് പൂർത്തീകരിച്ച് ഈ നേട്ടം കൈവരിച്ചതെന്ന് വൈസ് ചാൻസലർ ഡോ. ബാബു സെബാസ്റ്റ്യൻ അറിയിച്ചു.