ബിരുദ പ്രവേശനം : രണ്ടാം അലോട്ട്മെന്റ് പുനഃപ്രസിദ്ധീകരിച്ചു
സാങ്കേതിക തകരാറുകൾ പരിഹരിച്ച് കണ്ണൂർ യൂണിവേഴ്സിറ്റിയുടെ 201819 ബിരുദപ്രവേശനത്തിനുള്ള രണ്ടാം അലോട്ട്മെന്റ് പുനഃപ്രസിദ്ധീകരിച്ചു. http://cap.kannuruniversity.ac.in എന്ന വെബ്സൈറ്റിൽ ലോഗിൻചെയ്ത് അപേക്ഷകർ തങ്ങളുടെ അലോട്ട്മെന്റ് പരിശോധിക്കണം. അലോട്ട്മെന്റ് ലഭിച്ച വിദ്യാർഥികൾ അഡ്മിഷൻ ഫീസ് എസ്ബിഐ കളക്ട് വഴി നിർബന്ധമായും അടയ്ക്കണം. ഫീസ് അടയ്ക്കാത്തവർക്ക് ലഭിച്ച അലോട്ട്മെന്റ് നഷ്ടമാകുകയും തുടർന്നുള്ള അലോട്ട്മെന്റ് പ്രക്രിയയിൽനിന്ന് പുറത്താകുകയും ചെയ്യും. അഡ്മിഷന് ഫീസ് ജനറൽ വിഭാഗത്തിന് 685/രൂപയും എസ്സി/എസ്ടി വിഭാഗത്തിന് 630 രൂപയുമാണ്. UG Admission Admission Fee(General / SEBC), UG Admission Admission Fee(SC/ST) എന്നീ കാറ്റഗറിയിൽ മാത്രം ഓൺലൈനായി ഫീസടയ്ക്കാൻ പ്രത്യേകം ശ്രദ്ധിക്കണം. മറ്റു കാറ്റഗറിയിൽ ഫീസടച്ചാൽ ഒരുകാരണവശാലും പരിഗണിക്കുന്നതല്ല. ഒന്നാം അലോട്ട്മെന്റിൽ അലോട്ട്മെന്റ് ലഭിച്ച് ഫീസടച്ച വിവരങ്ങള് അപ്ലോഡ് ചെയ്ത വിദ്യാർഥികൾ വീണ്ടും ഫീസടയ്ക്കേണ്ടതില്ല.
അഡ്മിഷന് ഫീസ് അടച്ച വിദ്യാർഥികൾ ലോഗിൻ ചെയ്ത് അഡ്മിഷൻ ഫീസ് അടച്ച വിവരം 24ന് വൈകുന്നേരം അഞ്ചിനുമുന്പായി വെബ്സൈറ്റിൽ നല്കി തങ്ങളുടെ അലോട്ട്മെന്റ് ഉറപ്പാക്കണം. അഡ്മിഷൻ ഫീസ് അടച്ച വിവരം യഥാസമയം http://cap.kannuruniversity.ac.in ൽ ചേർക്കാത്ത അപേക്ഷകരുടെ അലോട്ട്മെന്റ് റദ്ദാക്കും. ഇങ്ങനെയുള്ള വിദ്യാർഥികളെ യാതൊരുകാരണവശാലും അടുത്ത അലോട്ട്മെന്റിൽ പരിഗണിക്കുന്നതല്ല. അലോട്ട്മെന്റ് ലഭിച്ച അപേക്ഷകർ തങ്ങള്ക്ക് ലഭിച്ച സീറ്റില് സംതൃപ്തരല്ലെങ്കിലും തുടർന്നുള്ള അലോട്ട്മെന്റുകളിൽ പരിഗണിക്കപ്പെടണമെന്നുണ്ടെങ്കില് അതിനായി അഡ്മിഷൻഫീസ് യഥാസമയം അടച്ച് ആ വിവരം നിശ്ചിതസമയത്തിനുള്ളിൽ വെബ്സൈറ്റിൽ ചേർക്കേണ്ടതാണ്. മൂന്നാം അലോട്ട്മെന്റ് 25ന് വൈകുന്നേരം പ്രസിദ്ധീകരിക്കും.
ഒന്നാം സെമസ്റ്റര് എംബിഎ പരീക്ഷാഫലം
കണ്ണൂര് സര്വകലാശാലയുടെ ഒന്നാം സെമസ്റ്റര് എംബിഎ (പഠനവകുപ്പ് സിസിഎസ്എസ് റഗുലര്/സപ്ലിമെന്ററിനവംബര് 2017 സെഷന് ) ഡിഗ്രി പരീക്ഷയുടെ ഫലം പ്രസിദ്ധീകരിച്ചു. ഫലം സര്വകലാശാല വെബ്സൈറ്റില് ലഭ്യമാണ്. പുനഃപരിശോധന/സൂക്ഷ്മപരിശോധന/ഫോട്ടോകോപ്പി എന്നിവയ്ക്ക് അപേക്ഷിക്കേണ്ട അവസാന തീയതി ജൂലൈ നാല്.
പ്രായോഗിക പരീക്ഷകള്
നാലാം സെമസ്റ്റര് ബിഎസ്സി മൈക്രോബയോളജി (റഗുലര്/സപ്ലിമെന്ററി മേയ് 2018) ഡിഗ്രി കോര് , കോംപ്ലിമെന്ററി പ്രായോഗിക പരീക്ഷകള് 26 മുതല് വിവിധ കേന്ദ്രങ്ങളില് ആരംഭിക്കും. രജിസ്റ്റര് ചെയ്ത വിദ്യാര്ഥികള് പരീക്ഷാകേന്ദ്രവുമായി ബന്ധപ്പെടണം.
നാലാം സെമസ്റ്റര് ബിഎസ്സി ബയോടെക്നോളജി (റഗുലർ/ സപ്ലിമെന്ററി, മേയ് 2018) ഡിഗ്രി കോര് , കോംപ്ലിമെന്ററി പ്രായോഗിക പരീക്ഷകള് 27 മുതല് വിവിധ കേന്ദ്രങ്ങളില് ആരംഭിക്കും. രജിസ്റ്റര് ചെയ്ത വിദ്യാര്ഥികള് പരീക്ഷാകേന്ദ്രവുമായി ബന്ധപ്പെടണം.
രണ്ടാം സെമസ്റ്റര് എംഎസ്സി എംഎല്ടി പരീക്ഷകള് രണ്ടിന്
അപേക്ഷ ക്ഷണിച്ച രണ്ടാം സെമസ്റ്റര് എംഎസ്സി എംഎല്ടി ഡിഗ്രി പരീക്ഷകള് ജൂലൈ രണ്ടിന് ആരംഭിക്കും. വിശദമായ ടൈംടേബിള് സര്വകലാശാല വെബ്സൈറ്റില് ലഭ്യമാണ്.
രണ്ടും നാലും സെമസ്റ്റര് എംഎസ്സി ബോട്ടണി ഡിഗ്രി പ്രോജക്ട്
മൂല്യനിര്ണയം/വാചാ പരീക്ഷ /പ്രായോഗിക പരീക്ഷകള്
രണ്ടും നാലും സെമസ്റ്റര് എംഎസ്സി ബോട്ടണി ഡിഗ്രി (റഗുലര്/സപ്ലിമെന്ററിമാര്ച്ച് 2018)യുടെ പ്രോജക്ട് മൂല്യനിര്ണയം/വാചാ പരീക്ഷ/പ്രായോഗിക പരീക്ഷകള് ജൂലൈ 16 മുതല് വിവിധ കേന്ദ്രങ്ങളില് ആരംഭിക്കും. രജിസ്റ്റര്ചെയ്ത വിദ്യാര്ഥികള് കോളജുമായി ബന്ധപ്പെടണം.
നാലാം സെമസ്റ്റര് എംഎ മലയാളം ഡിഗ്രി വാചാ പരീക്ഷ
നാലാം സെമസ്റ്റര് എംഎ മലയാളം ഡിഗ്രി (റഗുലർ/സപ്ലിമെന്ററിമാര്ച്ച് 2018)യുടെ വാചാ പരീക്ഷ 27 ന് തലശേരി ഗവ.ബ്രണ്ണന് കോളജില് നടത്തും. രജിസ്റ്റര്ചെയ്ത വിദ്യാര്ഥികള് കോളജുമായി ബന്ധപ്പെടണം.
പ്രോജക്ട് വാചാ പരിക്ഷ/ കോംബ്രിഹെന്സിവ് വാചാ പരിക്ഷ
മാത്തില് ഗുരുദേവ് ആര്ട്സ് ആൻഡ് സയന്സ് കോളജ്, മാനന്തവാടി, ഗവ.കോളജ് എന്നിവിടങ്ങളില് നാലാം സെമസ്റ്റര് എംഎ ഇംഗ്ലീഷ് ഡിഗ്രി (റഗുലർ/ സപ്ലിമെന്ററിമാര്ച്ച് 2018) യുടെ പ്രോജക്ട് വാചാ പരീക്ഷ/കോംബ്രിഹെന്സീവ് വാചാ പരീക്ഷ 26 ന് നടത്തും. രജിസ്റ്റര്ചെയ്ത വിദ്യാര്ഥികള് കോളജുമായി ബന്ധപ്പെടണം.
പരീക്ഷാഫലം
കണ്ണൂര് സര്വകലാശാലയുടെ വിദൂരവിദ്യഭ്യാസം അവസാനവര്ഷ ബികോം, ബിഎ ഇക്കണോമിക്സ് , മാര്ച്ച് 2018 (റഗുലർ 2015 പ്രവേശനം/സപ്ലിമെന്ററി/ഇംപ്രൂവ്മെന്റ്) പരീക്ഷാഫലം പ്രസിദ്ധീകരിച്ചു. പരീക്ഷാഫലം സര്വകലാശാല വെബ്സൈറ്റില് ഉച്ചകഴിഞ്ഞ് രണ്ടു മുതല് ലഭ്യമാണ്. പുനര്മൂല്യനിര്ണയം/സൂക്ഷ്മ പരിശോധന/ഫോട്ടോകോപ്പി എന്നിവയ്ക്കുള്ള ഓണ്ലൈന് അപേക്ഷകള് ജൂലൈ 10 വരെ സ്വീകരിക്കും. ഗ്രേഡ് കാര്ഡുകള്, പ്രൊവിഷണല് സര്ട്ടിഫിക്കറ്റുകള് എന്നിവ വിതരണം ചെയ്യുന്ന തീയതി പിന്നീട് അറിയിക്കും.
ഒന്നാംവർഷ എംഎസ്സി കെമിസ്ട്രി: എസ്സി/എസ്ടി ഒഴിവ്
ഒന്നാംവർഷ എംഎസ്സി കെമിസ്ട്രി (മെറ്റീരിയൽ സയൻസ്) 201820 കോഴ്സിലേക്ക് എസ്സി/ എസ്ടി വിഭാഗത്തിൽ ഒരു ഒഴിവിലേക്കുള്ള അഡ്മിഷൻ ഈമാസം 25ന് രാവിലെ 10.30ന് നടക്കും. താത്പര്യമുള്ള വിദ്യാർഥികൾ അസൽരേഖകളുമായി കണ്ണൂർ സർവകലാശാലയുടെ പയ്യന്നൂർ ആനന്ദതീർഥ കാന്പസിൽ ഹാജരാകണം. ഫോൺ: 0497 2806402.
തുറന്ന സംവാദം 29ന്
സൈക്കോളജിയില് ഗവേഷണം നടത്തുന്ന ദില്ഷാദ് ബിന് അഷ്റഫ് പിഎച്ച്ഡി ബിരുദത്തിനായി സമര്പ്പിച്ച പ്രബന്ധത്തിന്മേലുള്ള തുറന്ന സംവാദം (ഓപ്പണ് ഡിഫന്സ്) 29ന് രാവിലെ 10.30ന് മാങ്ങാട്ടുപറമ്പിലുള്ള സ്കൂള് ഓഫ് ബിഹേവിയറല് സയന്സ് വിഭാഗത്തില് നടത്തും. പ്രബന്ധം സെമിനാറിന് മൂന്നു ദിവസം മുന്പ് മുതല് മാങ്ങാട്ടുപറമ്പിലുള്ള സ്കൂള് ഓഫ് ബിഹേവിയറല് സയന്സ് വിഭാഗം ലൈബ്രറിയില് പരിശോധനയ്ക്ക് ലഭിക്കും.