ഒന്നാം വർഷ ബിരുദ പ്രവേശനത്തിനുള്ള രണ്ടാം ഘട്ട അലോട്ട്മെന്റ് പ്രസിദ്ധീകരിച്ചു
201819 വർഷത്തെ ബിരുദ പ്രവേശനത്തിനുള്ള രണ്ടം ഘട്ട അലോട്ട്മെന്റ് പ്രസിദ്ധീകരിച്ചു. അപേക്ഷകർക്ക് അപേക്ഷാനന്പറും പാസ്വേർഡും ഉപയോഗിച്ച് ലോഗിൻ ചെയ്ത് തങ്ങളുടെ അലോട്ട്മെന്റ് പരിശോധിക്കാം. ഒന്നാം ഘട്ടത്തിൽ അലോട്ട്മെന്റ് ലഭിക്കാത്തവരും എന്നാൽ രണ്ടാം ഘട്ടത്തിൽ അലോട്ട്മെന്റ് ലഭിക്കുകയും ചെയ്ത അപേക്ഷകർ ഓണ്ലൈനായോ അല്ലാത്ത പക്ഷം വെബ്സൈറ്റിൽ ലോഗിൻ ചെയ്തശേഷം അഡ്മിഷൻ ഫീസ് അടയ്ക്കാനുളള ചലാൻ പ്രിന്‍റ് ഔട്ട് എടുത്ത് എസ്ബിഐയുടെ ഏതെങ്കിലും ശാഖയിലോ ഫീസ് അടയ്ക്കണം. ഒന്നാംഘട്ട അലോട്ട്മെന്റിൽ ഫീസ് അടച്ചവർ വീണ്ടും ഫീസ് അടയ്ക്കേണ്ടതില്ല. അഡ്മിഷൻ ഫീസ് ജനറൽ വിഭാഗത്തിന് 1525 രൂപയും എസ്‌സി/എസ്ടി വിഭാഗത്തിന് 840 രൂപയുമാണ്. ഫീസ് ബാങ്കിൽ അടച്ചു കഴിഞ്ഞാൽ ഇവർ വെബ്സൈറ്റിൽ ലോഗിൻ ചെയ്ത് അഡ്മിഷൻ ഫീസ് ഒടുക്കിയ വിവരം (ജേർണൽ നന്പർ) 23നകം രേഖപ്പെടുത്തി തങ്ങളുടെ അലോട്ട്മെന്റ് ഉറപ്പാക്കണം. അഡ്മിഷൻ ഫീസ് ഒടുക്കിയ വിവരം യഥാസമയം ചേർക്കാത്ത വിദ്യാർഥികളുടെ അലോട്ട്മെന്റ് റദ്ദാകും.
ഇങ്ങനെയുള്ളവരെ യാതൊരു കാരണവശാലും തുടർന്നുള്ള അലോട്ട്മെന്റുകളിൽ പരിഗണിക്കുന്നതല്ല. ഒന്ന്, രണ്ട്,മൂന്ന് ഘട്ടം അലോട്ട്മെന്റുകളിൽ പ്രവേശനം ലഭിച്ചവർ മൂന്നാം അലോട്ട്മെന്റ് പ്രസിദ്ധീകരിച്ചതിനുശേഷം മാത്രം കോളജുകളിൽ ഹാജരായാൽ മതിയാകും. രണ്ടാം ഘട്ട അലോട്ട്മെന്റിൽ തൃപ്തരാണെങ്കിൽ അഡ്മിഷൻ ഫീസ് ഒടുക്കിയ വിവരം വെബ്സൈറ്റിൽ ചേർത്ത ശേഷം ആവശ്യമെങ്കിൽ അവരുടെ ഹയർ ഓപ്ഷനുകൾ 25നു രാവിലെ 10 വരെ നീക്കം ചെയ്യാം. ഹയർ ഓപ്ഷനുകൾ നിലനിർത്തുന്ന അപേക്ഷകരെ അടുത്ത (മൂന്നാം) അലോട്ട്മെന്റിൽ ആ ഓപ്ഷനുകളിലേയ്ക്ക് പരിഗണിക്കും.
ഹെൽപ്പ് ഡെസ്ക്ക്
സിബിസിഎസ്, ബിഎ, ബിഎസ്‌സി, കരിയർ റിലേറ്റഡ് കോഴ്സുകളുടെ ഫലപ്രഖ്യാപനത്തോടനുബന്ധിച്ചും സർവകലാശാല പരീക്ഷാ വിഭാഗങ്ങളിലെ തിരക്കുകൾ പരിഗണിച്ചും വിദ്യാർഥികളെ സഹായിക്കുന്നതിനായി സർവകലാശാല ന്ധസ്റ്റുഡന്‍റ് അമിനിറ്റി സെന്‍ററിൽ ഹെൽപ്പ് ഡസ്ക്കുകൾ പ്രവർത്തിക്കുന്നു. വിദ്യാർഥികൾ ഈ അവസരം പ്രയോജനപ്പെടുത്തണം.
മെഡിക്കൽ കം ആക്സിഡന്‍റ് ഇൻഷ്വറൻസ് പോളിസി
സർവകലാശാലയുടെ അധികാര പരിധിയിൽപ്പെട്ട കോളജുകളിലെയും മറ്റ് വിദ്യാഭ്യാസ സ്ഥാപനങ്ങളിലെയും വിദ്യാർഥികൾക്ക് (2017,2018 അഡ്മിഷൻ) വേണ്ടിയുളള മെഡിക്കൽ കം ആക്സിഡന്‍റ് ഇൻഷ്വറൻസ് പോളിസി ഫോർ സ്റ്റുഡൻസ് (ങഅകജട) പുതുക്കിയത് സംബന്ധിച്ച് സർവകലാശാല ഉത്തരവ് പുറപ്പെടുവിച്ചിട്ടുണ്ട്. ഇതുപ്രകാരമുളള പ്രീമിയം തുക കുട്ടികളിൽ നിന്നും കോളജ് അധികൃതർ പ്രവേശന സമയത്ത് ഈടാക്കണം. വിശദവിവരങ്ങൾ വെബ്സൈറ്റിൽ.
രണ്ടാം സെമസ്റ്റർ ബിഎഡ് ഡിഗ്രി പരീക്ഷ
ജൂണ്‍ 29 ന് ആരംഭിക്കുന്ന രണ്ടാം സെമസ്റ്റർ ബിഎഡ് ഡിഗ്രി പരീക്ഷ 2013 സ്കീം സപ്ലിമെന്‍ററി, 2004 സ്കീം മേഴ്സി ചാൻസ് ന്‍റെ ടൈംടേബിൾ പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
ഡിപ്ലോമ ഇൻ ട്രാൻസലേഷൻ സ്റ്റഡീസ്
2018 ജൂലൈ മാസത്തിൽ നടത്തുന്ന ഒന്നാം സെമസ്റ്റർ ഡിപ്ലോമ ഇൻ ട്രാൻസലേഷൻ സ്റ്റഡീസ് (ഉഠട) പരീക്ഷയുടെ ടൈംടേബിൾ വെബ്സൈറ്റിൽ.
അഞ്ചാം സെമസ്റ്റർ കരിയർ റിലേറ്റഡ് സിബിസിഎസ് പരീക്ഷ ഫലം
കരിയർ റിലേറ്റഡ് സിബിസിഎസ്എസ് 2017 ഡിസംബറിൽ നടത്തിയ അഞ്ചാം സെമസ്റ്റർ ബികോം കൊമേഴ്സ് ആൻഡ് ടൂറിസം ആൻഡ് ട്രാവൽ മാനേജ്മെന്‍റ്, ബികോം കംപ്യൂട്ടർ ആപ്ലിക്കേഷൻസ്, ബിഎസ്‌സി ഇലക്ട്രോണിക്സ് (2015 അഡ്മിഷൻറെഗുലർ, 2013,2014 അഡ്മിഷൻസപ്ലിമെന്‍ററി) പരീക്ഷകളുടെ ഫലം പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ
ബിടെക്ക് വർക്ക്ഷോപ്പ് ലാബ് പരീക്ഷ
കംബൈർഡ് ഒന്ന് രണ്ട് സെമസ്റ്റർ ബിടെക്ക് ജനുവരി 2018 (2008,2013 സ്കീം) എൻജിനിയറിംഗ് വർക്ക്ഷോപ്പ് ലാബ് പരീക്ഷകൾക്ക് സിഇടി തിരുവനന്തപുരം, എസ്‌സിടി പാപ്പനംകോട്, യൂണിവേഴ്സിറ്റി കോളജ് കാര്യവട്ടം, മാർ ബസേലിയോസ് നാലാഞ്ചിറ, മോഹൻദാസ് കോളജ് ആനാട്, സെന്‍റ് തോമസ് കാട്ടായിക്കോണം, മുസലിയാർ കോളജ് ചിറയിൻകീഴ്, മുസ്‌ലിം അസോസിയേഷൻ വെഞ്ഞാറമൂട്, എസിഇ കോളജ് തിരുവല്ലം, രാജധാനി കോളജ് നഗരൂർ, ജോണ്കോക്സ് മെമ്മോറിയൽ കണ്ണംമൂല, ഹീര കോളജ് നെടുമങ്ങാട്, പങ്കജകസ്തൂരി കോളജ് കണ്ണംമൂല, ട്രിനിറ്റി കോളജ് നരുവാമൂട്, പിആർഎസ് കോളജ് തിരുവനന്തപുരം എന്നീ കോളജുകൾ സെന്‍ററായി പരീക്ഷ എഴുതുന്ന വിദ്യാർഥികൾ സിഇടി, തിരുവനന്തപുരം കോളജിലും
ടികെഎം കോളജ് കൊല്ലം, യൂനസ് ഇൻസ്റ്റിറ്റ്യൂട്ട് കണ്ണനല്ലൂർ, പിനാക്കിൾ കോളജ് അഞ്ചൽ, എസ്എൻഐടി അടൂർ, എസ്എച്ച്എം കോളജ് കടയ്ക്കൽ, യൂനസ് കോളജ് വടക്കേവിള, സെന്‍റ്.തോമസ് കോളജ് ചെങ്ങന്നൂർ, ഹിന്ദുസ്ഥാൻ കോളജ് അരിപ്പ, സിഇഎം പുന്നപ്ര ബിഷപ്പ് ജെറോം കോളജ് കൊല്ലം, മൗണ്ട് സിയോൻ ചെങ്ങന്നൂർ, കാർമൽ കോളജ് ആലപ്പുഴ, എംഇഎസ് ചാത്തന്നൂർ, വികെസിഇടി പാരിപ്പള്ളി, വെള്ളാപ്പള്ളി നടേശൻ കോളജ് ആലപ്പുഴ എന്നീ കോളജുകൾ സെന്‍ററായി അപേക്ഷിച്ചിട്ടുളള വിദ്യാർഥികൾ കൊല്ലം ടികെഎം കോളജിലും 25,26,28 തീയതികളിൽ പ്രസ്തുത ലാബ് പരീക്ഷയ്ക്ക് എത്തണം.
നാലാം വർഷ ബിഡിഎസ് പരീക്ഷാ ഫലം
2018 മാർച്ച് മാസം നടത്തിയ നാലാം വർഷ ബിഡിഎസ് പാർട്ട് ക (സപ്ലിമെന്‍ററി2008 സ്കീം)പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ജൂലൈ മൂന്നുവരെ അപേക്ഷിക്കാം.
നാലാം സെമസ്റ്റർ കരിയർ റിലേറ്റഡ് സിബിസിഎസ് സൂക്ഷ്മപരിശോധന
2017 ജൂലൈയിൽ നടത്തിയ നാലാം സെമസ്റ്റർ ബിഎ/ബിഎസ്‌സി/ബികോം/ബിബിഎ/ബിസിഎസിബിസിഎസ്എസ് കരിയർ റിലേറ്റഡ് ഡിഗ്രി പരീക്ഷകളുടെ ഉത്തരക്കടലാസുകളുടെ സൂക്ഷ്മപരിശോധനക്ക് അപേക്ഷിച്ചവർ 22 മുതൽ 29 വരെയുളള പ്രവൃത്തി ദിവസങ്ങളിൽ ഹാൾടിക്കറ്റ്/ഐഡി കാർഡുമായി പുനർമൂല്യനിർണയ വിഭാഗമാത്തിൽ എത്തിച്ചേരണം.
ത്രിവത്സര യൂണിറ്ററി എൽഎൽബി പരീക്ഷാഫലം
2017 ഒക്ടോബറിൽ നടത്തപ്പെട്ട ഒന്നാം സെമസ്റ്റർ ത്രിവത്സര യൂണിറ്ററി എൽഎൽബി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും, പുനർമൂല്യനിർണയത്തിനും ജൂലൈ ഒന്പതുവരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
ബികോം ആറാം സെമസ്റ്റർ പരീക്ഷാഫലം
2018 ഏപ്രിൽ മാസം നടന്ന സിബിസിഎസ് ബികോം ആറാം സെമസ്റ്റർ 2015 അഡ്മിഷൻ (റെഗുലർ), 2014 അഡ്മിഷൻ&2013 അഡ്മിഷൻ (സപ്ലിമെന്‍ററി) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിനും, സൂക്ഷ്മപരിശോധനയ്ക്കും ഓണ്‍ലൈനായി അപേക്ഷിക്കേണ്ട അവസാന തീയതി ജൂലൈ 16. ഇതിന് വെബ്സൈറ്റിൽ നിന്ന് ലഭ്യമാകുന്ന കരട് മാർക്ക്ലിസ്റ്റ് ഉപയോഗിക്കാം.
എംഎഡ് സ്പെഷൽ എജ്യൂക്കേഷൻ പരീക്ഷ
27ന് നടത്തുന്ന നാലാം സെമസ്റ്റർ എംഎഡ് സ്പെഷൽ എജ്യൂക്കേഷൻ (എംആർ/ഐഡി)2015 സ്കീം (201618 ബാച്ച്) പ്രാക്ടിക്കൽ പരീക്ഷയുടേയും വാചാ പരീക്ഷയുടേയും ടൈംടേബിൾ പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
പുതുക്കിയ പരീക്ഷ തീയതി
ഒന്നാം സെമസ്റ്റർ എംബിഎ (2014 സ്കീം) ബിസിനസ് ആൻഡ് മാനേജീരിയൽ കമ്യൂണിക്കേഷൻ പരീക്ഷയുടെ പുതുക്കിയ തീയതി 29ന്. പരീക്ഷാകേന്ദ്രങ്ങളിൽ മാറ്റമില്ല.