ചെന്നൈയിൽ ഫാഷൻ ടെക്നോളജിയിൽ ഡിപ്ലോമ കോഴ്സുകൾ
നാഷണൽ ഇൻസ്റ്റിറ്റ്യൂട്ട് ഓഫ് ഫാഷൻ ടെക്നോളജിയുടെ ചെന്നൈ സെന്റർ അവതരിപ്പിക്കുന്ന വൈവിധ്യമാർന്ന ഡിപ്ലോമ കോഴ്സുകളിലേക്ക് ഇപ്പോൾ അപേക്ഷിക്കാം. ഒരു വർഷം മുതൽ രണ്ടു വർഷം വരെ കാലാവധിയുള്ള കോഴ്സുകളാണ് ഇൻസ്റ്റിറ്റ്യൂട്ട് അവതരിപ്പിക്കുന്നത്. ഓഗസ്റ്റ് ആറിനകം അപേക്ഷിക്കണം. അപേക്ഷാ ഫീസ് 2000 രൂപ. പ്രവേശന പരീക്ഷയും ഇന്റർവ്യുവും ആവശ്യമുണ്ടെങ്കിൽ അത് ഓഗസ്റ്റ് 17നു നടത്തും. അപേക്ഷാ ഫോം 200 രൂപയ്ക്കു നേരിട്ടും 300 രൂപയുടെ ഡിഡി സഹിതം അപേക്ഷിച്ചാൽ തപാലിലും ലഭിക്കും.
ഡിപ്ലോമ പ്രോഗ്രാമിന്റെ ദൈർഘ്യം രണ്ടു വർഷവും ബിരുദാനന്തര ബിരുദ ഡിപ്ലോമ പ്രോഗ്രാമിന്റേത് ഒരു വർഷവുമാണ്. ഡിപ്ലോമ പാസാകുന്നവരെ നിഫ്റ്റിന്റെ നാലു വർഷത്തെ ബിരുദ പ്രോഗ്രാമിന്റെ രണ്ടാം വർഷത്തേക്കു ലാറ്ററൽ എൻട്രി സ്കീം അനുസരിച്ചു പ്രവേശനത്തിനു പരിഗണിക്കും.
രണ്ടു വർഷത്തെ ഫാഷൻ ഫിറ്റ് ആൻഡ് സ്റ്റൈൽ, ഫാഷൻ റീട്ടെയിൽ സ്റ്റോർ ഓപ്പറേഷൻസ് കോഴ്സിനും ഒരു വർഷത്തെ അപ്പാരൽ പ്രൊഡക്ഷൻ ആൻഡ് മെർച്ചൻഡൈസിംഗ് കോഴ്സിനുമാണ് അപേക്ഷ ക്ഷണിച്ചിരിക്കുന്നത്.
പ്ലസ്ടു പാസായവർക്ക് ഡിപ്ലോമ കോഴ്സുകളിലേക്കും ബിരുദധാരികൾക്ക് പിജി ഡിപ്ലോമ പ്രോഗ്രാമുകളിലേക്കും അപേക്ഷിക്കാം. രണ്ട്മൂന്നു വർഷത്തെ പ്രവൃത്തി പരിചയമുള്ളവർക്ക് മുൻഗണന ലഭിക്കും. യോഗ്യതാ പരീക്ഷയുടെ മാർക്ക്, ടെസ്റ്റ്, ഇന്റർവ്യു എന്നിവയുടെ അടിസ്ഥാനത്തിലാണ് അഡ്മിഷൻ.
ഫാഷൻ ഫിറ്റ് ആൻഡ് സ്റ്റൈൽ: തിയറിയും പ്രാക്ടീസും സമന്വയിപ്പിച്ച് ടെക്നിക്കൽ സ്റ്റൈലിനും ആർട്ടിസ്റ്റിക് സ്കില്ലിനും പ്രാധാന്യം നൽകുന്നു രണ്ടു വർഷത്തെ കോഴ്സാണിത്. ഫാഷൻ സ്റ്റഡീസ്, പാറ്റേണ് മേക്കിംഗ്, ഡ്രേപ്പിംഗ്, ഇലസ്ട്രേഷൻ, ഗാർമെൻറ് കണ്സ്ട്രക്ഷൻ, ഫാഷൻ സ്റ്റൈലിംഗ് ആൻഡ് കോസ്റ്റ്യൂം സ്റ്റഡി എന്നിവയാണ് കോഴ്സിൽ ഉൾപ്പെടുത്തിയിരിക്കുന്നത്. കോഴ്സ് ഫീസ് 300000 രൂപ.
അപ്പാരൽ പ്രൊഡക്ഷൻ ആൻഡ് മെർച്ചൻഡൈസിംഗ്: വസ്ത്ര വ്യവസായ രംഗത്തെ ഏറ്റവും പ്രധാന മേഖലകളായ മാനുഫാക്ചറിംഗ്, മെർക്കൻഡൈസിംഗ് എന്നിവ പരിചയപ്പെടുത്തുന്നതാണു ഒരു വർഷത്തെ ഡിപ്ലോമാ കോഴ്സ്. എട്ടാഴ്ചത്തെ ഇന്റേണ്ഷിപ്പും കോഴ്സിന്റെ ഭാഗായി ഉൾപ്പെടുത്തിയിരിക്കുന്നു. കോഴ്സ് ഫീസ് 1,50,000 രൂപ.
വിവരങ്ങൾക്ക്: www.nift.ac. in/chennai. ഫോൺ: 04422542755.