മാനേജ്മെന്റ് ഓഫ് ലേണിംഗ് ഡിസെബിലിറ്റി കോഴ്സിന് അപേക്ഷ ക്ഷണിച്ചു
കൊച്ചി: സ്റ്റേറ്റ് റിസോഴ്സ് സെന്ററിനു കീഴിൽ പ്രവർത്തിക്കുന്ന എസ്ആർസി കമ്യൂണിറ്റി കോളജ് സർട്ടിഫിക്കറ്റ് ഇൻ മാനേജ്മെന്റ് ഓഫ് ലേണിംഗ് ഡിസെബിലിറ്റി കോഴ്സിന് അപേക്ഷ ക്ഷണിച്ചു. പ്ലസ്ടു ആണ് യോഗ്യത. വിദൂര വിദ്യാഭ്യാസ രീതിയിൽ നടത്തുന്ന ആറുമാസ കോഴ്സ് ജൂലൈ ആദ്യവാരം ആരംഭിക്കും. കോഴ്സിൽ പങ്കെടുക്കുന്നവർക്ക് സന്പർക്ക ക്ലാസുകൾ, പ്രാക്ടിക്കൽ ട്രെയിനിംഗ് എന്നിവയ്ക്കു പുറമേ പഠന സാമഗ്രികളും നൽകും.
അപേക്ഷാ ഫോമും പ്രോസ്പെക്ടസും 200 രൂപ നിരക്കിൽ തിരുവനന്തപുരത്ത് നന്ദാവനം പോലീസ് ക്യാന്പിനു സമീപം പ്രവർത്തിക്കുന്ന എസ്ആർസി ഓഫീസിൽ ലഭിക്കും. തപാലിൽ വേണ്ടവർ എസ്ആർസി കമ്യൂണിറ്റി കോളജിന്റെ പേരിൽ തിരുവനന്തപുരത്ത് മാറാവുന്ന 250 രൂപയുടെ ഡിമാൻഡ് ഡ്രാഫ്റ്റ് സഹിതം അപേക്ഷിക്കുക. കോഴ്സ് സംബന്ധിച്ച വിശദാംശങ്ങൾ wwws.rc.kerala.gov.in, wwsw.rccc.in എന്നീ വെബ്സൈറ്റുകളിൽ ലഭ്യമാണ്. അപേക്ഷ സ്വീകരിക്കുന്ന അവസാന തീയതി ജൂണ് 30.