കണ്ണൂർ സർവകലാശാല പിജി പ്രവേശനം
2018 19 അധ്യയനവർഷത്തെ ബിരുദാനന്തരബിരുദ പ്രോഗ്രാമുകളിലേക്ക് രജിസ്റ്റർചെയ്ത് അക്കാദമിക് വിവരങ്ങളും കോളജ് ഓപ്ഷനും നൽകിയിട്ടുള്ളവർ അവ ശരിയാണോയെന്ന് ശ്രദ്ധാപൂർവം പരിശോധിക്കണം. അക്കാദമിക് വിവരങ്ങളും കോളജ് ഓപ്ഷനും ആവശ്യമെങ്കിൽ എഡിറ്റു ചെയ്ത് സബ്മിറ്റ് ചെയ്തശേഷം പ്രിന്റെടുത്ത് വേരിഫൈ ചെയ്യേണ്ടതും എന്തെങ്കിലും തിരുത്തൽ ആവശ്യമായി വരുന്നെങ്കിൽ സിംഗിൾ വിൻഡോ അഡ്മിഷൻ ഓഫീസുമായി ബന്ധപ്പെടേണ്ടതുമാണ്. ഫോൺ: 0497 2715261, 04972715284, 9446382340.
പുനഃപ്രവേശനം, കോളജ് ട്രാൻസ്ഫർ: അവസാന തീയതി 30
സർവകലാശാലയിലെ വിവിധ ബിരുദ/ബിരുദാനന്തര ബിരുദ കോഴ്സുകളിലെ 3, 5 സെമസ്റ്റുകളിലേക്കുള്ള പുനഃപ്രവേശനം, കോളജ് ട്രാൻസ്ഫർ എന്നിവയ്ക്കുള്ള അപേക്ഷകൾ 30 നകം സമർപ്പിക്കണം. വൈകി ലഭിക്കുന്ന അപേക്ഷകൾ യാതൊരു കാരണവശാലും സ്വീകരിക്കുന്നതല്ല.
എംഎഡ് അപേക്ഷാ തീയതി നീട്ടി
കണ്ണൂർ സർവകലാശാലയുടെ കീഴിലുള്ള സ്കൂൾ ഓഫ് പെഡഗോഗിക്കൽ സയൻസസിൽ എംഎഡ് കോഴ്സിന് അപേക്ഷ സ്വീകരിക്കുന്ന അവസാന തീയതി ജൂലൈ 21 വരെ നീട്ടി.
ബിടെക് ഹാൾടിക്കറ്റ്
കണ്ണൂർ സർവകലാശാലയുടെ ബിടെക് ആറാം സെമസ്റ്റർ (സപ്ലിമെന്ററി/ ഇംപ്രൂവ്മെന്റ് പാർട്ട്ടൈം ഉൾപ്പെടെ) മേയ് 2018 പരീക്ഷകൾ ഇന്ന് ആരംഭിക്കും. ഹാൾടിക്കറ്റ് സർവകലാശാല വെബ്സൈറ്റിൽ ലഭ്യമാണ്.
വാചാപരീക്ഷാ തീയതികൾ പുനഃക്രമീകരിച്ചു
നാലാം സെമസ്റ്റർ എംഎ ഹിസ്റ്ററി ഡിഗ്രി (റഗുലർ/സപ്ലിമെന്ററി മാർച്ച് 2018) യുടെ പ്രോജക്ട് മൂല്യനിർണയം, പ്രോജക്ട് വാചാപരീക്ഷ, പൊതു വാചാ പരീക്ഷ എന്നിവ മാടായി സിഎഎസ് കോളജിൽ ജൂലൈ 2, 3 തീയതികളിലേക്കും കാഞ്ഞങ്ങാട് നെഹ്റു ആർട്സ് ആൻഡ് സയൻസ് കോളജിൽ ജൂലൈ 4, 5 തീയതികളിലേക്കും പുനഃക്രമീകരിച്ചു. രജിസ്റ്റർ ചെയ്ത വിദ്യാർഥികൾ അതത് കോളജുമായി ബന്ധപ്പെടണം.
പ്രോജക്ട് മൂല്യനിർണയം/വാചാ പരീക്ഷ
രണ്ടും നാലും സെമസ്റ്റർ എംഎ അറബിക് ഡിഗ്രി (റഗുലർ/സപ്ലിമെന്ററി മാർച്ച് 2018) യുടെ പ്രായോഗിക പരീക്ഷ/പ്രോജക്ട് മൂല്യനിർണയം/വാചാ പരീക്ഷ 28 മുതൽ വിവിധ കേന്ദ്രങ്ങളിൽ ആരംഭിക്കും. രജിസ്റ്റർ ചെയ്ത വിദ്യാർഥികൾ അതത് കോളജുമായി ബന്ധപ്പെടണം.
പ്രായോഗിക പരീക്ഷകൾ
നാലാം സെമസ്റ്റർ ബിഎസ്സി ഇലക്ട്രോണിക്സ്/ ഇലക്ട്രോണിക്സ് ആൻഡ് കമ്യൂണിക്കേഷൻ (റഗുലർ/സപ്ലിമെന്ററിമേയ് 2018) ഡിഗ്രി കോർ, കോംപ്ലിമെന്ററി പ്രായോഗിക പരീക്ഷകൾ 28 മുതൽ വിവിധ കേന്ദ്രങ്ങളിൽ ആരംഭിക്കും. വിശദമായ ടൈംടേബിൾ സർവകലാശാല വെബ്സൈറ്റിൽ.
ബിഎസ്സി മെഡിക്കൽ മൈക്രോബയോളജി/ ബയോകെമിസ്ട്രി/എംഎൽടി പരീക്ഷകൾ
മൂന്നും നാലും വർഷ ബിഎസ്സി മെഡിക്കൽ മൈക്രോബയോളജി/ബയോ കെമിസ്ട്രി/എംഎൽടി (സപ്ലിമെന്ററി) പരീക്ഷകൾക്ക് അപേക്ഷകൾ പിഴകൂടാതെ ജൂലൈ രണ്ട് വരെയും 160 രൂപ പിഴ സഹിതം ജൂലൈ നാലു വരെയും സമർപ്പിക്കാം. പരീക്ഷാതീയതി പിന്നീട് പ്രഖ്യാപിക്കും. വിജ്ഞാപനം വെബ്സൈറ്റിൽ ലഭ്യമാണ്.