ഒന്നാം വർഷ ബിരുദ പ്രവേശനത്തിനുള്ള മൂന്നാം ഘട്ട അലോട്ട്മെന്റ് 25ന് പ്രസിദ്ധീകരിക്കും
201819 വർഷത്തെ ബിരുദ പ്രവേശനത്തിനുള്ള മൂന്നാം ഘട്ട അലോട്ട്മെന്റ് (http://admissions.keralaluniversity.ac.in) എന്ന വെബ്സൈറ്റിൽ 25ന് പ്രസിദ്ധപ്പെടുത്തും. അപേക്ഷകർക്ക് ആപ്ലിക്കേഷൻ നന്പറും പാസ്വേർഡും ഉപയോഗിച്ച് ലോഗിൻ ചെയ്ത് തങ്ങളുടെ അലോട്ട്മെന്റ് പരിശോധിക്കാം. ഒന്നും,രണ്ടും ഘട്ടങ്ങളിൽ അലോട്ട്മെന്റ് ലഭിക്കാത്തവരും എന്നാൽ മൂന്നാം ഘട്ടത്തിൽ പുതുതായി അലോട്ട്മെന്റ് ലഭിക്കുകയും ചെയ്ത അപേക്ഷകർ ഓണ്ലൈനായോ അല്ലാത്ത പക്ഷം വെബ്സൈറ്റിൽ ലോഗിൻ ചെയ്ത ശേഷം അഡ്മിഷൻ ഫീസ് അടയ്ക്കാനുളള ചലാൻ പ്രിന്റൗട്ട് എടുത്ത് എസ്ബിഐയുടെ ഏതെങ്കിലും ശാഖയിലോ ഫീസ് അടയ്ക്കണം. ഒന്ന്,രണ്ട്,മൂന്ന് അലോട്ട്മെന്റുകൾ വഴി അലോട്ട്മെന്റ് ലഭിച്ചവർക്ക് മെമ്മോയിൽ പറഞ്ഞിരിക്കുന്ന തീയതികളിൽ കോളജിൽ പ്രവേശനം നേടാം.
അലോട്ട്മെന്റ് ലഭിച്ച കോളേജ്, കോഴ്സ്, കാറ്റഗറി, അഡ്മിഷൻ തീയതി എന്നിവ അലോട്ട്മെന്റ് മെമ്മോയിൽ നിന്ന് ലഭിക്കും. യോഗ്യത തെളിയിക്കുന്ന അസൽ സർട്ടിഫിക്കറ്റുകൾ സഹിതം(കൂടുതൽ വിവരങ്ങൾക്ക് അലോട്ട്മെന്റ് മെമ്മോ കാണുക) മെമ്മോയിൽ പറഞ്ഞിരിക്കുന്ന സമയത്ത് കോളജിൽ ഹാജരായി അഡ്മിഷൻ എടുക്കണം. ഇപ്രകാരം നിശ്ചിത സമയത്തിനുള്ളിൽ അഡ്മിഷൻ എടുക്കാത്തവരെ യാതൊരു കാരണവശാലും തുടർന്നുള്ള അലോട്ട്മെന്റുകളിൽ പരിഗണിക്കില്ല. ഇങ്ങനെയുള്ളവരുടെ സീറ്റുകൾ റദ്ദാകുന്നതും ആ സീറ്റുകൾ തുടർന്നുള്ള അലോട്ട്മെന്റുകളിലേയ്ക്ക് പരിഗണിക്കുന്നതുമാണ്.
അലോട്ട്മെന്റ് ലഭിച്ച അപേക്ഷകർ തങ്ങൾക്ക് ലഭിച്ച സീറ്റിൽ തൃപ്തരല്ലെങ്കിലും തുടർന്നുള്ള അലോട്ട്മെന്റുകളിൽ പരിഗണിക്കപ്പെടേണ്ട തിനായി അലോട്ട്മെന്റ് മെമ്മോയിൽ പറഞ്ഞിരിക്കുന്ന സമയത്ത് അലോട്ട്മെന്റ് ലഭിച്ച കോളേജിൽ അഡ്മിഷൻ എടുക്കണം.
അലോട്ട്മെന്റ് ലഭിച്ച അപേക്ഷകർ തങ്ങൾക്ക് ലഭിച്ച സീറ്റിൽ തൃപ്തരാണെങ്കിൽ അഡ്മിഷൻ എടുത്ത ശേഷം ആവശ്യമെങ്കിൽ അവരുടെ ഹയർ ഓപ്ഷനുകൾ ജൂലൈ നാലിന് വൈകുന്നേരം അഞ്ചിനുള്ളിൽ നീക്കം ചെയ്യണം. നില നിർത്തപ്പെടുന്ന ഹയർ ഓപ്ഷനുകൾ തുടർന്ന് വരുന്ന അലോട്ട്മെന്റിൽ പരിഗണിക്കുന്നതും പുതിയ അലോട്ട്മെന്റ് ലഭിക്കുന്ന പക്ഷം ആ സീറ്റ് നിർബന്ധമായും സ്വീകരിക്കേണ്ടതുമാണ്.
മതിയായ കാരണത്താൽ അലോട്ട്മെന്റ് മെമ്മോയിൽ രേഖപ്പെടുത്തിയിരിക്കുന്ന സമയത്തും തീയതിയിലും ഹാജരാകാൻ കഴിയാത്ത വിദ്യാർഥികൾക്ക് 30ന് ബന്ധപ്പെട്ട കോളജുകളിൽ ഹാജരായി പ്രവേശനം നേടാം.
ബിഎഡ് പരീക്ഷാകേന്ദ്രങ്ങൾ
29മുതൽ ആരംഭിക്കുന്ന രണ്ടാം സെമസ്റ്റർ ബിഎഡ് ഡിഗ്രി പരീക്ഷകൾക്ക് (2013സ്കീം സപ്ലിമെന്ററി&2004 സ്കീം മേഴ്സി ചാൻസ്) തിരുവനന്തപുരം ജില്ലയിലെ പരീക്ഷാകേന്ദ്രങ്ങൾ ആവശ്യപ്പെട്ട വിദ്യാർഥികൾ ഗവണ്മെന്റ് കോളജ് ഓഫ് ടീച്ചർ എഡ്യൂക്കേഷൻ, തൈക്കാട്, തിരുവനന്തപുരം. കൊല്ലം, പത്തനംതിട്ട ജില്ലകളിലെ കോളജുകൾ പരീക്ഷാ കേന്ദ്രങ്ങൾ ആവശ്യപ്പെട്ട വിദ്യാർഥികൾ കേരള സർവകലാശാല ബിഎഡ് സെന്റർ, തേവള്ളി കൊല്ലം. ആലപ്പുഴ ജില്ലയിലെ കോളജുകൾ പരീക്ഷാ കേന്ദ്രങ്ങൾ ആവശ്യപ്പെട്ട വിദ്യാർഥികൾ യൂണിവേഴ്സിറ്റി ഇൻസ്റ്റിറ്റ്യൂട്ട് ഓഫ് ടെക്നോളജി, ആലപ്പുഴ എന്നീ പരീക്ഷാകേന്ദ്രങ്ങളിൽ നിന്നും ഹാൾടിക്കറ്റ് കൈപ്പറ്റി അവിടെ തന്നെ പരീക്ഷ എഴുതണം.
ആറാം സെമസ്റ്റർ ബിഎ(എഫ്ഡിപി സിബിസിഎസ്) പരീക്ഷാഫലം
ഏപ്രിൽ 2018 ൽ നടത്തിയ ആറാം സെമസ്റ്റർ ബിഎ (എഫ്ഡിപി സിബിസിഎസ്) (2013 അഡ്മിഷൻ മുതൽ 2015 അഡ്മിഷൻ വരെ) പരീക്ഷാഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനും ഓണ്ലൈനായി ജൂലൈ 18വരെ അപേക്ഷിക്കാം.
എട്ടാം സെമസ്റ്റർ ബിടെക്ക്
എട്ടാം സെമസ്റ്റർ ബിടെക് 2008 സ്കീം പാർട്ട് ടൈം റീസ്രക്ച്ചേഡ് സപ്ലിമെന്ററി പരീക്ഷയുടെ ഓണ്ലൈൻ രജിസ്ട്രേഷൻ 25ന് ആരംഭിക്കും. പരീക്ഷയ്ക്ക് 29 വരെയും 50 രൂപ പിഴയോടുകൂടി ജൂലൈ രണ്ടുവരെയും 125 രൂപ പിഴയോടുകൂടി ജൂലൈ നാലുവരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
ബിഎ (ആന്വൽ സ്കീം വൈവ വോസി)
2018 മേയ് മാസത്തിൽ നടത്തിയ പാർട്ട് മൂന്ന് ബിഎ ഇംഗ്ലീഷ് (ആന്വൽ സ്കീം) പരീക്ഷയുടെ വൈവാവോസി 26 മുതൽ യൂണിവേഴ്സിറ്റി കാന്പസ്, പാളയം, 27 മുതൽ കെയുസിടിഇ കൊല്ലം, എസ്ഡി കോളജ്, ആലപ്പുഴ എന്നീ സെന്ററുകളിൽ രാവിലെ 10 മുതൽ നടത്തും. വിശദമായ ടൈംടേബിൾ വെബ്സൈറ്റിൽ.
എംഎ ഫിലോസഫി ഫലം
2018 എപ്രിൽ മാസത്തിൽ നടത്തിയ എംഎ ഫിലോസഫി 20162018 ബാച്ച് (സിഎസ്എസ്) പരീക്ഷാഫലം പ്രസിദ്ധീകരിച്ചു. വിന്നി പോൾ ഫെർണാണ്ടസ് ഒന്നാം റാങ്ക് കരസ്ഥമാക്കി.
വനിതാ ഹോസ്റ്റൽ പ്രവേശനം
സർവകലാശാലയുടെ കീഴിലുളള ഗവണ്മെന്റ് കോളജുകളിലെ ഒന്നാം വർഷ ബിരുദ വിദ്യാർഥിനികൾക്ക് തൈക്കാടുള്ള സർവകലാശാല വനിതാ ഹോസ്റ്റൽ പ്രവേശനത്തിനുളള അപേക്ഷകൾ ഓണ്ലൈനായി ക്ഷണിച്ചു. പ്രവേശനത്തിനുളള അപേക്ഷകൾ ഓണ്ലൈനായി എന്ന വെബ്സൈറ്റിലൂടെ 26 മുതൽ സമർപ്പിക്കാം.
രണ്ടാം സെമസ്റ്റർ പി.ജി ഫലം
2017 ഓഗസ്റ്റിൽ നടത്തിയ രണ്ടാം സെമസ്റ്റർ എംഎ മലയാളം, അറബിക്, സംസ്കൃതം (സ്പെഷൽ), ഹിസ്റ്ററി, എംഎസ്സി ഫിസിക്സ്, ബയോകെമിസ്ട്രി, പോളിമർ കെമിസ്ട്രി, ബോട്ടണി, സുവോളജി, ഇലക്ട്രോണിക്സ്, കംപ്യൂട്ടർ സയൻസ്, എംപിഎ എന്നീ പരീക്ഷകളുടെ ഫലം വെബ്സൈറ്റിൽ.
രണ്ടാം സെമസ്റ്റർ എംസിഎ ഫലം
2017 ഡിസംബറിൽ നടത്തിയ രണ്ടാം സെമസ്റ്റർ എംസിഎ (2011 സ്കീം) സപ്ലിമെന്ററി പരീക്ഷയുടെയും നാലാം സെമസ്റ്റർ എംസിഎ (2015 സ്കീം) റെഗുലർ പരീക്ഷ, നാലാം സെമസ്റ്റർ എംസിഎ (2011 സ്കീം) സപ്ലിമെന്ററി പരീക്ഷയുടെയും ഫലം വെബ്സൈറ്റിൽ.