പ്ലസ് വണ് ഏകജാലകം: സ്കൂള്/കോംബിനേഷന് മാറ്റങ്ങള്ക്ക് അപേക്ഷിക്കാം
തിരുവനന്തപുരം: ഏകജാലകരീതിയിലൂടെ മെരിറ്റ് ക്വോട്ടയില് പ്രവേശനം നേടിയ വിദ്യാര്ഥികള്ക്കു കോംബിനേഷന് മാറ്റത്തിനും സ്കൂള് മാറ്റത്തിനും കോംബിനേഷന് മാറ്റത്തോട് കൂടിയ സ്കൂള് മാറ്റത്തിനും അപേക്ഷിക്കാം. മുഖ്യഘട്ടത്തില് ഒന്നാം ഓപ്ഷന് പ്രകാരം പ്രവേശനം നേടിയവര്ക്ക് സ്കൂള്/കോംബിനേഷന് മാറ്റത്തിനായി അപേക്ഷിക്കാന് അര്ഹതയുണ്ടായിരിക്കില്ല.
സ്പോര്ട്സ്/മാനേജ്മെന്റ്/കമ്യൂണിറ്റി ക്വോട്ടകളില് പ്രവേശനം നേടിയവര്ക്ക് മെരിറ്റ് സീറ്റുകളിലേക്ക് സ്കൂള് മാറ്റമോ കോംബിനേഷന് മാറ്റമോ അനുവദിക്കുന്നതല്ല. ആദ്യഘട്ട സ്കൂള്/കോംബിനേഷന് മാറ്റങ്ങള്ക്കുവേണ്ടി നിലവിലുളള ഒഴിവുകളുടെ വിശദാംശങ്ങള് 22ന് ഉച്ചയ്ക്ക് ഒന്നിന് www.hscap.kerala.gov.in എന്ന വെബ്സൈറ്റില് പ്രസിദ്ധീകരിക്കും. 25ന് ഉച്ചകഴിഞ്ഞ് രണ്ടുവരെ സ്കൂള്/കോംബിനേഷന് മാറ്റത്തിന് സ്കൂളില് അപേക്ഷ സമര്പ്പിക്കാം.
സ്കൂള്/കോംബിനേഷന് മാറ്റങ്ങള് അനുവദിച്ച ശേഷമുളള ഒഴിവുകളുടെ വിശദാംശങ്ങള് 28ന് വെബ്സൈറ്റില് പ്രസിദ്ധീകരിക്കും. ഈ ഒഴിവുകളിലേക്ക് നേരത്തെ അപേക്ഷ നല്കാന് കഴിയാതിരുന്ന എല്ലാ വിദ്യാര്ഥികള്ക്കും പുതിയ അപേക്ഷ നല്കിയിട്ടും അലോട്ട്മെന്റ് ലഭിക്കാത്തവര്ക്കും വീണ്ടും പരിഗണിക്കുന്നതിന് അപേക്ഷ പുതുക്കി നല്കാം. അപേക്ഷ പുതുക്കുന്നതിനോടൊപ്പം നിലവിലുളള ഒഴിവുകളുടെ അടിസ്ഥാനത്തില് ഓപ്ഷനുകളും പുതുക്കി നല്കാം. അപേക്ഷ പുതുക്കുന്നതിനുളള ഫോമും സപ്ലിമെന്ററി അലോട്ട്മെന്റ് സംബന്ധിക്കുന്ന കൂടുതല് നിര്ദേശങ്ങളും പിന്നീട് പുറപ്പെടുവിക്കും.