എംഎസ്‌സി ഫാഷന്‍ ആന്‍ഡ് ടെക്‌സ്‌റ്റൈല്‍ ഡിസൈനിംഗ്
കോഴിക്കോട് പി.ടി. ഉഷ റോഡിലെ കാലിക്കട്ട് സര്‍വകലാശാലാ കേന്ദ്രത്തില്‍ നടത്തുന്ന എംഎസ്‌സി ഫാഷന്‍ ആൻഡ് ടെക്‌സ്‌റ്റൈല്‍ ഡിസൈനിംഗ് എന്ന തൊഴില്‍ സാധ്യതയേറിയ കോഴ്‌സിന് 25 വരെ അപേക്ഷിക്കാം. ടെക്‌സ്‌റ്റൈല്‍ ഡിസൈനിംഗിന്‍റെ വിവിധ മേഖലകളില്‍ പ്രാവീണ്യം മെച്ചപ്പെടുത്തി മികച്ച കരിയര്‍ കണ്ടെത്തുന്നതിന് സഹായകമായ പിജി കോഴ്‌സാണിത്. 50% മാര്‍ക്കോടെ ബിഎസ്‌സി കോസ്റ്റ്യൂം ആൻഡ് ഫാഷന്‍ ഡിസൈനിംഗ്/ടെക്‌നോളജി, ബിഎസ് സി അപ്പാരല്‍ ആൻഡ് ഫാഷന്‍ ഡിസൈനിംഗ്/ടെക്‌നോളജി, ബിഎസ്‌സി ഫാഷന്‍ ഡിസൈന്‍ ആന്‍ഡ് ടെക്‌നോളജി, ബിഎസ്‌സി ടെക്‌സ്‌റ്റൈല്‍ ഡിസൈന്‍ /ടെക്‌നോളജി ആണ് പ്രവേശന യോഗ്യത. ഫോണ്‍ : 0495 2761335.
ബിരുദ പ്രവേശനം
ബിരുദ പ്രവേശന രണ്ടാം അലോട്ട്‌മെന്‍റ് ലഭിച്ചവര്‍ക്ക് മാന്‍ഡേറ്ററി ഫീസ് അടച്ച് ഇന്ന് കൂടി പ്രവേശനം എടുക്കുന്നതിന് അവസരമുണ്ടായിരിക്കും.
എംസിഎ പ്രവേശന കൗണ്‍സലിംഗ് 29, 30 തിയതികളില്‍
എംസിഎ പ്രവേശന കൗണ്‍സലിംഗ് 29, 30 തിയതികളില്‍ രാവിലെ പത്ത് മുതല്‍ സര്‍വകലാശാലാ സെമിനാര്‍ കോംപ്ലക്‌സില്‍ നടക്കും. 29ന് റാങ്ക് ഒന്ന് മുതല്‍ 200 വരെയുള്ളവര്‍ രാവിലെയും, 201 മുതല്‍ 400 വരെയുള്ളവര്‍ ഉച്ചയ്ക്കും ഹാജരാകണം. 30ന് 401 മുതല്‍ 600 വരെയുള്ളവര്‍ രാവിലെയും 601 മുതല്‍ 714 വരെ റാങ്കുള്ളവര്‍ ഉച്ചയ്ക്കും ഹാജരാകണം.
എംഎസ്‌സി അപ്ലൈഡ് പ്ലാന്‍റ് സയന്‍സ് റാങ്ക്‌ലിസ്റ്റ്
എംഎസ്‌സി അപ്ലൈഡ് പ്ലാന്‍റ് സയന്‍സ് പ്രവേശന പരീക്ഷ പ്രൊവിഷണല് റാങ്ക്‌ലിസ്റ്റ് വെബ്‌സൈറ്റില്‍ ലഭ്യമാണ്. ഫോണ്‍ : 0494 2407406.
എംഎസ്‌സി ഫിസിക്‌സ് പ്രവേശന റാങ്ക്‌ലിസ്റ്റ്
ഫിസിക്‌സ് പഠനവിഭാഗത്തിലേക്ക് നടത്തിയ എംഎസ്‌സി പ്രവേശന പരീക്ഷാ റാങ്ക്‌ലിസ്റ്റ് സര്‍വകലാശാലാ വെബ്‌സൈറ്റില്‍ . റാങ്ക്‌ലിസ്റ്റില്‍ ഉള്‍പ്പെട്ട അതത് കാറ്ററിയില്‍ പ്രവേശനം ഉറപ്പായവര്‍ 29ന് രാവിലെ 10.30ന് സര്‍ട്ടിഫിക്കറ്റുകള്‍ സഹിതം പഠനവിഭാഗത്തില്‍ ഹാജരാകണം.
എംഎസ്ഡബ്ല്യൂ പ്രവേശന റാങ്ക്‌ലിസ്റ്റ്
എംഎസ്ഡബ്ല്യൂ പ്രവേശന പരീക്ഷാ റാങ്ക്‌ലിസ്റ്റ് വെബ്‌സൈറ്റില്‍ ലഭ്യമാണ്. ഫോണ്‍ : 04936 226258.
കോണ്‍ടാക്ട് ക്ലാസ് ഉണ്ടായിരിക്കുന്നതല്ല
കോഴിക്കോട്, മലപ്പുറം ജില്ലകളിലെ കോളജുകള്‍ക്ക് ഇന്ന് പ്രവര്‍ത്തിദിനമായി സര്‍ക്കാര്‍ പ്രഖ്യാപിച്ചതിനാല്‍ കോഴിക്കോട്, ഗവണ്മെന്റ് ആര്‍ട്‌സ് ആന്‍റ് സയന്‍സ് കോളജ്, മലപ്പുറം ഗവ. കോളജ് എന്നിവിടങ്ങളില്‍ അന്ന് നടത്താനിരുന്ന രണ്ടാം സെമസ്റ്റര്‍ യുജി കോണ്‍ടാക്ട് ക്ലാസുകള്‍ ജൂലൈ എട്ടിലേക്ക് മാറ്റി (ക്ലാസ് ഷെഡ്യൂളിന് മാറ്റമില്ല). ഷെഡ്യൂള്‍ വെബ്‌സൈറ്റില്‍ . ഫോണ്‍: 0494 2400288, 2407494.
കാണ്‍ടാക്ട് ക്ലാസഇന്നു മുതല്‍
കാലിക്കറ്റട്ട് സര്‍വകലാശാല വിദൂരവിദ്യാഭ്യാസം എംബിഎ നാലാം സെമസ്റ്റര്‍ (2014 പ്രവേശനം) സര്‍വകലാശാലാ കൊമേഴ്‌സ് പഠനവകുപ്പില്‍ നടത്തുന്ന കോണ്‍ടാക്ട് ക്ലാസ് ഇന്നാരംഭിക്കും. ഷെഡ്യൂള്‍ വെബ്‌സൈറ്റില്‍. ഫോണ്‍ : 0494 2407371.
അദീബെ ഫാസില്‍ പ്രിലിമിനറി ഹാള്‍ടിക്കറ്റ്
27ന് ആരംഭിക്കുന്ന അദീബെ ഫാസില്‍ പ്രിലിമിനറി ഒന്നാം വര്‍ഷ പരീക്ഷയുടെ ഹാള്‍ടിക്കറ്റ് ജൂണ്‍ 25 മുതല്‍ വെബ്‌സൈറ്റില്‍ നിന്ന് ഡൗണ്‍ലോഡ് ചെയ്യാം. സപ്ലിമെന്‍ററി പരീക്ഷക്ക് (2014, 2015 പ്രവേശനം) അപേക്ഷിച്ചവര്‍ അതത് പരീക്ഷാ കേന്ദ്രങ്ങളില്‍ നിന്ന് ഹാള്‍ടിക്കറ്റ് കൈപ്പറ്റി അവിടെ പരീക്ഷ എഴുതണം. മലപ്പുറം ഗവണ്മെന്റ് കോളേജ് പരീക്ഷാ കേന്ദ്രമായി അപേക്ഷിച്ചവര്‍ മലപ്പുറം ഫലാഹിയ അറബിക് കോളജില്‍ നിന്ന് ഹാള്‍ടിക്കറ്റ് വാങ്ങി അവിടെ പരീക്ഷ എഴുതണം. മറ്റ് കേന്ദ്രങ്ങള്‍ക്ക് മാറ്റമില്ല.
ബിപിഎഡ് പരീക്ഷാ അപേക്ഷ
കാമ്പസ് സെന്റര്‍ ഫോര്‍ ഫിസിക്കല്‍ എഡ്യുക്കേഷനിലെ ബാഡ്മിന്‍റണും ജൂഡോയും സ്‌പെഷ്യലൈസേഷനായി എടുത്ത ബിപിഎഡ് ഇന്‍റഗ്രേറ്റഡ് വിദ്യാര്‍ഥികള്‍ക്കുള്ള നാലാം വര്‍ഷ റഗുലര്‍ /സപ്ലിമെന്‍ററി/ഇംപ്രൂവ്‌മെന്‍റ പരീക്ഷക്ക് ജൂണ്‍ 25ന് ഓണ്‍ലൈനായി അപേക്ഷിക്കാം.
പരീക്ഷാ അപേക്ഷ
ബിപിഎഡ് രണ്ടാം വര്‍ഷ റഗുലര്‍/സപ്ലിമെന്‍ററി/ഇംപ്രൂവ്‌മെന്‍റ് പരീക്ഷക്ക് പിഴകൂടാതെ ജൂലൈ മൂന്ന് വരെയും 150 രൂപ പിഴയോടെ ജൂലൈ ആറ് വരെയും അപേക്ഷിക്കാം.
ആറാം സെമസ്റ്റര്‍ ബിവോക് ഫാര്‍മസ്യൂട്ടിക്കല്‍ കെമിസ്ട്രി (2015 പ്രവേശനം) റഗുലര്‍ പരീക്ഷക്ക് ജൂണ്‍ 30 വരെ അപേക്ഷിക്കാം.
പരീക്ഷാഫലം
2017 നവംബറില്‍ നടത്തിയ നാലാം വര്‍ഷ ബിഎസ്‌സി മെഡിക്കല്‍ ബയോകെമിസ്ട്രി, മെഡിക്കല്‍ മൈക്രോബയോളജി റഗുലര്‍/സപ്ലിമെന്‍ററി പരീക്ഷാഫലം വെബ്‌സൈറ്റില്‍ . പുനര്‍മൂല്യനിര്‍ണയത്തിന് ജൂലൈ നാല് വരെ അപേക്ഷിക്കാം.
2017 ഡിസംബറില്‍ നടത്തിയ എംഎ ഇംഗ്ലീഷ് ഒന്നാം സെമസ്റ്റര്‍ (സിയുസിഎസ്എസ്) പരീക്ഷാഫലം വെബ്‌സൈറ്റില്‍ . പുനര്‍മൂല്യനിര്‍ണയത്തിന് ജൂലൈ അഞ്ച് വരെ അപേക്ഷിക്കാം.
തേര്‍ഡ് പ്രൊഫഷണല് എംബിബിഎസ് പാര്‍ട്ട് രണ്ട് സപ്ലിമെന്‍ററി നവംബര്‍ 2017 പരീക്ഷാഫലം പ്രസിദ്ധീകരിച്ചു. പുനര്‍മൂല്യനിര്‍ണയ അപേക്ഷ ജൂലൈ നാലിനകം ലഭിക്കണം.
പരീക്ഷ
അഫ്‌സല്‍ഉല്‍ഉലമ പ്രിലിമിനറി ഒന്നാം വര്‍ഷം (2017 പ്രവേശനം, റഗുലര്‍/പ്രൈവറ്റ്) പരീക്ഷ ജൂലൈ 12ന് ആരംഭിക്കും.
പുനര്‍മൂല്യനിര്‍ണയ ഫലം
എംഎഡ് രണ്ടാം സെമസ്റ്റര്‍ ജൂലൈ 2017 പരീക്ഷയുടെ പുനര്‍മൂല്യനിര്‍ണയ ഫലം വെബ്‌സൈറ്റില്‍. ഉത്തരക്കടലാസ് തിരിച്ചറിയാനാഗ്രഹിക്കുന്നവര്‍ 15 ദിവസത്തിനകം പരീക്ഷാഭവനുമായി ബന്ധപ്പെടുക.
കോളേജ് പഠനം നിര്‍ത്തിയവര്‍ക്ക് എസ്ഡിഇ വഴി തുടര്‍പഠനം
അഫിലിയേറ്റഡ് കോളേജുകളില്‍ 2014, 2017 വര്‍ഷങ്ങളില്‍ പ്രവേശനം നേടി ബിഎ/ബികോം/ബിബിഎ/ബിഎസ്‌സി മാത്‌സ് (സിയുസിബിസിഎസ്എസ്) ഒന്ന് മുതല്‍ നാല് വരെ സെമസ്റ്റര്‍ പരീക്ഷ എഴുതിയ ശേഷം തുടര്‍പഠനം നടത്താനാവാത്തവര്‍ക്ക് വിദൂരവിദ്യാഭ്യാസം വഴി അഞ്ചാം സെമസ്റ്ററില്‍ പഠനം തുടരുന്നതിന് ആഗസ്റ്റ് എട്ട് വരെ ഓണ്‍ലൈനായി അപേക്ഷിക്കാം. ഗസറ്റഡ് ഓഫീസര്‍ സാക്ഷ്യപ്പെടുത്തിയ അപേക്ഷയുടെ പ്രിന്റൗട്ട്, വിജ്ഞാപനത്തില്‍ പറഞ്ഞ രേഖകള്‍ സഹിതം ഡയറക്ടര്‍, സ്‌കൂള്‍ ഓഫ് ഡിസ്റ്റന്‍സ് എഡ്യുക്കേഷന്‍, യൂണിവേഴ്‌സിറ്റി ഓഫ് കാലിക്കറ്റ്, കാലിക്കറ്റ് യൂണിവേഴ്‌സിറ്റി പി.ഒ, 673 635 എന്ന വിലാസത്തില്‍ ആഗസ്റ്റ് 16നകം ലഭിക്കണം. വിവരങ്ങള്‍ വെബ്‌സൈറ്റില്‍. ഫോണ്‍ : 0494 2407494.
അഫിലിയേറ്റഡ് കോളേജുകളില്‍ 2012, 2013 വര്‍ഷങ്ങളില്‍ ബിരുദ പഠനത്തിന് (സിസിഎസ്എസ്) ചേര്‍ന്ന് ഒന്ന് മുതല്‍ നാല് വരെ സെമസ്റ്റര്‍ പരീക്ഷ എഴുതിയ ശേഷം തുടര്‍പഠനം നടത്താനാവാത്തവര്‍ക്ക് വിദൂരവിദ്യാഭ്യാസം വഴി അഞ്ചാം സെമസ്റ്ററില്‍ (സിയുസിബിസിഎസ്എസ്) പഠനം തുടരാവുന്നതാണ്. ഡെഫിഷ്യന്‍സി പേപ്പറുണ്ടെങ്കില്‍ അവ പുതിയ സ്‌കീമില്‍ എഴുതണം. ആഗസ്റ്റ് എട്ട് വരെ ഓണ്‍ലൈനായി അപേക്ഷിക്കാം. ഗസറ്റഡ് ഓഫീസര്‍ സാക്ഷ്യപ്പെടുത്തിയ അപേക്ഷയുടെ പ്രിന്റൗട്ട്, വിജ്ഞാപനത്തില്‍ പറഞ്ഞ രേഖകള്‍ സഹിതം ഡയറക്ടര്‍, സ്‌കൂള്‍ ഓഫ് ഡിസ്റ്റന്‍സ് എഡ്യുക്കേഷന്‍, യൂണിവേഴ്‌സിറ്റി ഓഫ് കാലിക്കറ്റ്, കാലിക്കറ്ട്ട് യൂണിവേഴ്‌സിറ്റി പി.ഒ, 673 635 എന്ന വിലാസത്തില്‍ ആഗസ്റ്റ് 16നകം ലഭിക്കണം. വിവരങ്ങള്‍ വെബ്‌സൈറ്റില്‍ . ഫോണ്‍: 0494 2407494.
എക്‌സാമിനേഴ്‌സ് മീറ്റിംഗ്
നാലാം സെമസ്റ്റര്‍ (സിയുസിബിസിഎസ്എസ്) ബിഎസ്‌സി ഫുഡ് ടെക്‌നോളജി എക്‌സാമിനേഴ്‌സ് മീറ്റിംഗിന് എല്ലാ ജില്ലകളിലെയും അധ്യാപകര്‍ ഇന്ന് രാവിലെ പത്തിന് മമ്പാട് എംഇഎസ് കോളജിലും, ബിഎസ്‌സി സുവോളജി എക്‌സാമിനേഴ്‌സ് മീറ്റിംഗിന് മലപ്പുറം ജില്ലയിലെ കോളജുകളിലെ അധ്യാപകര്‍ ജൂണ്‍ 25ന് രാവിലെ 10.30ന് പൊന്നാനി എംഇഎസ് കോളജിലും ഹാജരാകണം.