ഞാൻ പ്ലസ് ടു പഠനത്തിനുശേഷം കാലിക്കട്ട് സർവകലാശാലയ്ക്കു കീഴിലുള്ള കോളജുകളിൽ പ്രവേശനം ആഗ്രഹിച്ച് ഓൺലൈൻ അപേക്ഷ സമർപ്പിച്ച് കാത്തിരിക്കുന്ന വിദ്യാർഥിയാണ്. ഏതു തീയതികളിലാണ് സർവകലാശാല കൗൺസലിംഗ് ആരംഭിക്കുന്നത് ?
സാംകുട്ടി ചാലക്കുടി
സർവകലാശാല ഒന്നാം അലോട്ട്മെന്‍റ് ജൂൺ 13ന് പ്രസിദ്ധീകരിച്ച് ജൂൺ 16 വരെ അഡ്മിഷൻ ആദ്യ അലോട്ട്മെന്‍റിൽ ലഭിച്ച കുട്ടികൾക്ക് ഫീസ് അടയ്ക്കാൻ കഴിയും. രണ്ടാം അലോട്ട്മെന്‍റ് ജൂൺ 19നു വരും. ഈ ഘട്ടത്തിൽ പ്രവേശനം ലഭിക്കുന്ന കുട്ടികൾക്ക് ജൂൺ 22 വരെ ഫീസ് അടയ്ക്കാം. മൂന്നാം അലോട്ട്മെന്‍റ് ജൂൺ 27ന് പ്രസിദ്ധീകരിക്കും. ജൂൺ 30 വരെ ഫീസ് അടയ്ക്കാം.
സർവകലാശാല പ്രവേശനക്രമത്തിൽ ഓർത്തിരിക്കേണ്ട കാര്യം ആദ്യ അലോട്ട്മെന്‍റ് മുതൽ അലോട്ട്മെന്‍റ് ലഭിക്കുന്ന വിദ്യാർഥികൾ അലോട്ട്മെന്‍റ് ലഭിച്ച കോളജുകളിൽ സ്ഥിരമോ താത്ക്കാലികമായോ പ്രവേശനം നേടിയിരിക്കണം. അവസാന അലോട്ട്മെന്‍റിന്‍റെ സമയമായ ജൂൺ 27നും 30നും ഇടയിൽ താത്ക്കാലിക പ്രവേശനം നേടിയ വിദ്യാർഥികൾ ഈ കോളജുകളിൽ പ്രവേശനം ആഗ്രഹിക്കുന്നുണ്ടെങ്കിൽ സ്ഥിര പ്രവേശനം നേടിയിരിക്കണം.
പുതുക്കിയ സിഎ സിലബസ് പ്രകാശം 2018 നവംബറിലെ സിഎ എൻട്രൻസ് പരീക്ഷ എഴുതാൻ ജൂൺ മാസം തീരുന്നതിന് മുൻപ് അപേക്ഷ നൽകണം എന്നു പറയുന്നു. അതിന്‍റെ ആവശ്യമുണ്ടോ ?
അരുണ കെ.വി. വടകര
ആവശ്യമുണ്ട്. ഈ വർഷം മുതൽ ചാർട്ടേഡ് അക്കൗണ്ടൻസി പാഠ്യപദ്ധതിയിൽ വരുത്തിയിട്ടുള്ളതു പ്രകാരം 12 ക്ലാസ് ജയിച്ച് (ഏതു സ്ട്രീമിലുള്ള വിദ്യാർഥികളാണെങ്കിലും) കുട്ടികൾ ഇൻസ്റ്റിറ്റ്യൂട്ട് ഓഫ് ചാർട്ടേഡ് അക്കൗണ്ടന്‍റ്സ് ഓഫ് ഇന്ത്യ (ഐസിഎഐ)യിൽ ജൂൺ 30നകം രജിസ്ട്രേഷൻ പൂർത്തിയാക്കിയാലേ നവംബറിൽ നടക്കുന്ന ദേശീയ പ്രവേശന പരീക്ഷ എഴുതുവാൻ അർഹതയുണ്ടാകൂ.
കേjhളത്തിലെ മെഡിക്കൽ കോളജുകളിൽ നടക്കുന്ന ഡിപ്ലോമ ഇൻ പാരാ മെഡിക്കൽ കോഴ്സുകൾ ഏതെല്ലാമാണ്
മോളി ജോസ് മൂവാറ്റുപുഴ
കേരളത്തിലെ സർക്കാർ മെഡിക്കൽ കോളജുകളിൽ ഏഴു പാരാ മെഡിക്കൽ ഡിപ്ലോമ കോഴ് സുകളാണുള്ളത്.
1. ഡിപ്ലോമ ഇൻ മെഡിക്കൽ ലബോറട്ടറി ടെക്നോളജി (ഡിഎംഎൽടി) കോഴ്സ്
2. ഡിപ്ലോമ ഇൻ റേഡിയോളജിക്കൽ ടെക്നോളജി (ഡിആർടി) കോഴ്സ്
3. ഡിപ്ലോമ ഇൻ ഓഫ്താൽമിക് അസിസ്റ്റന്‍റ് (ഡിഒഎ) കോഴ്സ്
4. ഡെന്‍റൽ മെക്കാനിക്ക് സർട്ടിഫിക്കറ്റ് (ഡിഎച്ച്സി) കോഴ്സ്
5. ഡെന്‍റൽ ഹൈജീനിസ്റ്റ് സർട്ടിഫിക്കറ്റ് (ഡിഎച്ച്സി) കോഴ്സ്
6. ഡിപ്ലോമ ഇൻ കാർഡിയോ വെസ്കൂലാർ ടെക്നീഷ്യൻ (ഡിസിവിടി) കോഴ്സ്
7. ഡിപ്ലോമ ഓപ്പറേഷൻ തിയറ്റർ ടെക്നോളജി (ഡിഒടിടി) കോഴ്സ്
മുകളിൽ പറഞ്ഞിട്ടുള്ള പാരാമെഡിക്കൽ ഡിപ്ലോമകൾ കൂടാതെ ജനറൽ നഴ്സിംഗിലും അനുബന്ധ നഴ്സിംഗ് വിഭാഗത്തിലും സർക്കാർ മെഡിക്കൽ കോളജുകളിൽ കോഴ്സുകൾ നടക്കുന്നുണ്ട്.
തയാറാക്കിയത്
ബാബു പള്ളിപ്പാട്ട്
ചോദ്യങ്ങൾ അയയ്ക്കേണ്ട ഇ മെയിൽ
[email protected]