എംസിഎ -റഗുലർ/ലാറ്ററൽ എൻട്രി-എസ്സി/എസ്ടി, എൻആർഐ ഒഴിവുകൾ
കണ്ണൂർ: കണ്ണൂർ സർവകലാശാലയുടെ മാങ്ങാട്ടുപറന്പ് കാന്പസിൽ പ്രവർത്തിക്കുന്ന ഐടി ഡിപ്പാർട്ട്മെന്റിൽ എംസിഎ (റഗുലർ ത്രിവത്സര കോഴ്സ്), എംസിഎ (ലാറ്ററൽ എൻട്രി ദ്വിവത്സര കോഴ്സ്) കോഴ്സുകളിൽ എസ്സി/എസ്ടി, എൻആർഐ ക്വാട്ടകളിൽ ഏതാനും സീറ്റുകൾ ഒഴിവുണ്ട്. പാലയാട് കാന്പസിൽ പ്രവർത്തിക്കുന്ന ഐടി എഡ്യുക്കേഷൻ സെന്ററിൽ എംസിഎ (റഗുലർ ത്രിവത്സര കോഴ്സ്) കോഴ്സിൽ എസ്സി/എസ്ടി ക്വാട്ടയിൽ ഏതാനും സീറ്റുകൾ ഒഴിവുണ്ട്. വിശദവിവരങ്ങൾക്ക് മാങ്ങാട്ടുപറന്പ് കാന്പസിലെ ഐടി വിഭാഗവുമായി ജൂലൈ രണ്ടിനകം ബന്ധപ്പെടണം. ഫോണ് നന്പർ: 0497 2784535.
ഒന്നാം സെമസ്റ്റർ ബിരുദ ക്ലാസുകൾ നാളെ തുടങ്ങും
കണ്ണൂർ: കണ്ണൂർ സർവകലാശാലയോട് അഫിലിയേറ്റ് ചെയ്തിട്ടുള്ള എല്ലാ ആർട്സ് ആൻഡ് സയൻസ് കോളജുകളിലും 201819 അധ്യയനവർഷത്തെ ഒന്നാം സെമസ്റ്റർ ബിരുദ ക്ലാസുകൾ നാളെ ആരംഭിക്കും.
ബിപിടി (സപ്ലിമെന്ററി) പ്രായോഗിക പരീക്ഷ
കണ്ണൂർ സർവകലാശാലയുടെ മൂന്നാം വർഷ ബിപിടി (സപ്ലിമെന്ററി) പ്രായോഗിക/വാചാ പരീക്ഷകൾ ജൂലൈ രണ്ട്, മൂന്ന് തീയതികളിലും നാലാം വർഷ ബിപിടി (സപ്ലിമെന്ററി) പ്രായോഗിക/വാചാ പരീക്ഷകൾ ജൂലൈ നാല്, അഞ്ച് തീയതികളിലുമായി തലശേരി കോഓപ്പറേറ്റീവ് ഇൻസ്റ്റിറ്റ്യൂട്ട് ഓഫ് ഹെൽത്ത് സയൻസസിൽ നടക്കും. രജിസ്റ്റർ ചെയ്ത വിദ്യാർഥികൾ പരീക്ഷാകേന്ദ്രവുമായി ബന്ധപ്പെടണം.